26 Chäänönge yääje wä’döa äwwä, jedeeso ewöötö tacanno eja’ca’da ma’de tameedä ejeemadö wa’cä äwwä.
“ ¿Täje’da jönca tunu’e weneeneto aacä tadiiñaamo’cä? Tooni jödaata’cä mmädä chääje’jödööcomo. Yääje yeichaame Oomotoncomo wwä tacaade’da ääma’da töweiye naicho tönwanno.
Chäädhajä jooje cönäätömai yaawä chääjäcä. Cuntui yaawä jedeeso edhaajä wwä, tameedä täjeeque’näjöödö ejeemadö wa’cä chäwwä.
“Yaawä töwö Cajiichaana nä’döa’de ämu’dato dö’sencomo wwä: “Ojoncomo jonno änwanno töwännanö’aamö; wa’to töwaatamemjönö aca ojoncomo, yää odo’shancomo weicho’comooje choonecaajä naadö.
Ñanno conemjöncomo nötaato’de yaawä töwäntunaanö’to’como töwaatamemjönö aca. Chäänönga’como mmaane nötaato’de aashicha töweicho’como aca daja; quee cönä’döaacä Jesuuquidiito.
Iiño wääma’jödö wentumjato cöneejä yaawä. Töwö cönnöi aacä jödaata’cä, täjemjönö’cä.
Äjääcä cone’da anejja weiya’jäcä, äcamma’jonei wwadäädä adhaadäa’jäcä yaawä, yaawä dea mma adheeconeecatääcä’de dhacä, ääma tai äätädaawäiñe dea mma, äcamma’jonei wwä mma ayu’tu’no yaawä. Ñäädä äcamma’jonei ayuutujai ña yaawä jedeesoje dönei wwä; jedeesoje ayöödöaato’de yaawä.
Chäänönge yääje wä’döa äwwä, jedeeso ewöötö tacanno eja’ca’da ma’de tameedä ejeemadö wa’cä äwwä; quee cönä’döaacä Jesuuquidiito.
Dhanwadö mmaja cantawäiñe na dea. Eetonno adöiña töötä’sato täjai’cha na; chäänönge mmaja mänsenno ñaa döiña töweejö’sato e’jai’cha;” quee cönä’döaacä Aawadán.
Ñanno nätä’maminchajaato’de yeichöödäje töwännanö’e töweicho’como que; Jesuuquidiito jadä’da naato’de. Tönwanno aneene’da naato’de Quidiito nnataadö, ijäädudu mmaja,
Ñäädä wentumje äneeneijönö wentumje’da mmaja nä’mencaja’de. Ñäädä wentumje eneenei mmaane tösaade’da eijai ña töwä’mencajoodawä.