MATEO 7:21 - Wanaadi A'deddu

²¹ “Tameedä’da nomongaato’de caju ña: “Cajiichaana, Cajiichaana;” que’como wä’dödö. Ñannoone, Jaaja caju ñano woije tödönnamoone nomongaato’de.

MATEO 7:21 ပူးပေါင်းရင်းမြစ်များ

MATEO 12:50

Ñäädä Jaaja caju ñano woije tödöönei, ñäädä ñäädä yaacono, jaaduichö mmaja, maama mmaja; quee cönä’döaacä Jesuuquidiito.

MATEO 16:17

Jesuuquidiito cönä’döaacä chäwwä: —Ta’cwaiñe eijai ma amäädä Simón, Joná nnedö. Sotoojönööne mädääje odhoowanoomane, Jaaja caju ñanoone.

MATEO 18:10

“Canno mudeeshi’chä mänquiiñeme’täi. Yääje wä’döa äwwäiñe, canno mudeeshi’chä edai’chännamo Jaaja caju ñano je’taca töweiye naato, ñanno amoode.

MATEO 18:19

“Edääje mmaja wä’dö’se wa dea äwwäiñe, edä nono de’wä aacä änwanno awa’deuwa’comjäcä yää jäcä dea Wanaadi wwä awa’deuwödööcomo wetä, Jaaja caju ñano nu’a’de aneecato’jocoomo.

MATEO 18:3

Töwö cönä’döaacä yaawä: —Chäänönge yääje wä’döa äwwäiñe, mude’cä’cä nönge ä’dö’da aweiya’comjäcä, Wanaadi acaajichaanaichomooje eijai’cha na.

MATEO 18:35

“Mädääje mmaja Jaaja caju ñano ayöödöaato’de änwanno, ajimmotoncomo cone’nadiiyö anencwanno’jo’da aweiya’comjäcä; quee cönä’döaacä Jesuuquidiito tönoowanoomadö wwäiñe.

MATEO 19:24

Yääje wä’döa äwwäiñe, macuusa dha’tadö tai wa’shadi omonque’jönö töweiye naichö naane’; töwaacö’je mma tönsomaacato wwä Wanaadi töcaajichaanaije tödööque’jönö na; quee cönä’döaacä Jesuuquidiito tönoowanoomadö wwäiñe.

MATEO 25:10

Tödhaawadööcomo ejeemataame ñanno aneene’jutu’jöncomo wwäiñe töjöötaamö cönä’döi yaawä. Ñanno chäänönga’como’jödö cönoomomöicho yaawä chääjadä jötaatojo taca. Mönaatata cönaata’dui yaawä.

MATEO 25:21

Chäädhajä cönä’döaacä yaawä: “Chäänönge na, amäädä yaanonö aashichaato, chäänöngato mmaja. Aashicha mödööne ataadawaajui she’coto’cä. Eduuwa ataadawaajui wecamma adai’joto jaiñoone. Ta’cwaiñe eijai ma eduuwa öwö jaadä;” quee cönä’döaacä chäädhajä.

MATEO 26:39

Mänseedä’cä Jesuuquidiito cöntämä yaawä; tu’dhe cöne’mo’täi. Wanaadi wwä cöna’deuwöi; cönä’döaacä: —Jaaja, yääje eijai yeiya’jäcä mädä jääcä töweeja’dä’emööje naadö mäiñetuncajoi’che öwwä. Amäädä ätö’tajäätödö woijeene, öwö woije’daane; quee cönä’döaacä Jesuuquidiito.

MATEO 26:42

Töwö cöntännea yaawä; Wanaadi wwä cöna’deuwöi chea; cönä’döaacä: —Jaaja, mädä äiñetunca’da eijai’cha weiya’jäcä, amäädä ätö’tajäätödö woije wei’ñojo; quee cönä’döaacä.

MAADOCO 3:35

Ñäädä Wanaadi woije tödöönei, ñäädä ñäädä yaacono, jaaduichö mmaja, maama mmaja; quee cönä’döaacä Jesuuquidiito.

