MATEO 5:29 - Wanaadi A'deddu

²⁹ “Yääje yeijäcä adheenudu ämu’demjönö nene’madö woije asaadijanga’jäcä, u’cacä, memaiye yaawä. Aashicha mmaja tooni äjääcono wäämadö, yä’jödöödä aweichaame mma wa’to nwaca mätäämajo’no.

MATEO 5:29 ပူးပေါင်းရင်းမြစ်များ

MATEO 10:28

Aji’jä emaanei monnontätäi’che; odo’tadö emaajai’cha na töwö. Ñäädääne ñontäjai maato, odo’tadö jadä’jödöödä wa’to nwaca adheemajaichoone.

MATEO 11:6

Ta’cwaiñe eijai ña ñäädä chäänöngeedä yeecanö’nei; quee cönä’döaacä Jesuuquidiito Juan nowaanomaadö wwäiñe.

MATEO 16:26

¿Aaquene mmaja aashicha eichö deeade’ tameedä nono de’wono chaana’ca’jäcä soto wwä, töweichö ennanö’cataame? ¿Ane’cäämö soto äntuduude’ töweichö ejeetöje?

MATEO 17:27

Yääje yeichaame, cone’da yeichöcoomo queiñe, chu’jä aca o’täta. Ñäädä awa’deeto ono’tädö inchajoocä’de, jödaata adai’joto medantäiye inchaca. Yää jödaata u’ta’de yaawä ädö’sennotooje, öwö dö’sennotooje mmaja, Wanaadi weichojo choonecaatojooje; quee cönä’döaacä Jesuuquidiito Ceedhodo wwä.

MATEO 19:12

Töweiye dhanwa töjöötamjönö. Anejja mädääje na töwennu’jödö jonnoto’jödöödä. Anejja ’quene, soto nemuuca’jödö. Anejja ’quene, Wanaadi tadaawaajui jäcäinchädä daja. Mädä etaatojo töweiye yeiya’jäcä anejja wwä, ñäädä neta’ñojo; quee cönä’döaacä Jesuuquidiito.

MATEO 23:15

“Wentumje maato’de änwanno owaanomannamo, jaadiseeocoomo mmaja, yääjönö wa’co’como wäänejoodö. Änwanno töötä määnetääne tameedä nono weichö wa’cä, äwäätunnäichomo nönge soto owaanomaiñe. Äwwäiñe owaanoma’jäcä wa’to nwaca töötäämöje mödööato yaawä, änöngeiñe mmaja, cone’da’cä jeene.

MATEO 23:33

Äcääyu nönga’como änwanno. ¿Aaquene wa’to nwaca äätädööcomo maneemaichatäädö deeade’ ?

MATEO 5:22

Öwö mmaane yääje wä’döa äwwäiñe: Ñäädä töweichacoono euwö’sato, nätääcamma’jaja’de. Näädä töweichacoono chiimajä’nei nätääcamma’jaja’de äcamma’jonnamo wwä. Ñäädä töweichacoono eunei wa’to nwaca töötädö nijumma.

MATEO 5:30

Adhaamädö ämu’demjönö nödöödö woije asaadijanga’jäcä, acä’cä, memaiye yaawä. Aashicha mmaja tooni äjääcono wäämadö, yä’jödöödä aweichaame mma wa’to nwaca mätäämajo’no.

MAADOCO 8:36

¿Aaquene mmaja aashicha eichö deeade’ tameedä edä nono de’wono chaana’ca’jäcä soto wwä, töweichö ennanö’cataame?

DUUCA 12:5

Öwö wecamma ñäädä äwwäiñe tönoiñe eijaicho; ñäädääne ñontätääcä, adheema’jejeiñe odo’tadööcomo jadäädä wa’to nwaca adheemajaichoone. Ee, ñäädääne ñontätääcä.

DOMAANO 6:6

Cönwanno cowaanäcäiñe na yää jenaadä cöwei’jocoomo Quidiito jadä cuduusa jäcä yääma’jödö. Yaawä yää conemjönö tödö’se weiñä cönäämai. Yääje yeijäcä conemjönö tödöödö anoonöje eijai’cha caato eduuwa.

DOMAANO 8:13

Ajuunucoomo woije aweiya’comjäcä mä’ja’aato’de. Dha’da Epíiditu Santo jäduudu que ajuunucoomo nödöödö e’jodheincha’jäcä äwwäiñe, yaawääne aweichöcoomo meneeato’de.

1 CODINTIYO 9:27

Edääjeene wä, öwwäädä töwäätä’mamincha wäänene, yeejö tömmamincha mmaja, woije yeichö wetä, chäänönge’da mma wei’ñö’de yaawä anejjacoomo soto tönoowanoomaiñe wei’jödö weichaame.

CAADATA 5:24

Ñanno Quidiito sotoi tujuunucoomo nijummadö woije weiñä cöneemaicho cuduusa jäcä, conemjönö tödö’se weiñä mmaja.

CODOOSENSE 3:5

Yääje yeijäcä tameedä edä nono de’wono ännödööcomo emaatäcä: yää masuuduichanä, nossaje tö’tajä’nä mmaja, conemjönö tödö’se weiñä mmaja, conemjönö ijummadö mmaja, ane’cä’cä ijummadö jäcä töwäätätäädä weiñä mmaja. Chu’taajä ijummadö wa’cä mmaja yää töwäätätäädä weiñä.