MATEO 6:10 - Wanaadi A'deddu

¹⁰ töcaajichaanaichomooje ayöödö’ña’to. Ämjummadö woije nödö’ña’to edä nono de’woncomo, caju ñancomo tönnöe weneenetoodöje mmaja.

MATEO 6:10 ပူးပေါင်းရင်းမြစ်များ

MATEO 12:50

Ñäädä Jaaja caju ñano woije tödöönei, ñäädä ñäädä yaacono, jaaduichö mmaja, maama mmaja; quee cönä’döaacä Jesuuquidiito.

MATEO 16:28

Chäänönge yääje wä’döa äwwäiñe, dhantai eetä maatoodö äwäämadööcomo owaajo meneeato’de Soto nnedö cajiichaanaje yäänejoodö; quee cönä’döaacä Jesuuquidiito.

MATEO 26:42

Töwö cöntännea yaawä; Wanaadi wwä cöna’deuwöi chea; cönä’döaacä: —Jaaja, mädä äiñetunca’da eijai’cha weiya’jäcä, amäädä ätö’tajäätödö woije wei’ñojo; quee cönä’döaacä.

MATEO 3:2

Edääje töneecammajä’e cönä’jaacä: —Ätö’tajäätödööcomo sha’duminchatääcä. Amoinche’da nä’döi eduuwa Wanaadi acaajichaanaichomooje yä’dötoojo; quee töwä’döe cönä’jaacä.

MATEO 4:17

Yaawä Jesuuquidiito cönaajäntäi ecammajäätödö. Töwö töwä’döe cönä’jaacä: —Ätö’tajäätödööcomo sha’duminchatääcä. Amoinche’da nä’döi eduuwa Wanaadi acaajichaanaichomooje yä’dötoojo; quee töwä’döe cönä’jaacä.

MATEO 7:21

“Tameedä’da nomongaato’de caju ña: “Cajiichaana, Cajiichaana;” que’como wä’dödö. Ñannoone, Jaaja caju ñano woije tödönnamoone nomongaato’de.

MAADOCO 11:10

Aashicha na’de cadai’choncomo Dawí cajiichaanaje yeichojo ne’a’dedö. Aashichaato ñäädä Wanaadi; quee cöncä’tomjä’a’to.

MAADOCO 3:35

Ñäädä Wanaadi woije tödöönei, ñäädä ñäädä yaacono, jaaduichö mmaja, maama mmaja; quee cönä’döaacä Jesuuquidiito.

DUUCA 19:11

Soto wwäiñe töneecammajäätödö etaadawä, Jesuuquidiito cöna’deuwöi chäwwäiñe yö’seenoje. Jeduusadén ñano jäcä amoinche’da Jesuuquidiito weijäcä yaawä dea mma Wanaadi cajiichaanaje yeichö yäänejaatäi ñanno soto cöneecanö’a’to.

DUUCA 19:38

cönä’döa’to: —Aashichaato määdhä Cajiichaana, Cädhaajotoncomo eetö joiño we’ajä. Caju ñancomo wwäiñe täncanoode’da weichojo na. Aashichaato ñäädä Wanaadi; quee cönä’döa’to.

DUUCA 22:42

cönä’döaacä: —Jaaja, mädä jääcä töweeja’dä’emö naadö öwwä yeetuncajo’se’da aweiya’jäcä mäiñetuncajoi’che. Yaawääne’ amäädä owoije tödööcä, öwö umjummadö woije’daane; quee cönä’döaacä.

JUAN 4:34

Jesuuquidiito cönä’döaacä chäwwäiñe: —Öwö yeewanshiñö yää yaanontänei’jödö waanontä’jödö tödöödö, chaadawaajui acoichadö wa’cä.

JUAN 6:40

Ñäädä Iiñedö eneenei, ecaanö’nei mmaja, yeichö töwaatamemjönö töweiye na, yaanontänei’jödö woije dea; öwö wadonca’de yaawä anooto wataamedaawä; quee cönä’döaacä Jesuuquidiito.

JUAN 7:17

Ñäädä Wanaadi woije tödö’sato dhowaanäcä na’de neecammajäätödö Wanaadi woijatooje yeichö, dha’da ’quene öwö woijato mma yeiya’jäcä.

DOSECHO 13:22

Yää ’jeje Wanaadi Saudo cunu’cai cajiichaanaje yeichö jonno; Dawí cöneewaacai inwacaanoje. Edääje Wanaadi cönä’döaacä Dawí jäcä: “Määdhä Dawí, Isaí nnedö, waacö’je wedantäne. Töwö nödööa’de tameedä umjummadö nönge;” quee cönä’döaacä Wanaadi Dawí jäcä.

DOSECHO 21:14

Ye’wononcajai’cha ñaa weijäcä ñaa cöneeta’jöjäätöi yaawä; edääje mmaane ñaa cönä’döaacä: —Cajiichaana woije nei’ñojo; quee.

DOSECHO 22:14

Yaawä töwö cönä’döaacä öwwä: “Ñäädä cadai’choncomo Wanaadiyö jenaadä adhe’täne töwoije tödööneije aweichö wetä, ñäädä aashichaato eneedö wetä mmaja äwwä, dha’deddu etaadö wetä mmaja.

DOMAANO 12:2

Edä nono de’wono woije’da eichäcä; tösa’duminchaane ätö’tajäätödööcomo sha’duminchatääcä, aweichöcoomo mmaja esa’duminchaiyede yaawä. Yaawä Wanaadi woijato odhoowanääcäiñe ä’döjai ña, töwö yaacötö mmaja, yää aashichaato, chäänöngato mmaja.

