MATEO 5:19 - Wanaadi A'deddu

¹⁹ Yääje yeijäcä ñäädä tooni waanontänä emaanei, she’caasa’cä yeichaame, yääje soto owaanoma’jäcä mmaja, dho’näiñe na’de Wanaadi sotoi antawäiñe. Ñäädä waanontänä tödöönei mmaane, yääje soto owaanoma’jäcä mmaja, ñäädä täneejuque na’de Wanaadi sotoi antawäiñe.

MATEO 5:19 ပူးပေါင်းရင်းမြစ်များ

MATEO 11:11

Chäänönge yääje wä’döa, Juan Wautiita ñäädä tameedä soto e’jodha’como. Yääje yeichaame tameedä Wanaadi töcaajichaaneije tödöönei, mäccö mmädä mma töweichaame, Juan e’jodhe na.

MATEO 19:28

Jesuuquidiito cönä’döaacä chäwwäiñe: —Chäänönge yääje wä’döa äwwäiñe, yaawä tameedä eduuwaatoje yenwacaama’jäcä, Soto nnedö tumuudei ye’wä nataajima’de o’jodhaatoje. Yaawä änwanno, jaadoncomo’jödö, mude de’wä mmaja mataajimaato’dede iisadaaediitacoomo cajiichaanaichomooje, ñanno amoojadooto de’wä aacä iju’jä naatoodö.

MATEO 20:26

Änwanno mmaane yääje eijai’cha maato. Ñäädä adhantawäiñe o’jodhe töwei’shato töjimmä anoonöcoomoje eijai ña.

MATEO 28:20

Owaanomaatäcä’de tameedä äwwäiñe manaanontätäänedö tödöödö jäcä. Öwö ajaadäiñe wa’de yeichöödäje, anooto wataamedö jonaane; quee cönä’döaacä Jesuuquidiito. Amén.

DUUCA 1:15

Wanaadi wwä täneejuque na’de ännedö. Töwö aneenö’da na’de chääjedöödö eccudu, tödäu’cwato aneenö’da mmaja. Epíiditu Santo ’je na’de töwennudu owaajodä’jödöödä.

DUUCA 11:42

“Wentumje maato’de änwanno jaadiseeo. Änwanno Wanaadi wwonooje tunu’e määnetääne anaatödööcomo ejeedödö, yää jomi, wishu mmaja, tameedä anejja’cä mmädä mmaja, chäänönge weiñä, Wanaadi jummadö mmaja, anencano’tä’da aweichaameiñe. Mädääne tödööjai maato, mänööcomo tödöödö ane’nomja’da dea aweichaameiñe.

DUUCA 9:48

Yaawä töwö cönä’döaacä tönoowanoomadö wwäiñe: —Ñäädä öwö jääcäinchädä määdhä mude’cä’cä aashicha tödöönei, öwö mmaja aashicha yöödöa dea. Ñäädä aashicha yöödönei, yaanontänei’jödö aashicha tödöödö wa’cä mmaja na dea yää. Ñäädä dho’noncomo adhantawäiñe, ñäädä ñäädä adhe’jodha’como; quee cönä’döaacä Jesuuquidiito.

DOSECHO 1:1

Edääje wä’dö’se wa äwwä amäädä Teoojido, aashichaato: Awa’deene ömmennä’jödö jäcä wimennäne tameedä yaajäntä’jödö jonnoto’jödöödä Jesuuquidiito nödö’jödö jäcä, ñeecammajäätö’jödö jäcä mmaja,

DOMAANO 3:8

chäänönge’da mädääje chö’tajä’jai wa. Chäänönge yääje tö’tajä’nä ei’jo mmaane edääje ä’döjai caato yaawä: Jooje’cä conemjönö cöödötäiye, jooje’cä aashichaato äänejoiye; quee ä’döjai caato, chäänönge’da mmädä. Mädääje soto tönoowanoomaiñe ñaa ecammatä weneeneto, jönaawä mmädä. Mädääja’como wä’dödö chäänönge nätä’maminchajaato’de.

DOMAANO 6:1

Yääje yeiya’jäcä ¿aaquene ä’döjai caato? ¿Conemjönö tödöödöje dea queichäiye, jooje’cä Wanaadi nutuudu aashichaato ejaamöiye, quee ’ja?

DOMAANO 6:15

Cönwanno jenaado’jä waanontänä nanontädööcomooje’da caato eduuwa, Wanaadi nutuudu aashichaato woijeene. ¿Conemjönö tödöödöje dea ca eijai caato, yääje yeiya’jäcä? Ng’jn, yääje’daane.

1 TIIMOTEO 6:11

Amäädä Wanaadi anoonö mmaane tameedä mädoocomo jonno äänejeecä. Aashichaato mmaane encano’täcä, Wanaadi woije weiñä mmaja, ecamjödö mmaja, wä’jummanä mmaja, aashicha shinchädö mmaja, o’jodhe chö’tajäätö’da weiñä mmaja.

TIITO 3:8

Chäänöngato mädä; yääje yeijäcä jäduuje töneecammajä’e awei’she wa mädä jäcä, ñanno Wanaadi ecaanö’nnamo aashichaato tödönnamooje yeichöcoomo wetä. Yääje weiñä aashicha na, tujunne mmaja, tameedä soto wwäiñe.

1 PEEDHODO 5:4

Yaawä, ñäädä Ädai’chänei ñeene wääneja’jäcä, äwwäiñe nu’a’de aashichaato adheeje’jocoomoje, jemi yu’tacoi töweiye naichö nönge’da.

1 JUAN 3:4

Ñäädä conemjönö tödöönei Wanaadi waanontädö tömja’do’jo, waanontänä ija’do’jodö mmaane yeiyajä yää conemjönö tödöödö.

APOOCADIISI 2:20

Yääje yeichaame cone’daiche wa äjääcä. Amäädä ajaadä yeichö jonno anu’ca’da dea ma ñäädä wodi, Jeesaweeda, Wanaadi wa’deuwödö ecammajä’neijato wätä’tädö. Töwö Jeesaweeda öwö sootoi nencu’taato. Töwö nowaanomaato masuuduichanä jäcä, chu’taajä wwä saaquidiijiisiyooje u’ajä tänäädö jäcä mmaja.