MAADOCO 9:47

Adheenudu nene’madö woije asaadijanga’jäcä u’cacä. Aashicha eijai ña ijaatoonomjödö mma adheenudu Wanaadi jataacäi äätädö; cone’da eijai ña a’nädäncädä adheenudu weichaame wa’to töwäätunque’emjönö aca awäätämaajodö.

DUUCA 11:28

Jesuuquidiito cönä’döaacä yaawä: —Ñannoone ta’cwaiñe eijai ñaato, Wanaadi a’deddu etannamo, tödönnamo mmaja; quee cönä’döaacä.

DUUCA 13:25

Maa edhaajä wwä mönaatata a’dua’jäcä änwanno jödo’na määdantaato’de yaawä, mönaatata a’ducaajodööje. “Cajiichaana, ñaa wwä a’ducaacä;” quee mä’döaato’de. Yaawä töwö adheccujä’aato’de: “Yoowanääcä’da maato, äshancomo ca änwannodö jääcä;” quee nä’döa’de.

DUUCA 18:25

Macuusa dha’tadö ai wa’shadi omonque’jönö naichö naane’; töwaacö’je mma tönsomaacato wwä Wanaadi töcaajichaanaije tödööque’jönö na; quee cönä’döaacä Jesuuquidiito tönoowanoomadö wwäiñe.

DUUCA 6:46

“Ane’que’nei Cajiichaanaje cä’taato, ya’deddu woije’da aweichaameiñe?

JUAN 14:7

Öwö odhoowanääcäiñe weiya’jäcä Jaaja mmaja odhoowanääcäiñe yaawä. Eduuwa Jaaja odhoowanääcäiñe na, töneene aweichomjäcä; quee cönä’döaacä Jesuuquidiito.

JUAN 15:23

Ñäädä öwö quiiñeme’nei, Jaaja quiiñemeecödö wa’cä mmaja na dea.

JUAN 3:5

Jesuuquidiito cönä’döaacä chäwwä: —Chäänönge yääje wä’döa, ñäädä tuna ai ennujöönö, Epíiditu Santo ai ennujöönö mmaja Wanaadi jataacäi täjai’cha na.

JUAN 5:17

Yaawä Jesuuquidiito cönä’döaacä chäwwäiñe: —Yääje yeichaame Jaaja tönnöe dea; öwö mmaja tödöödöje dea eijai wa; quee.

JUAN 6:40

Ñäädä Iiñedö eneenei, ecaanö’nei mmaja, yeichö töwaatamemjönö töweiye na, yaanontänei’jödö woije dea; öwö wadonca’de yaawä anooto wataamedaawä; quee cönä’döaacä Jesuuquidiito.

JUAN 7:17

Ñäädä Wanaadi woije tödö’sato dhowaanäcä na’de neecammajäätödö Wanaadi woijatooje yeichö, dha’da ’quene öwö woijato mma yeiya’jäcä.

DOSECHO 14:22

Iiñancomo quedeiyentecoomo cömjädu’ta’to, cönwätuuja’to dea ejääduqueejö’da yeichöcoomo wetä töneecamjödööcomo jonno. Edääje töwä’döe cönä’ja’to chäwwäiñe: —Cönwanno jooje cäntunaanö’aato Wanaadi döiña cöwä’döeejeiñe; quee Paudo töwä’döe cönä’ja’to quedeiyente wwäiñe.

DOMAANO 12:2

Edä nono de’wono woije’da eichäcä; tösa’duminchaane ätö’tajäätödööcomo sha’duminchatääcä, aweichöcoomo mmaja esa’duminchaiyede yaawä. Yaawä Wanaadi woijato odhoowanääcäiñe ä’döjai ña, töwö yaacötö mmaja, yää aashichaato, chäänöngato mmaja.

DOMAANO 2:13

Waanontänä etannamoojönööne Wanaadi jadoonoje nä’döaato, ñannoone, waanontänä tödönnamoone.

