MATEO 7:24 - Wanaadi A'deddu

²⁴ “Yääje yeijäcä ñäädä ya’deddu töneeta’jödö tödöönei dhanwa tösejjecaato wei’jödö nönge na. Ñäädä dhanwa tömmai cönaamäi tooja de’wä. Täije cönnöi.

MATEO 7:24 ပူးပေါင်းရင်းမြစ်များ

MATEO 12:50

Ñäädä Jaaja caju ñano woije tödöönei, ñäädä ñäädä yaacono, jaaduichö mmaja, maama mmaja; quee cönä’döaacä Jesuuquidiito.

MATEO 16:18

Äwwä yääje wä’döa, Peedhodo amäädä, “täju”, quee töwä’döse yeichö. Amäädä anöngato dea sootoije wödööaato’de, täju de’wä maa amäädö töweiye naichöje. Wäämanä wwä oto’jodheinchajo’da naato’de tönwanno.

MATEO 24:45

“ ¿Änääcö adhantawäiñe töseedujä’ne nai, tädhaajä anoonöje chäänönge töweiyemö, chu’nädö awä tädhaajä sotoi ewanshinchäneichomooje töweichö wetä?

MATEO 25:2

Ijaatoodea cönä’ja’to aneene’jutu’jöncomo, ijaatoodea ’quene tösejjequeiñe.

MATEO 25:4

Ñanno tösejjeca’como mmaane iiñejöödöcoomo cönä’jaacä tödhaawadööcomo, queedusén mmaja, chääwötö’cä aca.

MATEO 25:9

Yaawä tösejjeca’como cöneccujä’a’to; cönä’döa’to: “Ng’jn, u’jai’cha ñaa na. Äwwäiñe u’a’jäcä ñaa wwä mäntä dea mma ñaa dhawaadö unque’jä’jai ña, änwanno adhaawadööcomo mmaja. Täjeemaane aneejemaatantäcä töwäätätöijaamo döiñaiñe;” quee cönä’döa’to ñanno tösejjeca’como.

MATEO 7:25

Conoojo cöniiñai yaawä; jejeichä chääjäcä cönä’döi jooje. Yääje yeichaame ata’dojo’da cöneiyacä, tooja de’wä yo’wadö weijäcä.

MATEO 7:26

Ñäädä ya’deddu töneeta’jödö ännöjöönö mmaane dhanwa aneene’ju’jönö wei’jödö nönge na. Ñäädä dhanwa tömmai cönaamäi sa’dada de’wä mmädä.

DUUCA 11:28

Jesuuquidiito cönä’döaacä yaawä: —Ñannoone ta’cwaiñe eijai ñaato, Wanaadi a’deddu etannamo, tödönnamo mmaja; quee cönä’döaacä.

JUAN 13:17

¿Odhoowanääcäiñe jönca näätaanä? Ta’cwaiñe eijai maato mädä tödööajäcä äwwäiñe.

JUAN 14:15

“Äwwäiñe jumma’jäcä öwö waanontädö tödöötäcä.

JUAN 15:10

Öwö waanontädö tödööa’jäcä äwwäiñe umjummadööje dea eijai maato, Jaaja nijummadööje waadöje mmaja, ñaanontädö tönnöe weijäcä.

JUAN 15:14

Änwanno jimmäje maato öwö waanontädö tödööa’jäcä äwwäiñe.

DOMAANO 2:13

Waanontänä etannamoojönööne Wanaadi jadoonoje nä’döaato, ñannoone, waanontänä tödönnamoone.

1 JUAN 2:3

Wanaadi waanontä’jödö tödööa’jäcä cöwwäiñe cowaanäcäiñe eijai ña yaawä chääjadoonoje cöweichöcoomo.