EUJEESIYO 6:6

Adheedhajootoncomo neneedöje mma meichäi’che, soto a’cwaimadaawä weiñä töweiye naichöje’daane. Quidiito anoonö nönge deaane eichäcä; tödö’se aweichöcoomo queene Wanaadi waanontädö tödöötäcä.

CODOOSENSE 1:13

Töwö Wanaadi cäwaanacaatäne tööjato jäduudu jonno; töwö cödöötäne yaawä Tönnedö tumjummadö sotoije.

CODOOSENSE 1:9

Yääje yeijäcä yääje aweichöcoomo ñaa wwä eta’jödö jonnoto’jödöödä Wanaadi wwä äjääcäiñe töwa’deuwödö ane’nomja’da ñaa na. Töne’ca’e ñaa weneene Wanaadi woijato odhoowanääcäiñe yeichojo, Wanaadi nödöödö jäcä tösejjeque aweicho’como mmaja, towaanojo’ne aweicho’como mmaja.

1 TEESADOONISENSE 4:3

Wanaadi conemjönö ’je’da aweichonse na. Töwö nijumma masuuduichanä e’nomjadö äwwäiñe.

1 TEESADOONISENSE 5:18

Yeichöje aashicha adha’deutäcä Wanaadi jäcä, tameedä äjääcäiñe yeeja’dätäädö jona’da. Mädääje Wanaadi awei’sheiñe na, Jesuuquidiito ecaanö’nnamooje aweijäcaiñe.

EEWEDEO 1:14

Ñanno tameedä Wanaadi amoodedö naato tanontaamoje mma, töwääwanaacaamo i’wa’tännamooje anonta’como.

EEWEDEO 10:36

Aaquiñu’tä’da aweicho’como tujunne na äwwäiñe, Wanaadi woijato tödöödö wetä yaawä äwwäiñe, ñeecamma’jödö mejoodötäiye yaawä.

EEWEDEO 10:7

Yääje yeijäcä edääje wä’döaaquene äwwä: “Eetä wa öwö, amäädä Wanaadi, owoije tödööneije, jääcä jajeedä imennaajä wä’dödö naadöje dea;” quee cönä’döaacä Jesuuquidiito Wanaadi wwä.

EEWEDEO 13:21

Töwö Wanaadi chäänönge ayöödöaato, aashicha ayöödöaato dea tameedä aweichöcoomo jäcä, tumjummadö woije tödönnamooje aweichöcoomo wetä yaawä. Töwö Wanaadi Jesuuquidiito ni’wa’tädö que cödööato tumjummadö woije. Ñäädä Jesuuquidiito aashicha wa’deuto’me na yeichöödäje. Amén.

1 PEEDHODO 2:15

Mädääje Wanaadi awei’sheiñe na, aashichaato tödöödö que Wanaadi dhowaanojöncomo meta’jöichajootäiye, aneene’jutu’jöncomo mmaja.

1 PEEDHODO 4:2

Yääje yeijäcä edä nono de’wä maatoodawäädä töweesomaajä’e eichäcä Wanaadi waanontädö woije aweichöcoomo wetä, ajuunucoomo nijummadö woije’daane.

APOOCADIISI 11:15

Yaawä aacä amoojatooto amoode töjaanau’cwai cöneetöi. Wa’deunä cönäätaacä yaawä caju ña, jooje. Edääje ya’deuwödööcomo cönäätaacä: Tameedä nono de’woncomo, ñanno cajiichaanacoomo sotoi, naato eduuwa Cädhaajotoncomo sotoije, dhanoonö Quidiito sotoije mmaja. Töwö Cajiichaanaje na’de yeichöödäje; quee cönäätaacä.

APOOCADIISI 12:10

Caju ña a’deu wetaaquene yaawä. Jooje cönäätaacä; cönä’döaacä: —Eduuwa chäänönge nä’döi wääwanaacatoojo, Cöwaanadiiyöcoomo wwä töjäädudu eneejotoojo mmaja, cajiichaanaje töweichö eneejotoojo mmaja, dhanoonö Quidiito cajiichaanaje yeichojo mmaja. Caju ñanno cönootonno’jajoi eduuwa ñäädä cöjimmotoncomo ementäneichomo’jödö, ñäädä ano, coijai’jödöödä Wanaadi wwä töneementäiñe töweiye cönä’ja’dö.

APOOCADIISI 19:6

Yaawä wetaaquennea a’deu, jooja’como soto wa’deuwödööcomo nönge. Shoodö we’duccadö wa’cä cönäätaacä, cadeemedu töweiye naichö wa’cä mmaja. Edääje cönä’döa’to: Aadeduuya. Cädhaajotoncomo Wanaadi cajiichaanaje na; ñäädä mma töwö jäduujato.

APOOCADIISI 20:4

Yaawä weneeaqueene wanna mude, ye’woncomo wataajimaadö mmaja. Chäwwäiñe u’ajä cönä’jaacä soto emmencato’como. Weneeaquento dea ñanno Jesuuquidiito a’deddu ecammajäätödö jo’tädööja’como ijöncä’jä’a’como’jödö ecaatocoomo, ñanno Wanaadi a’deddu jo’tädööja’como wä’jajo’jocoomo, ñanno odoocojaato änwa’deme’jöncomo’jödö, chu’taajä mmaja. Ñanno dea cönä’ja’to odoocojaato wwä töjaawäiñe ä’madaaca’ñäjoojöncomo’jödö, tamäädöcoomo jäcä mmaja. Ñanno waadoncadööcomo weneeaqueene. Cajiichaanaje naato’de 1,000 wedu Quidiito jadä.