EUJEESIYO 6:6

Adheedhajootoncomo neneedöje mma meichäi’che, soto a’cwaimadaawä weiñä töweiye naichöje’daane. Quidiito anoonö nönge deaane eichäcä; tödö’se aweichöcoomo queene Wanaadi waanontädö tödöötäcä.

CODOOSENSE 4:12

Epaujada mmaja ta’deujödö nadääja dea, ñäädä Quidiito anoonö, ajimmotoncomo dea. Töwö weiñäje Wanaadi wwä töwa’deuwe weneene äjääcäiñe, ejääduqueejö’da aweichöcoomo wetä, chäänönge aweichöcoomo wetä mmaja, tameedä Wanaadi waanontädö tödööcoije aweichöcoomo wetä mmaja.

1 TEESADOONISENSE 4:3

Wanaadi conemjönö ’je’da aweichonse na. Töwö nijumma masuuduichanä e’nomjadö äwwäiñe.

1 TEESADOONISENSE 5:18

Yeichöje aashicha adha’deutäcä Wanaadi jäcä, tameedä äjääcäiñe yeeja’dätäädö jona’da. Mädääje Wanaadi awei’sheiñe na, Jesuuquidiito ecaanö’nnamooje aweijäcaiñe.

TIITO 1:16

Tönwanno Wanaadi ecaanö’nnamooje yäätä’tädööcomo; iiñödööcomo que mmaane täne’ju’dhe naato yeeshi’jodööcomooje yeichö. Töweecone’ma naato, töwäätuujacoone’da mmaja; she’caasa aashichaato tödööjai’cha mmädä naato.

EEWEDEO 13:21

Töwö Wanaadi chäänönge ayöödöaato, aashicha ayöödöaato dea tameedä aweichöcoomo jäcä, tumjummadö woije tödönnamooje aweichöcoomo wetä yaawä. Töwö Wanaadi Jesuuquidiito ni’wa’tädö que cödööato tumjummadö woije. Ñäädä Jesuuquidiito aashicha wa’deuto’me na yeichöödäje. Amén.

EEWEDEO 4:6

Yääje yeijäcä töweiye dea naato anejjacoomo, yää wäädeetatoojo ejoodönnamooje töweiyaamo. Ñanno awa’deene aashichaato wätunnä etannamo’jödö yää wäädeetatoojo aneejodö’da cöneiya’to töneeta’jocoomo woije ännö’da töwei’jocoomo weijäcä.

SANTIYAACO 1:22

Tödööeene tödöötäcä yää Wanaadi a’deddu necammadö; täta mma maneetatäi’che. Äwwäiñe etaataame ännö’da aweiya’comjäcä, äwwäädäiñe dea mätäncu’taato yaawä.

1 PEEDHODO 2:15

Mädääje Wanaadi awei’sheiñe na, aashichaato tödöödö que Wanaadi dhowaanojöncomo meta’jöichajootäiye, aneene’jutu’jöncomo mmaja.

1 PEEDHODO 4:2

Yääje yeijäcä edä nono de’wä maatoodawäädä töweesomaajä’e eichäcä Wanaadi waanontädö woije aweichöcoomo wetä, ajuunucoomo nijummadö woije’daane.

APOOCADIISI 2:27

Jaaja cajiichaanaje yöödöneedöje mmaja. Ñäädä e’jodheinchanei’jödö soto nanontaato’de sejaadadi döaajä yaichadö tönaanontä töweiye naichöje; ädiiñä wesaucwaajä nönge ñanno soto nä’döjaato’de chäwwä.

APOOCADIISI 22:14

Ta’cwaiñe eijai ñaato ñanno töwoomöcoomo choccannamo’jödö, weichojo ejeedödö ameedö wetä töwwäiñe, jata nata’tadö ai töwoomomöödöcoomo wetä mmaja.

APOOCADIISI 3:5

Ñäädä e’jodheinchanei’jödö tajääde’dato yoomöje na’de; chäätö anaajuudä’da wa’de weichojo jajeedai’chädö jäconno. Öwö wecamma’de sootoije yeichö Jaaja wwä, Jaaja amoodedö netaadöcoomoje mmaja.