MATEO 5:18 - Wanaadi A'deddu

¹⁸ Chäänönge yääje wä’döa äwwäiñe, tameedä chäänönge yä’dödö wa’cä tooni waanontänä imennajä’cä täma’da na’de, nono wataamedö jonaane, caju wataamedö jonaane mmaja.

MATEO 5:18 ပူးပေါင်းရင်းမြစ်များ

MATEO 10:15

Chäänönge yääje wä’döa äwwäiñe, tönwanno imaaminchadööcomo jooje’cä na’de yaawä wätämmencajootojo anooto awä, Sodhooma ñancomo maminchadööcomo e’jodhe’cä, Comooda ñancomo maminchadööcomo e’jodhe’cä mmaja.

MATEO 10:23

Anejja jataawä amaamincha’comjäcä, äänejeetäcä’de aneetaja. Chäänönge yääje wä’döa, tameedä iisadaaediitacoomo jataadöcoomo mämja’dä’tä’dadä Soto nnedö ne’a’de.

MATEO 10:42

Ñäädä tooni sunuuji’chä mmädä mäccö mmädä wocöödö u’nei’jödö töweiye na’de chääje’jödö, öwö sootoije yeichö jäcäinchädä u’a’jäcä; quee cönä’döaacä Jesuuquidiito tönoowanoomadö wwäiñe.

MATEO 11:11

Chäänönge yääje wä’döa, Juan Wautiita ñäädä tameedä soto e’jodha’como. Yääje yeichaame tameedä Wanaadi töcaajichaaneije tödöönei, mäccö mmädä mma töweichaame, Juan e’jodhe na.

MATEO 13:17

Chäänönge yääje wä’döa äwwäiñe, jooje Wanaadi wa’deuwödö ecammannamo, jooje soto aashicha’como mmaja, ene’se cönä’ja’to mädä töneene määnetäänedö; aneene’daane cöneiya’to. Eta’se cönä’ja’to dea mädä töneeta määnetäänedö; aneeta’daane cöneiya’to.

MATEO 16:28

Chäänönge yääje wä’döa äwwäiñe, dhantai eetä maatoodö äwäämadööcomo owaajo meneeato’de Soto nnedö cajiichaanaje yäänejoodö; quee cönä’döaacä Jesuuquidiito.

MATEO 17:20

Jesuuquidiito cönä’döaacä chäwwäiñe: —Chäänönge aneecamjö’da aweijäcäiñe. Chäänönge yääje wä’döa äwwäiñe, wishu adöödö ’cäwa’cä aneecamjödööcomo weichaame, edääje ä’döjai maato mädä jöö wwä: “Unwa ääsecaacä;” quee ä’döjai maato; yää jöö ääsecaajai ña yaawä. Ä’döjaichojöönö ’je’da eijai ña yaawä äwwäiñe.

MATEO 18:18

“Chäänönge yääje wä’döa, tameedä edä nono de’wä ännöjoodöcoomojöönö töödööjo’da mmaja caju ña na’dede. Tameedä edä nono de’wä ännöjoodöcoomo mmaane caju ña mmaja nä’döja’dede.

MATEO 18:3

Töwö cönä’döaacä yaawä: —Chäänönge yääje wä’döa äwwäiñe, mude’cä’cä nönge ä’dö’da aweiya’comjäcä, Wanaadi acaajichaanaichomooje eijai’cha na.

MATEO 19:23

Yaawä Jesuuquidiito cönä’döaacä tönoowanoomadö wwäiñe: —Chäänönge yääje wä’döa äwwäiñe, tadaawaajuje na tönsomaacato wwä Wanaadi töcaajichaanaije tödöödö, tönaudäcaato wwä chäänönge mmaja.

MATEO 19:28

Jesuuquidiito cönä’döaacä chäwwäiñe: —Chäänönge yääje wä’döa äwwäiñe, yaawä tameedä eduuwaatoje yenwacaama’jäcä, Soto nnedö tumuudei ye’wä nataajima’de o’jodhaatoje. Yaawä änwanno, jaadoncomo’jödö, mude de’wä mmaja mataajimaato’dede iisadaaediitacoomo cajiichaanaichomooje, ñanno amoojadooto de’wä aacä iju’jä naatoodö.

MATEO 21:21

Jesuuquidiito cöneccujä’a’to; cönä’döaacä chäwwäiñe: —Chäänönge yääje wä’döa äwwäiñe, chäänönge ecaanö’a’jäcä äwwäiñe, mädä waju’nä wödöichöje mmaja tödööjai maato änwanno, mädä e’jodhaato’cä jaiñoone mmaja. “Dama ’cwaca ääsecaacä;” quee äwä’döa’comjäcä mädä jöö wwä, töwö nääseca’de yaawä.

