MATEO 5:22 - Wanaadi A'deddu

²² Öwö mmaane yääje wä’döa äwwäiñe: Ñäädä töweichacoono euwö’sato, nätääcamma’jaja’de. Näädä töweichacoono chiimajä’nei nätääcamma’jaja’de äcamma’jonnamo wwä. Ñäädä töweichacoono eunei wa’to nwaca töötädö nijumma.

MATEO 5:22 ပူးပေါင်းရင်းမြစ်များ

MATEO 10:17

Äädai’chätääcä’de soto jäcäiñe. Tönwanno ayu’ato’de äcamma’jonnamo wwäiñe. Töwe’jummato’como taca adhaiju’jä’ato’de.

MATEO 10:28

Aji’jä emaanei monnontätäi’che; odo’tadö emaajai’cha na töwö. Ñäädääne ñontäjai maato, odo’tadö jadä’jödöödä wa’to nwaca adheemajaichoone.

MATEO 12:24

Jaadiseeo cöneeta’to yääje ya’deuwödööcomo. Tönwanno cönä’döa’to: —Mä’dä dhanwa odo’shancomo tömja’canö’jo weneene Weesewú jäduudu que, ñäädä odo’sha edhaajotoncomo; quee cönä’döa’to.

MATEO 17:5

Yääje ya’deutaame dea ca’dutu tawaanato cöneejä immai’chäiñe. A’deu cönäätaacä yaawä ca’dutu do’taca: —Määdhä ñäädä Önnedö umjummadö, ta’cwaiñe chääjäcä waadö. Dha’deddu etaatäcä; quee cönäätaacä a’deu.

MATEO 18:21

Yääje mma yaawä Peedhodo cöneejä Jesuuquidiito wwadäädä; cönä’döaacä: —Cajiichaana, jääcä conemjönö tödööa’jäcä anejja wwä, ¿ä’waasade encwanno’jojai wanä? ¿Aacä amoojatoode ’ja? quee cönä’döaacä Peedhodo Jesuuquidiito wwä.

MATEO 18:35

“Mädääje mmaja Jaaja caju ñano ayöödöaato’de änwanno, ajimmotoncomo cone’nadiiyö anencwanno’jo’da aweiya’comjäcä; quee cönä’döaacä Jesuuquidiito tönoowanoomadö wwäiñe.

MATEO 23:15

“Wentumje maato’de änwanno owaanomannamo, jaadiseeocoomo mmaja, yääjönö wa’co’como wäänejoodö. Änwanno töötä määnetääne tameedä nono weichö wa’cä, äwäätunnäichomo nönge soto owaanomaiñe. Äwwäiñe owaanoma’jäcä wa’to nwaca töötäämöje mödööato yaawä, änöngeiñe mmaja, cone’da’cä jeene.

MATEO 23:33

Äcääyu nönga’como änwanno. ¿Aaquene wa’to nwaca äätädööcomo maneemaichatäädö deeade’ ?

MATEO 25:41

“Yaawä töwö Cajiichaana nä’döa’de ämu’dato dö’sencomo wwä: “Ojoncomo jonno änwanno töwännanö’aamö; wa’to töwaatamemjönö aca ojoncomo, yää odo’shancomo weicho’comooje choonecaajä naadö.

MATEO 26:59

Ñanno Wanaadi wwä töwa’deuwaamo edhaajotoncomo, inchoncomo mmaja, tameedä anejjacoomo äcamma’jonnamo mmaja, jönaawä Jesuuquidiito ementädö cunuujiya’to, emaajodö wetä yaawä;

MATEO 3:17

A’deu cönäätaacä yaawä caju ña: —Määdhä ñäädä Önnedö umjummadö, ta’cwaiñe chääjäcä waadö; quee cönäätaacä a’deu.

MATEO 5:34

Öwö mmaane yääje wä’döa äwwäiñe: Jäduuje mma määcammatäi’che. Caju ñano jäcä määcammatäi’che, Wanaadi a’täije yeijäcä.

