MATEO 5:9 - Wanaadi A'deddu

⁹ “Ta’cwaiñe eijai ñaato ñanno äätu’dedööje’da weiñä jäcä soto yäätuujannamo; tönwanno Wanaadi nnacoomoje nätä’täjaato’de.

MATEO 5:9 ပူးပေါင်းရင်းမြစ်များ

MATEO 5:45

Mädääje Oomotoncomo caju ñano nnedööje eijai maato. Töwö shii tömja’canö’jo weneene tameedä soto weiyuuducoomoje, aashicha’como weijoneichomooje, conemjöncomo jadä’jödöödä. Yääje mmaja conoojo tönne’jo weneene dea aashicha’como jäcäiñe, conemjöncomo jäcäiñe mmaja.

MATEO 5:48

Aashichaane eichäcä, Oomotoncomo caju ñano aashicha naadöje mmaja.

DUUCA 20:36

Tönwanno äämajai’cha naato’de yaawä; Wanaadi amoodedö nöngeiñe mma naato’de, Wanaadi nnacoomoje mmaja, töwäämaajo jonno yaadonca’comooje töweijäcäiñe.

DUUCA 6:35

Änwanno mmaane ätu’de’tännamo ijummajai maato, aashichaato chääjäcäiñe tödööjai mmaja. Soto wwäiñe u’täcä’de, inwacaamajoodö jäcä ätö’tajä’ancädäiñe’da. Yaawä adheejema’jocoomo jooje na’de. Mädääje Wanaadi O’jodhaato nnedööje eijai maato, yääjatoone yeiyajä töwö, töjääcä chö’tajä’jöncomo aashicha tönnöe, conemjönö dönnamo mmaja.

DOSECHO 7:26

Yää jenamma naadöje Moisé cöneedantoicho aacä töjimmä wataiju’jätöödöcoomo. Töwö a’cwaima’seiñe cönä’jaacä; cönä’döaacä chäwwäiñe: “Ñanno dea dajaane änwanno, ¿ane’que’nei mataiju’jä’ato dea?” quee cönä’döaacä.

DOMAANO 12:18

Täncanoode’da eichäcä tameedä soto jäcäiñe, eijai aweichöcoomo woije.

DOMAANO 8:14

Tameedä ñanno Epíiditu Santo nanontädö woija’como Wanaadi nnacoomoje naato.

DOMAANO 8:16

Töwö Epíiditu Santo cötö’tamme’jotäiñe weneene Wanaadi nnedööje cöweichöcoomo.

DOMAANO 8:19

Tameedä amoode’naajä naadö jooje niyoomo’ca Wanaadi nnacoomo wä’nejoncadööcomo.

1 CODINTIYO 6:6

¿Aaquene mmaja töjimmä jäcä cone’da töweichawä quedeiyente anaadädö deaade’ quedeiyentejöncomo wwadäädäiñe mmädä, ñanno wwäiñe choonecaajodö wetä?

2 CODINTIYO 13:11

Mädääje mma wä’dö’se wä’jaanä, jimmä. Chäänönge aweichöcoomo encano’tätääcä; ä’jädu’tätääcäde; aata’deucwe eichäcä; täncanoode’da eichäcääde. Yaawä Wanaadi ajaadäiñe eijai ña, ñäädä täncanoode’da weiñä edhaajä, wä’jummanä edhaajä mmaja.

2 CODINTIYO 5:20

Yääje yeijäcä Quidiito nanontädööje ñaa na. Wanaadi chea äwwäiñe na’deuwa ñaa ntai. Yääje yeijäcä Quidiito woije edääje ñaa nä’döa äwwäiñe: Ääweichacoonoje ä’dötääcä Wanaadi jadä.

CAADATA 5:22

Epíiditu Santo nödöödö weja’caajä mmaane wä’jummanä, ta’cwaiñe weiñä mmaja, täncanoode’da weiñä mmaja, aashicha shinchädö mmaja, tamääne’da weiña mmaja, aashichaato jummadö mmaja, chäänönge weiñä mmaja,

EUJEESIYO 4:1

Yääje yeijäcä edääje mänwätuujaato, öwö Cajiichaana jo’tädööje jedeesojaato: Chäänönge eichäcä, Wanaadi na’dejjadö weichö nöngeene, ña’dejjadööne aweiya’como.

JIDIIPENSE 4:2

Edääje wä’dö’se wa Ewoodia wwä, Síntique wwä mmaja: Äänöngeene ätö’tajä’täcä, quedeiyente weichö nöngeene.

CODOOSENSE 3:13

Äwwäädäiñe ä’shinchätääcä; conemjönö tödö’jödö encwanno’jocoije eichäcä, ajimmotoncomo jäcä cone’da aweiya’comjäcä. Quidiito cöcoone’nadiiyöcoomo cönencwanno’joichöje mmaja encwanno’jojai maato ajimmotoncomo nödöödö.

EEWEDEO 12:14

Tameedä soto jäcä äätu’dedööje’da aweicho’como encano’tätääcä, aashicha aweiyancädäiñe. Ñäädä aashicha yeichö ’jemjönö Cajiichaana aneene’da na’de.