MATEO 21:31

¿Äshono tumö waanontä’jödö cönnöi ñanno aacä cönä’ja’todö? quee cönä’döaacä Jesuuquidiito. Ñanno judhío edhaajotoncomo cönä’döa’to yaawä: —Ñäädä awa’deeto. Yaawä Jesuuquidiito cönä’döaacä chäwwäiñe: —Chäänönge yääje wä’döa äwwäiñe, ñanno acu’shänä jödaatai i’jummannamo mmaja, masuuduija’como mmaja, Wanaadi sotoije nä’döaato odhoowajoiñe.

MATEO 23:36

Chäänönge yääje wä’döa äwwäiñe, tameedä ñanno töjaajo’jocoomo jo’tadööje mätä’maminchajaato’de änwanno soto eduuwa maatoodö.

MATEO 24:2

Jesuuquidiito cönä’döaacä chäwwäiñe: —Tameedä edä mene’maatoodö jäcä chäänönge yääje wä’döa äwwäiñe, tameedä tämajjojoomöje na. Mädä täju tooni’chä äädetö’da na’de töweichacoono de’wäädä; quee cönä’döaacä Jesuuquidiito.

MATEO 24:47

Chäänönge yääje wä’döa äwwäiñe, tameedä tönnöjäätödö edhaajäje ñäädä chäädhajä tödööjai ña yaawä.

MATEO 25:12

Ñäädä töjöötaamö cöneccujä’a’to; cönä’döaacä: “Chäänönge yääje wä’döa äwwäiñe, yoowanääcä’da maato;” quee cönä’döaacä ñäädä töjöötaamö ñanno ajei’choto’ja’como aneene’jutu’jöncomo wwäiñe; quee cönä’döaacä Jesuuquidiito.

MATEO 25:40

Yaawä Cajiichaana chäwwäiñe nä’döa’de: “Chäänönge yääje wä’döa äwwäiñe, tameedä sootoi jäcä mödöötäneedö, mäccö mmädä yeichaame töwö, öwwonooje dea yää mödöötäne;” quee nä’döa’de.

MATEO 25:45

Töwö Cajiichaana chäwwäiñe nä’döa’de yaawä: “Chäänönge yääje wä’döa äwwäiñe, tameedä canno sootoi jäcäiñe ännö’da mä’ja’quennö, mäccö mmädä yeichaame töwö, öwwonooje mmaja yää ännö’da mä’ja’quennea;” quee nä’döa’de.

MATEO 5:26

Chäänönge yääje wä’döa äwwä, jedeeso ewöötö tacanno eja’ca’da ma’de tameedä ejeemadö wa’cä äwwä.

MATEO 6:16

“Äwäänemaadawäiñe yäänemaadö nönge mma määnejootäi’che, ñanno yääjönö wa’co’como wäänejoodö naatoodöje’daane. Tönwanno ecoonecaajätö’da weneeneto yaawä, soto wwäiñe täneedöcoomo wetä mmädä töwäänemaadöcoomoje yeichö. Chäänönge yääje wä’döa äwwäiñe, mädä que mma täjeema naato tönwanno.

MATEO 6:2

Yääje yeijäcä wentumja’como wwäiñe utuudawä äwwä, maneecadeeme’joi’che. Ñanno yääjönö wa’co’como wäänejoodö naatoodöje’daane eichäcä. Tönwanno we’jummatoojo taca, jata antai mmaja, töwääcadeeme’jo weneeneto wentumja’como i’wa’tädaawäiñe töwwäiñe. Mädä tönnöe weneeneto aashicha soto we’deuwödööcomo wetä yaawä töjääcäiñe. Chäänönge yääje wä’döa äwwäiñe, mädä que mma täjeema naato.

MATEO 8:10

Jesuuquidiito wacö’je cönäätaacä yääje ya’deuwödö. Yaawä töjaadoncomo wwä cönä’döaacä: —Chäänönge yääje wä’döa äwwäiñe, mädääjato ecaanö’nei aneene’da wäänene, iisadaaediitacoomo jadä’jödöödä.

MAADOCO 10:15

Chäänönge yääje wä’döa äwwäiñe, mude’cä’cä tönnöe töweiye naichöje Wanaadi acaajichaanaichomooje ännö’da aweiya’comjäcä, Wanaadi sotoije eijai’cha maato; quee cönä’döaacä Jesuuquidiito.