MATEO 5:44

Öwö mmaane yääje wä’döa äwwäiñe: Ätu’de’tännamo jadä’jödöödä ijummatääcä. Adheunenaamo wwäiñe aashicha adha’deutäcä. Aashicha tödöötäcä aquiiñeme’nnamo. Wanaadi wwä adha’deutäcä adheetana’tännamo jäcäiñe, amaaminchannamo jäcäiñe mmaja.

MAADOCO 14:55

Ñanno Wanaadi wwä töwa’deuwaamo edhaajotoncomo, tameedä anejjacoomo äcamma’jonnamo mmaja, jönaawä Jesuuquidiito ementädö cunuujiya’to, emaajodö wetä yaawä; aneedantä’daane cöneiya’to.

MAADOCO 15:1

Yaawä tööjanaacadä Wanaadi wwä töwa’deuwaamo edhaajotoncomo cöne’jummaicho inchoncomo jadäiñe, judhío owaanomannamo jadäiñe mmaja, tameedä äcamma’jonnamo jadäiñe mmaja. Tönwanno tömööe Jesuuquidiito cönaadoicho; Pidaato wwä cuntuicho.

DUUCA 12:5

Öwö wecamma ñäädä äwwäiñe tönoiñe eijaicho; ñäädääne ñontätääcä, adheema’jejeiñe odo’tadööcomo jadäädä wa’to nwaca adheemajaichoone. Ee, ñäädääne ñontätääcä.

DUUCA 22:66

Yaawaana’jäcä inchoncomo cöne’jummaicho, ñanno judhío edhaajotoncomo; Wanaadi wwä töwa’deuwaamo edhaajotoncomo cöne’jummaicho dea, judhío owaanomannamo mmaja. Ecamma’jotoojo taca Jesuuquidiito cönaadoicho. Ñanno äcamma’jonnamo cönä’döa’to chäwwä:

JUAN 11:47

Yaawä jaadiseeo cöne’jummaicho Wanaadi wwä töwa’deuwaamo edhaajotoncomo jadäiñe, äcamma’jonnamo jadäiñe mmaja. Tönwanno cönä’döa’to: —¿Aaquene tödööjai caato? Ñäädä dhanwa jooje ene’ju’tojo tönnöe weneene.

JUAN 15:25

Tönwanno mädääje naato töjaajedaichomo imennaajä wä dödö nönge: “Tönwanno quiiñeme’caato ijo’tädööje’da mmädä;” quee imennaajä wä’dödö naichö nönge.

JUAN 7:20

Yaawä soto cöneccujä’a’to: —Ä’jeta; ¿änääcö adheema’se nai? quee cönä’döa’to.

JUAN 8:48

Yaawä judhío cönä’döa’to Jesuuquidiito wwä: —Chäänönge dämma samaaditaanoje adhe’tätä ñaa weneene, odo’sha ’janooje mmaja; quee cönä’döa’to.

DOSECHO 17:18

Yäätä cönä’ja’to anejjacoomo eepicuudeo wätunnäichomo jäconcomo woowanoomadö, etoico wätunnäichomo jäconcomo woowanoomadö mmaja. Ñanno cöna’deuwa’to Paudo jadä. Dhantai cönä’döa’to: —¿Aaquene nä’döaanä määdhä töwentaame’cato? quee. Anejjacoomo ’quene cönä’döa’to: —Töwö necammajä’a anejjeja’como wanaadi jäcä; quee cönä’döa’to. Tönwanno yääje cönä’döa’to Jesuuquidiito jäcä Paudo wwä ecammajäätödö e’nei, töwäämaajo jonno waadoncanä jäcä ecammajäätödö e’nei mmaja.

DOSECHO 22:30

Yää jenamma naadöje suddau edhaajotoncomo aashicha jeene eta’se cönä’jaacä cone’da judhíocoomo weichö Paudo jäcä. Yääje yeijäcä cadheena que Paudo cöni’wadööcai. Tameedä Wanaadi wwä töwa’deuwaamo edhaajotoncomo töwö cöni’jummaicho yaawä, tameedä äcamma’jonnamo mmaja. Yaawä Paudo cömja’cai; dhantawäiñe cönnöi.

