MATEO 5:7 - Wanaadi A'deddu

⁷ “Ta’cwaiñe eijai ñaato ñanno wentumje änennamo; tönwanno daja wentumje näänejaato’de.

MATEO 5:7 ပူးပေါင်းရင်းမြစ်များ

MAADOCO 11:25

Wanaadi wwä awa’deuwödaawäiñe encwanno’jotääcä anejja jäcä cone’da aweichöcoomo. Yaawä Oomotoncomo caju ñano encwanno’jojai ña änwanno ocoone’nadiiyöcoomo.

DUUCA 6:35

Änwanno mmaane ätu’de’tännamo ijummajai maato, aashichaato chääjäcäiñe tödööjai mmaja. Soto wwäiñe u’täcä’de, inwacaamajoodö jäcä ätö’tajä’ancädäiñe’da. Yaawä adheejema’jocoomo jooje na’de. Mädääje Wanaadi O’jodhaato nnedööje eijai maato, yääjatoone yeiyajä töwö, töjääcä chö’tajä’jöncomo aashicha tönnöe, conemjönö dönnamo mmaja.

DOMAANO 11:30

Änwanno judhíojöncomo, jenaadä Wanaadi woije ei’cha mä’ja’quene; eduuwa judhíocoomo daja Wanaadi woije ei’cha naato. Wanaadi wentumje adheeneaato eduuwa.

1 CODINTIYO 7:25

Ñanno tö’dhemjöncomo jäcä, töiñoquemjöncomo jäcä mmaja Cajiichaana waanontädö ’je’da öwwä na. Yääje yeichaame öwö tö’tajäätödö wecamma, tätamje önwätuujadö yeijäcä, Cajiichaana ni’wa’tädööne weiyajä.

2 CODINTIYO 4:1

Yääje yeijäcä ejääduqueejö’da ñaa na, Wanaadi nödööjo’jödö yeijäcä edä ñaa tadaawaajuije naadö, wentumje äneetä töweichö woije ñaa wwä cuntuichö.

EUJEESIYO 4:32

Ta’cwaiñe mmaane eichäcä ääjäcä, wentumje äneetä mmaja; ajimmotoncomo cone’nadiiyö encwanno’jotääcä, Wanaadi ocoone’nadiiyöcoomo cönencwanno’joichöje mmaja, Quidiito jäcäinchädä.

CODOOSENSE 3:12

Wanaadi nijummadö änwanno, töwö ñei’jödö mmaja, töwwonooje aweichöcoomo wetä. Yääje yeijäcä aashicha weiñä äwwäiñe tödööjai maato, yää wentumje äneetä weiñä, soto jäcäiñe ta’cwaiñe weiñä mmaja, o’jodhe chö’tajäätö’da weiñä mmaja, soto jäcäiñe jäduuje’da weiñä mmaja, aashicha shinchädö mmaja.

1 TIIMOTEO 1:13

Töwö Jesuuquidiito mädääje yöödöne jenaadä töjääcä cone’da töwa’deuwe wei’jödö weichaame, tömmamincha wei’jödö weichaame mmaja, töneetana’tä wei’jödö weichaame mmaja. Yääje yeichaame töwö wentumje yeeneaaquene yoowoinchadä yääje wei’jödö weijäcä quedeiyenteje’da weichö.

1 TIIMOTEO 1:16

Yaawääne’ edä jäcäinchädä töwö Wanaadi wentumje yeeneaaquene, jääcä awa’deene Jesuuquidiito wwä eneejodö wetä aashicha töweichö. Mädääje täneemöje wä’döne, ñanno Jesuuquidiito töweicho’comooje ecaanö’nenaamo neneedöcoomoje.

EEWEDEO 4:16

Yääje yeijäcä tösaade cöweiyancädäiñe’da täjai caato cujummaneichomo Wanaadi mudei wwadäädä, wentumje cäne’matäiye töwö yaawä, aashicha töweichö woije cö’wa’tätäiyede jäduuje’da cöweichawäiñe.

EEWEDEO 6:10

Chäänöngato ñäädä Wanaadi; ataadawaajuichomo’jödö aneenejäätö’da’da töwö na. Äwwäiñe tujummadö jäcäinchädä quedeiyentecoomo ’wa’to’jocoomo mmaja aneenejäätö’da’da na dea töwö, mädä tönnöe määnetäänedö.

SANTIYAACO 2:13

Ñäädä wentumje äneeneijönö wentumje’da mmaja nä’mencaja’de. Ñäädä wentumje eneenei mmaane tösaade’da eijai ña töwä’mencajoodawä.

SANTIYAACO 3:17

Dha’daane ñäädä caju ñano sejje ’jano. Masuuduije’da töwö, ätäuwö’da mmaja, aashicha soto tönnöe mmaja, soto jäcäiñe ta’cwaiñe mmaja, töweichacoono wa’deuwödö eta’se’da’da mmaja, wentumje äneetä mmaja, aashichaato tönnöe mmaja, ätäncu’tä’da mmaja. Yääjönö wa’cä äänejo’da mmaja na dea ñäädä caju ñano sejje ’jano.

1 PEEDHODO 2:10

Jenaadä Wanaadi sotoije’da mä’ja’quene; eduuwa mmaane shootoije maato. Jenaadä anejja wentumje adheenetäiñe’da cönä’jaacä; eduuwa mmaane Wanaadi wentumje adheeneaato.