MAADOCO 10:29

Jesuuquidiito cönä’döaacä chäwwäiñe: —Chäänönge yääje wä’döa äwwäiñe, ñäädä, öwö jääcäinchädä tömmai ñannei, tacontomo, tuduichomo jeiñe mma, töjaadui’chomo jeiñe mma, ñäädä tumö, senö ñännei jeiñe mma, töjiiñamo, tönnacoomo jeiñe mma, tönaudädö jeiñe mma, öwö jääcäinchädä yää ñänga’jäcä, aashichaato wätunnä ecammajäätödö jäcäinchädä mmaja,

MAADOCO 11:23

Chäänönge yääje wä’döa äwwäiñe, edääje anejja wä’döa’jäcä naadö naane’ edä jöö wwä: “Ääsecaacä dama ’cwaca;” ca’jäcä, chäwwä ecaanö’a’jäcä ya’deuwö’jödö nönge nä’döa’de yaawä, yääje töwä’dö’jödö nönge ä’döjai yeichö aneecamjö’da’da yeiya’jäcä mmaja.

MAADOCO 12:43

Jesuuquidiito tönoowanoomadö cöna’dejjaicho; cönä’döaacä chäwwäiñe: —Chäänönge yääje wä’döa äwwäiñe, määdhä iiño wääma’jödö’cä nödöi anejjacoomo tödönnamo’jödö e’jodhe’cä.

MAADOCO 13:30

Chäänönge yääje wä’döa äwwäiñe, tameedä mädä neja’dä’a’de canno soto eduuwa naatoodö ä’jajo’dadooto.

MAADOCO 14:18

Meesa de’wä töwääwashinchädaawäiñe Jesuuquidiito cönä’döaacä: —Chäänönge yääje wä’döa äwwäiñe, tooni adhantawäiñe naadö, jaadä nääwashinchaadö dea, yu’a’de; quee cönä’döaacä Jesuuquidiito tönoowanoomadö wwäiñe.

MAADOCO 14:25

Chäänönge yääje wä’döa äwwäiñe, chääjedöödö eccudu aneenö’da wa’de eduuwa Wanaadi cajiichaanaje yäänejoodawä chääjedöödö eccudu tödööenö enöödö jonaane; quee cönä’döaacä Jesuuquidiito tönoowanoomadö wwäiñe.

MAADOCO 14:30

Yaawä Jesuuquidiito cönä’döaacä chäwwä: —Chäänönge yääje wä’döa äwwä, edä coijaichawä dea, aacädeeto wameedi wetöömödö owaajodä, aaduwaawäde cöjoome’da’de; quee cönä’döaacä Jesuuquidiito.

MAADOCO 14:9

Chäänönge yääje wä’döa äwwäiñe, tameedä yeichö wa’cä edä nono de’wä aashichaato wätunnä ecammajäätödaawä, määdhä wodi nödö’jödö mmaja necammaato’dede, töwö chääjäcä soto chö’tajä’to’comooje; quee cönä’döaacä Jesuuquidiito.

MAADOCO 3:28

“Chäänönge yääje wä’döa äwwäiñe, tameedä soto cone’nadiiyöcoomo ätäncwanno’jojai ña, tameedä cone’da ya’deuwödööcomo mmaja.

MAADOCO 6:11

Anejja jataawoncomo aashicha ayöödötäiñe’da yeiya’comjäcä, aneecammajäätödööcomo eta’se’da yeiya’comjäcä mmaja, yäätonno ojoncomo’de, ä’juduucomo she’secaadöje mma, eta’se’da yeichöcoomo ene’ju’tojooje. Chäänönge yääje wä’döa äwwäiñe, tönwanno imaaminchadööcomo jooje’cä na’de yaawä wätämmencajootojo anooto awä, Sodhooma ñancomo maminchadööcomo e’jodhe’cä, Comooda ñancomo maminchadööcomo e’jodhe’cä mmaja; quee cönä’döaacä Jesuuquidiito tönoowanoomadö wwäiñe.

MAADOCO 8:12

Jesuuquidiito cone’da cönä’döjoi yaawä; cönä’döaacä: —¿Ane’cotoojo canno soto ene’ju’tojo tödööjo’se naicho? Chäänönge yääje wä’döa äwwäiñe, canno neneedöcoomoje ene’ju’tojo ännö’da wa; quee cönä’döaacä Jesuuquidiito.

MAADOCO 9:1

Edääje mmaja Jesuuquidiito cönä’döa’dea chäwwäiñe: —Chäänönge yääje wä’döa äwwäiñe, dhantai eetä maatoodö äwäämadööcomo owaajo meneeato’de töjäädudu que Wanaadi cajiichaanaje yäänejoodö; quee cönä’döaacä Jesuuquidiito.