DOSECHO 23:1

Paudo cöneene’ma’to ñanno äcamma’jonnamo. Töwö cönä’döaacä chäwwäiñe: —Jimmä, aashicha weichö que töweiye wäänene Wanaadi owaadäädä, eduuwa waadö jona tödööene; quee Paudo cönä’döaacä.

DOSECHO 24:20

Canno eetä naatoodö jeiñe mma ecammajai ñaato ñanno äcamma’jonnamo wwä yeecamma’jodaawä conemjönö önnö’jödö ñeedanto’jocoomo.

DOSECHO 4:15

Yaawä ñanno cajiichaanacoomo Peedhodo cömja’canö’joicho jödo’na, tönwannoje dea töwa’deuwödööcomo wetä.

DOSECHO 5:21

Yää eta’jäcä ñanno anonta’como cöneeja’caicho. Jenamma naadöje tönwanno cöntonto yaawä Wanaadi weichojo taca, jenaadäne; yäätä soto cönoowanooma’to. Yaawä Wanaadi wwä töwa’deuwaamo edhaajotoncomo, chääjadoncomo mmaja, cöni’jummaicho tameedä äcamma’jonnamo, ñanno iisadaaediitacoomo ntonta’como. Yää ’jeje jedeeso ewöötö’tädö tacanno anonta’como cönne’ja’to.

DOSECHO 5:27

Yaawä adääa’comjäcä äcamma’jonnamo je’tacaiñe cönnöicho. Ñäädä Wanaadi wwä töwa’deuwaamo edhaajotoncomo cönä’döaacä chäwwäiñe:

DOSECHO 6:12

Yääje töwa’deuwödööcomo que Eteewa jäcä soto cöneetömaajoicho, inchoncomo mmaja, judhío owaanomannamo mmaja. Yaawä Eteewa maminchadö’jo ñanno cönaajoicho, cönaadoicho yaawä äcamma’jonnamo döiñaiñe.

DOSECHO 6:15

Yaawä tameedä ñanno cajiichaanacoomo, anejjacoomo yaatajiima’como mmaja, cöneene’ma’to Eteewa jedö; Wanaadi amoodedö jedö nönge ijeedö cönä’jaacä.

DOSECHO 7:37

Ñäädä dea Moisé cönä’döaacä iisadaaediitacoomo wwä: “Aneedawä Wanaadi töwa’deuwödö ecammanei nanonta’de äwwadäädäiñe, öwö yaanontäneedöje mmaja; ajimmotoncomooje dea na’de. Töwö yoije eichäcä’de;” quee cönä’döaacä Moisé chäwwäiñe.

DOMAANO 12:10

Ä’jummatääcä töweichacoono ijummadö töweiye naichöje deaane, äwä’jummadö e’jodhe’cä aweichacoono ijummancädä, owo’nontancädäiñe mmaja.

1 CODINTIYO 6:10

tämeenato mmaja, anejja nödöödö i’ñeimmanei mmaja, töwä’dau’cwato mmaja, wätunnä edhaajä mmaja, äncu’tänei mmaja; tameedä yääja’como Wanaadi jataacäi täjai’cha naato.

1 CODINTIYO 6:6

¿Aaquene mmaja töjimmä jäcä cone’da töweichawä quedeiyente anaadädö deaade’ quedeiyentejöncomo wwadäädäiñe mmädä, ñanno wwäiñe choonecaajodö wetä?

1 TEESADOONISENSE 4:6

Anejja conemjönö ännöi’che töweichacoono jiñamo jäcä. Cädhaajotoncomo nimaamincha’de tameedä yää nöngato conemjönö tödöönei. Mädääje dea töneecammajä’e ñaa töweiye cönä’jaacä äwwäiñe, äwäätuujadööcomooje.

TIITO 3:2

Cone’da a’deuwö’da eijai ñaato anejja jäcä; töjimmotoncomo äntu’de’tä’da eijai ñaato dea. Ta’cwaiñeene eijai ñaato tameedä soto jäcäiñe, tumjunne’da a’deuwö’da mmaja.

