MATEO 5:5 - Wanaadi A'deddu

⁵ “Ta’cwaiñe eijai ñaato ñanno o’jodhe chö’tajä’jöncomo; Wanaadi necaama’jödö nono chäwäiñe nä’tua’de.

MATEO 5:5 ပူးပေါင်းရင်းမြစ်များ

MATEO 11:29

Öwö naadojoodö adäätäcä. Oowanoomatääcä jääcä, maneedeetanö’täiye. Dho’noncomo tö’tajäätödö öwö, äätömaajä’jönö mmaja.

MATEO 21:5

Edääje caichäcä’de Siyon ñancomo wwäiñe: “Eneetäcä’ma acaajichaanaichomo ne’aadö, cawaayu nnedö’cä de’wä, mösooma adäänei nnedö’cä de’wä. Dho’noncomo tö’tajäätödö töwö; quee imennaajä wä’dödö na.

DOMAANO 4:13

Aawadán wwonooje töweiyemööje edä nonoodö Wanaadi cöneecammai, dhatö’jödö wwoncomooje töweiyemööje mmaja. Chäwwäiñe jenaado’jä waanontänä tödöödö jäcäinchädä’da yää Wanaadi cöneecammai, chäwwäiñe ecamjödö weijäcääne. Yää jäcäinchädä töwö Wanaadi töjaadonooje cönnöicho.

CAADATA 5:23

soto jäcä jäduuje’da weiñä mmaja, towaadäädä weiñä mmaja. Mädoocomo ännöjoojönö waanontänä ’je’da na.

EUJEESIYO 4:2

O’jodhe chö’tajäätö’da eichäcä, soto jäcäiñe jäduuje’da mmaja; aashicha ä’shinchätääcä; ta’cwaiñe eichäcä ääjäcä, äwä’jummancädäiñe.

CODOOSENSE 3:12

Wanaadi nijummadö änwanno, töwö ñei’jödö mmaja, töwwonooje aweichöcoomo wetä. Yääje yeijäcä aashicha weiñä äwwäiñe tödööjai maato, yää wentumje äneetä weiñä, soto jäcäiñe ta’cwaiñe weiñä mmaja, o’jodhe chö’tajäätö’da weiñä mmaja, soto jäcäiñe jäduuje’da weiñä mmaja, aashicha shinchädö mmaja.

1 TIIMOTEO 6:11

Amäädä Wanaadi anoonö mmaane tameedä mädoocomo jonno äänejeecä. Aashichaato mmaane encano’täcä, Wanaadi woije weiñä mmaja, ecamjödö mmaja, wä’jummanä mmaja, aashicha shinchädö mmaja, o’jodhe chö’tajäätö’da weiñä mmaja.

2 TIIMOTEO 2:25

Töwö töwäätuujacoonemjöncomo yäätuujajai ñaato jäduuje chääjäcäiñe töweiyancädä’da, Wanaadi wwä tötö’tajäätödööcomo sha’duminchatoojo edantäiyeto yaawä, chäänöngato dhowaanäcäiñe yä’dödö wetä.

TIITO 3:2

Cone’da a’deuwö’da eijai ñaato anejja jäcä; töjimmotoncomo äntu’de’tä’da eijai ñaato dea. Ta’cwaiñeene eijai ñaato tameedä soto jäcäiñe, tumjunne’da a’deuwö’da mmaja.

SANTIYAACO 1:21

Yääje yeijäcä e’nomjatääcä tameedä chäänöngemjönö, yää conemjönö äjääcäiñe töweejange weneenedö. O’jodhe ätö’tajä’ancädäiñe’da Wanaadi a’deddu woije eichäcä, yää ñaatö’tädö nönge ätö’tajäätödööcomo aca cönä’natö’täichö. Yää Wanaadi a’deddu jäduuje na adheewanaacadööcomo jäcä.

SANTIYAACO 3:13

¿Änääcö adhantawäiñe towaanojo’ne nai, töseedujä’ne mmaja? Yääje yeiya’jäcä ñäädä tösejjedö neneejo’ñojo aashicha töweichö que, o’jodhe chö’tajäätö’da töweiyancädä, töseedujä’nato neene töweiye naichöje.

1 PEEDHODO 3:15

Ätö’tajäätödööcomo jäcä cajiichaanaje Jesuuquidiito tödöötäcä. Adheecamma’jonnamo wwä ecammacoije eichäcä onwomoocödööcomo jäcä, tucuuna’se adha’dedducoomo tödööancädä, wo’nontänä que mmaja.

1 PEEDHODO 3:4

Täwaanö jonnoto we’ajä queene awennataamadööcomo nei’ñojo, äänejöönö queene, ataamejöönö que mmaja, yää ta’cwaiñe weiñä, enta’mecö’da weiñä mmaja. Yääne Wanaadi emjataawä täje na.