MAADOCO 9:41

Ñäädä Quidiito sotoije aweichöcoomo jäcäinchädä tooni sunuuji’chä mmädä owoocödööcomo u’nei’jödö töweiye na’de chääje’jödö, öwö yeetö joi u’a’jäcä.

DUUCA 11:51

Aweede ema’jödö jonnoto’jödöödä Saacadía ema’jödö jona tödööene, ñäädä saaquidiijiisiyo dötoojo ncadheedä cöneemaichodö Wanaadi weichojo tawä. Chäänönge yääje wä’döa, canno soto eduuwa naatoodö nätä’maminchajaato’de tameedä yää jo’tädööje.

DUUCA 12:37

Ta’cwaiñe eijai ñaato ñanno tädhaajotoncomo wwä edai’chädööja’como woojodööjodööcomo. Chäänönge yääje wä’döa äwwäiñe, töwö chäädhajootoncomo nesoomajä’a’de yaawä. Meesa dö’tä tanoonö najiimajaato’de, töwwä ewanshinchädööcomo wetä.

DUUCA 13:35

Eneetäcä’ma anaamädööcomo to’nomja naadö. Änwanno yeene’da maato’de yääje äwä’dödööcomo wa’cä: “Aashichaato mä’dä Cajiichaana eetö joiño we’ajä;” quee äwä’dödööcomo wa’cä; quee cönä’döaacä Jesuuquidiito.

DUUCA 16:17

“Caju, nono wataametaame, tooni waanontä’jä imennä’jödö’cä täma’da dea eijai ña.

DUUCA 18:17

Chäänönge yääje wä’döa äwwäiñe, ñäädä mude’cä’cä tönnöe naichöje Wanaadi töcaajichaanaije ännöjöönö, Wanaadi sotoije eijai’cha na; quee cönä’döaacä Jesuuquidiito tönoowanoomadö wwäiñe.

DUUCA 18:29

Jesuuquidiito cönä’döaacä chäwwäiñe: —Chäänönge yääje wä’döa äwwäiñe, ñäädä tömmai ñännei, tumö, señö jeiñe mma, tacontomo jeiñe mma, tuduichomo jeiñe mma, töjiiñamo jeiñe mma, tönnacoomo jeiñe mma, Wanaadi töcaajichaanaije weiñä jäcäinchädä ñänga’jäcä,

DUUCA 23:43

Yaawä Jesuuquidiito cönä’döaacä chäwwä: —Chäänönge yääje wä’döa äwwä, eduuwa dea jaadä ma’de Aashichaato ña; quee cönä’döaacä Jesuuquidiito chäwwä.

DUUCA 4:24

Edääje cönä’döa’dea: —Tameedä Wanaadi wa’deuwödö ecammanei töquiiñeme’que töweiye nai ijaatawä.

JUAN 1:51

Edääje mmaja Jesuuquidiito cönä’döa’dea: —Chäänönge yääje wä’döa äwwäiñe, änwanno meneeato’de caju wata’ducaadö. Wanaadi amoodedö mmaja meneeato’dede, yäncuduucomo mmaja, yä’tädööcomo mmaja Soto nnedö awoodhecääcä; quee cönä’döaacä Jesuuquidiito.

JUAN 10:1

“Chäänönge yääje wä’döa äwwäiñe, ñäädä oweeja cudaadaichomo nata’tadö ai omomjönö, aneetajaacocoono womoomödö, tämeenato ñäädä, chäänöngemjönö mmaja.

JUAN 10:7

Edääje mmaja Jesuuquidiito cönä’döa’dea chäwwäiñe: —Chäänönge yääje wä’döa äwwäiñe, öwö ñäädä mönaatata, oweeja womonto’como.

JUAN 12:24

Chäänönge yääje wä’döa äwwäiñe, äiña adöödö ñaatö’taajä e’mo’da yeiya’jäcä a’tajai’cha na yaawä. Dha’da ye’moa’jäcä yaawääne a’tajai ña; jooje chääjedöödö töweiye na yaawä.

JUAN 13:16

Chäänönge yääje wä’döa äwwäiñe, dhanoonö tädhaajä e’jodhe’da na, anontaajä tanontänei’jödö e’jodhe’da mmaja.

JUAN 13:38

Jesuuquidiito cöneccujä’aca: —¿Äämajai ätö’taanä öwö junnei? Chäänönge yääje wä’döa äwwä, wameedi wetöömödö owaajo amäädä cöjoome’da’de aaduwaawäde.