EEWEDEO 12:25

Yääje yeijäcä töquiiñeme’que mma mänquiiñeme’täi’che ñäädä cöwwäiñe na’deuwaadö. Ñanno töwä’cuseijadööcomo aneemaicha’da cöneiya’todö naane’, edä nono de’wä Wanaadi wwä töwäätuujadööcomo cönquiiñemeecöichodö. Töwaacö’je cönwanno Wanaadi wwä cöwä’cuseijajoodöcoomo emaichajai’cha caato ñäädä caju ñanno cöwwäiñe na’deuwaadö chiiñeme’ca’jäcä.

EEWEDEO 5:9

Chäänönge töwä’döa’jäcä töwö Jesuuquidiito wääwanaacatoojo yeichöödoto u’neije cönä’döi yaawä, tameedä ta’deddu woije tödönnamo wwä.

SANTIYAACO 2:20

Chö’tamme’cä’ma amäädä chö’tajä’jönö; tödöödö jadä’da aneecamjödö yeiya’jäcä, ¿tödööto’jönö jönca yää yääjato ecamjödö?

SANTIYAACO 3:6

Wa’to nönge soto nudu töweiye nai, tameedä conemjönö o’wadööje. Cöjääconcomo dea yeichaame cöcoone’matäiñe weneene. Yää cunuuducoomo que töwa’deuwe cäänetäänedö ätöömajootä weneene, töwemjangeene yeiyajä jiyooto comootödö ñano que.

1 PEEDHODO 2:23

Töwö tutuushimaadawä oojo’tä’da cöneiyacä. Täntunamjödaawä äncu’nä’täjäätö’da cöneiya’dea. Töwä’tue mmaane cönä’tui Wanaadi wwä, ñäädä chäänönge ämmencanei wwä.

1 PEEDHODO 3:9

Conemjönö que mmaja conemjönö maneemetaacamaatäi’che. Ätuushimaajätöödawäiñe wä’tushiimanä que mmaja moojo’tätäi’che. Aashichaato que mmaane emeetacaamatääcä’de. Yääje töweiyaamoje ta’dejja maato, Wanaadi nutuudu aashichaato äwwäiñe yeichö wetä.

1 JUAN 2:9

Ñäädä tawaanato acaano wätä’tädö, töweichacoono tönquiiñeme’que töweichaame, tööjano’taca dea na ñäädä.

1 JUAN 3:10

Mädääje täne’ju’dhe naato Wanaadi nnacoomo, odo’sha nnacoomo mmaja. Ñäädä chäänöngato tödööneijönö, töweichacoono ämjummajöönö, Wanaadi nnedööjönö ñäädä.

1 JUAN 5:16

Conemjönö tödöödöje töweichacoono eneea’jäcä anejja wwä, wäämato’jönö mma iiñödö yeiya’jäcä, töwö Wanaadi wwä a’deujai ña yaawä töweichacoono jäcä. Ñäädä weichö Wanaadi nu’a’de yaawä, wäämato’jönö mma iiñödö yeiya’jäcä. Töweiye na conemjönö tödöödö wäämatoojo. Yää nöngato jäcä’daane wecamma chääjäcä Wanaadi wwä wa’deunä.

JUUDHA 1:9

Yaawä Moisé equeejödö jäcä odo’sha acä töwäätäccujäätödaawäiñe ñäädä Miqueede, Wanaadi amoodedö edhaajotoncomoodä, odo’sha äncu’nä’täjäätö’da cöneiyacä. Edääje mma töwö cönä’döaacä chäwwä, odo’sha wwä: “Cajiichaana adheuwa’de;” quee mma cönä’döaacä chäwwä, odo’sha wwä: “Cajiichaana adheuwa’de;”quee mma cönä’döaacä.

APOOCADIISI 20:14

Yaawä wäämanä mmaja, yä’ja’a’como weicho’como mmaja, cönäätämaajoi jiyooto comootödö ña. Yää jiyooto comootödö ña wötäänä yää, yää ’jejaato wäämatoojo.