MATEO 6:34 - Wanaadi A'deddu

³⁴ Yääje yeijäcä mätäncano’tätäi’che jenamma aweicho’como jäcä. Jenammade’ ätö’tajä’aatoone’ jenamma aweicho’como jäcä. Chääwa’cä mma töweiye nai conemjönö anooto waadäi.

MATEO 6:34 ပူးပေါင်းရင်းမြစ်များ

MATEO 6:11

Ñaa ewanshiñö änu’cä edä anootoi’chädö awä.

MATEO 6:25

“Yääje yeijäcä yääje wä’döa äwwäiñe: Eetä aweichöcoomo jäcä mma mätäncano’tätäi’che, yää adheewanshiñööcomo ejoodödö jäcä, owoocödööcomo jäcä mmaja, owoomöcoomo jäcä mmaja. ¿Tujunne’cä jönca nai aweichöcoomo, äwanshi e’jodhe’cä? Adheejöcoomo tujunne’cä mmaja, womö e’jodhe’cä.

MATEO 6:27

¿Änääcö adhantawäiñe tötö’tajäätödö woije mma tooni meetodo annai aatö’nä’jai ñai?

DUUCA 10:41

Jesuuquidiito cöneccujä’acä yaawä; cönä’döaacä: —Amäädä Maadata, jooje deja ataadawaajui jäcä mätäncano’ta dea.

DUUCA 11:3

Ñaa ewanshiñö änu’cä edä anootoi’chädö awä.

DUUCA 12:11

“Yaawä we’jummatoojo taca adhaadäa’comjäcä, äcamma’jonnamo wwadäädä jeiñe mma, acu’shänä wwadäädä jeiñe mma, äwwäiñe eccujo’to’como jäcä mma mätäncano’tätäi’che, awa’deuto’como jäcä jeiñe mma.

DUUCA 12:22

Yää ’jeje Jesuuquidiito cönä’döa’dea tönoowanoomadö wwäiñe: —Yääje yeijäcä yääje wä’döa äwwäiñe, eetä aweicho’como jäcä mma mätäncano’tätäi, yää adheewanshiñööcomo ejoodödö jäcä, owoomöcoomo ejoodödö jäcä mmaja.

JUAN 14:27

“Öötääje täncanoode’da aweicho’como wu’a, yää öwwono. Täncanoode’da weiñä edä nono de’wono nöngemjönö wu’a äwwäiñe. Cone’da’daane eichäcä adheewanööcomo jäcä; tösaade’da mmaja eichäcääde.

JUAN 16:33

Mädä wecammajäätöi äwwäiñe täncanoode’da aweichöcoomo wetä öwö jääcäinchädä. Edä nono de’wä aweichöcoomo mäntunaanö’ato’de; yääje yeichaame cone’da’daane eichäcä’de, öwö we’jodheinchane edä nono de’wono; quee cönä’döaacä Jesuuquidiito.

DOSECHO 14:22

Iiñancomo quedeiyentecoomo cömjädu’ta’to, cönwätuuja’to dea ejääduqueejö’da yeichöcoomo wetä töneecamjödööcomo jonno. Edääje töwä’döe cönä’ja’to chäwwäiñe: —Cönwanno jooje cäntunaanö’aato Wanaadi döiña cöwä’döeejeiñe; quee Paudo töwä’döe cönä’ja’to quedeiyente wwäiñe.

JIDIIPENSE 4:6

Ane’cä’cä jäcäinchädä mma maaquiñu’tätäi; töwa’deuwe mmaane adha’deutäcä Wanaadi wwä, tameedä ännödööcomo jäcä. Ämjummadööcomo ane’ca’täcä chäwwä, aashicha awa’deuwancädäiñe chäwwä.

1 PEEDHODO 5:7

Tameedä adhansu’däneichomooje weneenedö Wanaadi wwä ecammatääcä, töwö adheedai’chätäiñe yeijäcä.