JUAN 14:12

Chäänönge yääje wä’döa äwwäiñe, öwö yeecanö’nei, öwö önnödö nönge mmaja nödööa’dede. Önnödö e’jodhe’cä nödööa’de, Jaaja döiña öötädö weijäcä.

JUAN 16:20

Chäänönge yääje wä’döa äwwäiñe, änwanno maamoaato’de, wentumje maato’de. Edä nono de’woncomo mmaane ta’cwaiñe naato’de. Yääje yeichaame wentumje aweichöcoomo necamjiyaaca’de adha’cwaniiyöcoomoje.

JUAN 16:23

“Yaawä änwanno ane’catä’da maato’de öwwä. Chäänönge yääje wä’döa äwwäiñe, Jaaja wwääne me’ca’ato’de; tameedä öwö yeetö joi ane’catäädöcoomo töwö nu’a’de äwwäiñe.

JUAN 21:18

Chäänönge yääje wä’döa äwwä, mude’cäje aweichö töwääma’tä mä’jaaquene ämjummadö woije äätädö wetä. Inchomje äwä’döa’jäcä mmaane maajäsaaca’de, anejjaane adheema’täneije na’de; ämjummadö woije’da adhaadäa’de; quee cönä’döaacä Jesuuquidiito Peedhodo wwä.

JUAN 3:11

Chäänönge yääje wä’döa äwwä, towaano jäcä ñaa na’deuwa, töneene’jödö mmaja ñaa necammajä’a dea äwwäiñe; yääje yeichaame aneecamjö’da maato ñaa necammajäätödö.

JUAN 3:3

Yaawä Jesuuquidiito cönä’döaacä chäwwä: —Chäänönge yääje wä’döa äwwä, ñäädä eduuwaatoje ennujöönö Wanaadi jataadö eneejai’cha na; quee cönä’döaacä Jesuuquidiito.

JUAN 3:5

Jesuuquidiito cönä’döaacä chäwwä: —Chäänönge yääje wä’döa, ñäädä tuna ai ennujöönö, Epíiditu Santo ai ennujöönö mmaja Wanaadi jataacäi täjai’cha na.

JUAN 5:19

Yaawä Jesuuquidiito cönä’döaacä chäwwäiñe: —Chäänönge yääje wä’döa äwwäiñe, Wanaadi nnedö töwoije mma tödööjai’cha na, Tumö nödöödö eneedö’jo mmaane tödööjai. Tameedä Tumö nödöödö tönnöe mmaja Iiñedö.

JUAN 6:26

Jesuuquidiito cöneccujä’a’to: —Chäänönge yääje wä’döa äwwäiñe, änwanno cujiiyato yää aashichaato wödöönedö töntö’tamme’que aweichöcoomo jäcäinchädä’da, jooje äwääwashincho’jocoomo weijäcääne, yää wu’nedö que.

JUAN 6:32

Yaawä Jesuuquidiito cönä’döaacä chäwwäiñe: —Chäänönge yääje wä’döa äwwäiñe, Moiséjönööne cuntui äwwäiñe uu caju ñano; Jaajaane uu caju ñano neene nu’a äwwäiñe.

JUAN 6:47

Chäänönge yääje wä’döa äwwäiñe, öwö yeecanö’nei wwä töweiye na töwaatamemjönö yeichojo.

JUAN 6:53

Yaawä Jesuuquidiito cöna’döaacä chäwwäiñe: —Chäänönge yääje wä’döa äwwäiñe, Soto nnedö junu änäänä’da aweiya’comjäcä, dhaquiiyö aneenö’da aweiya’comjäcä mmaja, aweicho’como ’je’da na yaawä.

JUAN 8:34

Jesuuquidiito cöneccujä’a’to: —Chäänönge yääje wä’döa, ñäädä conemjönö tödöönei conemjönö anoonöje na.

JUAN 8:51

Chäänönge yääje wä’döa äwwäiñe, ñäädä ya’deddu woije tödöönei ääma’da na’de; quee cönä’döaacä Jesuuquidiito.

JUAN 8:58

Jesuuquidiito cönä’döaacä: —Chäänönge yääje wä’döa, Aawadán owaajodä dea öwö wa; quee.

1 PEEDHODO 1:25

Wanaadi a’deddu mmaane yeichöödäje na; quee imennaajä nä’döa. Wanaadi a’deddu yää aashichaato wätunnä, äwwäiñe täcamma naadö.

APOOCADIISI 20:11

Yaawä weneeaqueene mude adai’joto, tajääde’dato. Ñäädä ye’wä shuucu cönä’ja’dö jonno cönännamjöi nono, caju mmaja; nono weichojo ’je’da cönä’jaacä yaawä, caju weichojo ’je’da mmaja.