MATEO 6:5 - Wanaadi A'deddu

⁵ “Wanaadi wwä awa’deuwödaawäiñe ñanno yääjönö wa’co’como wäänejoodö naatoodöje’daane eichäcä. Tönwanno yaacö’comje Wanaadi wwä töwa’deuwödööcomo jiidi, we’jummatoojo taca, jödo’na mmaja, täneedöcoomo wetä soto wwäiñe. Chäänönge yääje wä’döa äwwäiñe, mädä que mma täjeema naato tönwanno.

MATEO 6:5 ပူးပေါင်းရင်းမြစ်များ

MATEO 21:22

Tameedä ecaanö’ancädä Wanaadi wwä ane’catäädöcoomo äwwäiñe nä’tua’de; quee cönä’döaacä Jesuuquidiito tösootoi wwäiñe.

MATEO 23:13

“Wentumje maato’de änwanno owaanomannamo, jaadiseeocoomo mmaja, yääjönö wa’co’como wäänejoodö. Änwanno Wanaadi sotoije ä’döjai’chomo’jödö töncone’ma määnetääne. Änwanno dea Wanaadi sotoije ei’cha maato, shootoije töwei’sha’como wwä ännöjo’da mmaja.

MATEO 23:5

Tameedä tönnöe weneeneto soto wwäiñe töwäänejooto’comooje mma. Tönwanno yaacö’comje Wanaadi a’deddu imennaajä adäädö töjeecaichöcoomo de’cäcä immödööcomo, tajäädöcoomo jäcä mmaja. Yaacö’comje dea anejjacoomo soto womööcomo a’sadö e’jodhe’cä töwoomöcoomo a’sadö tödöödö.

MATEO 23:6

Tönwanno täneejuca’como a’täi ye’wä töwei’sheiñe weneeneto wääwashinchänaawä, we’jummanaawä mmaja.

MATEO 6:1

“Äädai’chätääcä; soto wwäiñe adheenedööcomo wetä mma männötäi’che aashichaato. Yääje tödööa’jäcä äwwäiñe adheejemaatäiñe’da na’de Oomotoncomo caju ñano.

MATEO 6:16

“Äwäänemaadawäiñe yäänemaadö nönge mma määnejootäi’che, ñanno yääjönö wa’co’como wäänejoodö naatoodöje’daane. Tönwanno ecoonecaajätö’da weneeneto yaawä, soto wwäiñe täneedöcoomo wetä mmädä töwäänemaadöcoomoje yeichö. Chäänönge yääje wä’döa äwwäiñe, mädä que mma täjeema naato tönwanno.

MATEO 6:2

Yääje yeijäcä wentumja’como wwäiñe utuudawä äwwä, maneecadeeme’joi’che. Ñanno yääjönö wa’co’como wäänejoodö naatoodöje’daane eichäcä. Tönwanno we’jummatoojo taca, jata antai mmaja, töwääcadeeme’jo weneeneto wentumja’como i’wa’tädaawäiñe töwwäiñe. Mädä tönnöe weneeneto aashicha soto we’deuwödööcomo wetä yaawä töjääcäiñe. Chäänönge yääje wä’döa äwwäiñe, mädä que mma täjeema naato.

MATEO 9:38

Yääje yeijäcä adha’deutäcä tadaawaaju Edhaajä wwä, töwö tötaadawaajui dödö jäcä soto anaanontäiyeto; quee cönä’döaacä Jesuuquidiito.

MAADOCO 11:25

Wanaadi wwä awa’deuwödaawäiñe encwanno’jotääcä anejja jäcä cone’da aweichöcoomo. Yaawä Oomotoncomo caju ñano encwanno’jojai ña änwanno ocoone’nadiiyöcoomo.

MAADOCO 12:38

Yaawä soto owaanomaadawäiñe Jesuuquidiito cönä’döaacä: —Odhoowoinchadäiñe’da eichäcä owaanomannamo jäcäiñe, ñanno nuwe töwoomöcoomo yaacötööcomo. Tönwanno yaacö’comje tönoiñe täne’madööcomo que soto wwäiñe ta’dejjadööcomo jata antawä.

DUUCA 11:43

“Wentumje maato’de änwanno jaadiseeo. Änwanno täneejuca’como a’täi ye’wä awei’sheiñe määnetääne we’jummanaawä. Tönoiñe adheene’madööcomo que jata antawä soto wwäiñe awaata’dejjajoodöcoomo awaacö’comje mmaja.

DUUCA 18:1

Edä mmaja Jesuuquidiito chäwwäiñe cöneecammai chea, yö’seenoje, töweejäduuque’ancädä’da weiñäje Wanaadi wwä wa’deunä jäcä.

DUUCA 18:13

Ñäädä acu’shänä jödaatai i’jummanei mmaane amoinche cönä’jaacä; caju wwadäädä ene’se’da’jödö jadäädä. Tu’dhe mma cönä’jaacä. Wentumje cöna’deuwacä; cönä’döaacä: “Amäädä Wanaadi, wentumje cäneecä, öwö conemjönö tödöönei;” quee cönä’döaacä ñäädä acu’shänä jödaatai i’jummanei.

DUUCA 20:47

Tönwanno iiño wääma’jödö nödöödö töneijä’e weneeneto. Yää encwanno’jodööje nuwe Wanaadi wwä töwa’deuwe yaawä. Tönwanno jooje’cä nätä’maminchajaato’de; quee cönä’doaacä Jesuuquidiito.

DUUCA 6:24

“Änwanno tönsomaaca’como mmaane wentumje maato’de. Eduuwa mma mä’wa’deme’caato.

JUAN 16:24

Eduuwa naadö jona tödööene öwö yeetö joi ane’catä’da maato. Eduuwaane öwö yeetö joi ane’ca’täcä’de, chääwa’cä adha’cwaniiyöcoomo weichö wetä.

EUJEESIYO 6:18

Tameedä mädä tödöötäcä yeichöje Wanaadi wwä awa’deuwancädäiñe Epíiditu Santo ni’wa’tädö que; chäwwä adha’deutäcä ämjummadööcomo e’ca’ancädä. Odhoowadäädäiñe eichäcä mädä jäcä, aweejäduuque’ancädäiñe’da, tameedä Wanaadi sotoi jäcäiñe Wanaadi wwä awa’deuwancädäiñe.

1 TEESADOONISENSE 5:17

Wanaadi wwä yeichöje adha’deutäcä.

SANTIYAACO 4:6

Töwö Wanaadi aashicha töweichö woije cö’wa’tätäiñe weneene. Edääje dha’deddu imennaajä jäcä nä’döa: “Wanaadi nä’jädu’ta o’jodhaato tö’tajäätödö jäcä; o’jodhe chö’tajä’jönö mmaane töwö töni’wa’tä weneene, aashicha töweichö woije;” quee nä’döa.