MATEO 5:25 - Wanaadi A'deddu

²⁵ “Äjääcä cone’da anejja weiya’jäcä, äcamma’jonei wwadäädä adhaadää’jäcä yaawä, yaawä dea mma adheeconeecatääcä’de dhacä, ääma tai äätädaawäiñe dea mma, äcamma’jonei wwä ayuutu’no yaawä. Ñäädä äcamma’jonei ayuutujai ña yaawä jedeesoje dönnamo wwä; jedeesoje ayöödöaato’de yaawä.

MATEO 5:25 ပူးပေါင်းရင်းမြစ်များ

MATEO 26:58

Inchäcäiñe Peedhodo cöntaacä, amoinche, Wanaadi wwä töwa’deuwaamo edhaajotoncomo ’dodoi aca tödööene. Yäätä cönaatajiimai yaawä suddau jadäiñe, ene’ma, ¿aaquene tödöötaicho? quee töucwadööje.

DUUCA 18:3

Yää jataawä töweiye cönä’ja’dea wodi, iiño wääma’jödö. Weiñäje töwö töötä cönä’jaacä ñäädä äcamma’jonei wwadäädä. Edääje töwä’döe cönä’jaacä: “Yuunacaanei yäätuujacä;” quee.

2 CODINTIYO 6:2

Edääje töwö Wanaadi nä’döa, dha’deddu imennaajä jäcä naadö: Chu’nädö aca yä’döa’jäcä adha’deddu wetaane; wääwanaacatoojo cu’nädö awä mani’wa’täne; quee nä’döa. Chu’nädö aca yä’döaajä mädä eduuwa; wääwanaacatoojo cu’nädö mädä eduuwa caatoodö.

EEWEDEO 12:17

Yää ’jeje odhoowanääcäiñe Esaú wei’jödö yaawä yää aashichaato tacoono wwä töneecamma’jödö tumö wwä e’catä’se cönä’ja’dawä; töwo’joomajo mma cöno’joomajoi yaawä. Jooje töwaamo’jödö weichaame tönnö’jödö inwacaamatoojo aneejodö’da cöneiyacä.

EEWEDEO 3:13

Töweejädu’tääne adheejädu’tätääcä anooto waadäi, eduuwa naadawäädä, anejja mma adhantawäiñe conemjönö wwä ätäncu’täjo’no, töwäätuujacoone’da ei’ñode yaawä.

EEWEDEO 3:7

Yääje yeijäcä ätö’taque’täi’che Epíiditu Santo wä’dö’jödö jäcä, yää Wanaadi a’deddu imennaajä jäcä naadö. Edääje nä’döa yää: Eduuwa Wanaadi a’deddu eta’jäcä äwwäiñe,