MATEO 5:16 - Wanaadi A'deddu

¹⁶ Mädääje mmaja soto yeijojai maato änwanno, aashichaato tödöödö äwwäiñe eneiyeto, aashicha a’deuwöiyeto yaawä Oomotoncomo caju ñano jäcä.

MATEO 5:16 ပူးပေါင်းရင်းမြစ်များ

MATEO 23:5

Tameedä tönnöe weneeneto soto wwäiñe töwäänejooto’comooje mma. Tönwanno yaacö’comje Wanaadi a’deddu imennaajä adäädö töjeecaichöcoomo de’cäcä immödööcomo, tajäädöcoomo jäcä mmaja. Yaacö’comje dea anejjacoomo soto womööcomo a’sadö e’jodhe’cä töwoomöcoomo a’sadö tödöödö.

MATEO 23:9

Edä nono de’wono oomotoncomo neeneje mane’tätäi’che. Caju ñanoone Oomotoncomooje na, ñäädä mma.

MATEO 5:45

Mädääje Oomotoncomo caju ñano nnedööje eijai maato. Töwö shii tömja’canö’jo weneene tameedä soto weiyuuducoomoje, aashicha’como weijoneichomooje, conemjöncomo jadä’jödöödä. Yääje mmaja conoojo tönne’jo weneene dea aashicha’como jäcäiñe, conemjöncomo jäcäiñe mmaja.

MATEO 6:16

“Äwäänemaadawäiñe yäänemaadö nönge mma määnejootäi’che, ñanno yääjönö wa’co’como wäänejoodö naatoodöje’daane. Tönwanno ecoonecaajätö’da weneeneto yaawä, soto wwäiñe täneedöcoomo wetä mmädä töwäänemaadöcoomoje yeichö. Chäänönge yääje wä’döa äwwäiñe, mädä que mma täjeema naato tönwanno.

MATEO 6:9

Edääjeene Wanaadi wwä adha’deutäcä’de: Jaaja caju ñano, Töwaanadiiyöcoomoje adhe’tä’ña’to soto;

MATEO 9:8

Yää eneea’jäcä soto cönääcatoncaicho. Aashicha cöna’deuwa’to yaawä Wanaadi jäcä, yää nöngato adoncatoojo utu’jödö weijäcä soto wwä.

DUUCA 11:2

Jesuuquidiito cönä’döaacä chäwwäiñe: —Awa’deuwödaawäiñe edääje caichäcä’de: Jaaja caju ñano, Töwaanadiiyöcoomoje adhe’tä’ña’to soto; töcaajichaanaichomooje ayöödö’ña’to. Ämjummadö woije nödö’ña’to edä nono de’woncomo, caju ñancomo tönnöe weneenetoodöje mmaja.

JUAN 15:8

Ännödööcomo wejanga’jäcä aashicha Jaaja weichö eneejojai maato; yaawä sootoi chäänönga’comooje äänejoojai maato.

DOSECHO 9:36

Yaawä Joope ña cönä’jaacä wodi. Quedeiyenteje töwö cönä’jaacä, Tawiitaje chäätö; Doodacaaje mmaja chäätö cönä’ja’dea, quidiiyeeco a’deucwe. Ñäädä Doodaca jooje aashichaato tönnöe cönä’jaacä; weiñäje wentumja’como töni’wa’täiñe töwö cönä’jaacä.

1 CODINTIYO 14:25

Chö’tajäätödö tacaademjönö tacaade nä’döa yaawä; töwö ta’mudhe ä’döjai ña yaawä Wanaadi wwadäädä, ya’demeecödööje. Edääje ä’döjai ña yaawä äjääcäiñe: “Wanaadi chämma ajaadäiñe na;” quee.

2 CODINTIYO 9:13

Tönwanno aashicha Wanaadi jäcä na’deuwaato’de chäänönge Quidiito a’deddu tönnöe aweichöcoomo äwäänejo’jocoomo weijäcä. Wanaadi jäcä aashicha na’deuwaato’dede töwwäiñe äntuduucomo jäcäinchädä, anejjacoomo wwä äntuduucomo jäcäinchädä mmaja.

CAADATA 1:24

Yääje yeijäcä o’jodhe Wanaadi töne’tä cönä’ja’to öwö jääcäinchädä.

EUJEESIYO 2:10

Cönwanno caato Wanaadi nödöödöje; Jesuuquidiito jadä cöwä’dödööcomo que töwö cödöötäne aashichaato tödönnamooje, jenaadä töwö cöntö’tammecöichöje dea.

EUJEESIYO 5:8

Jenaadä änwanno mä’ja’quene tööjano’taca; eduuwa mmaane tawaanato aca maato Cajiichaana jadä aweichöcoomo jäcäinchädä. Yääje yeijäcä tawaanato acancomo nönge deaane eichäcä.

1 TEESADOONISENSE 2:12

Edääje äwäätuujatäiñe ñaa cönä’jaacä: “Wanaadi sotoi weichö nönge deaane eichäcä, ñäädä tösootoije adhe’täneichomo’jödö, aashicha töweichö enennamooje adhe’täneichomo’jödö mmaja;” quee töwä’döe ñaa cönä’jaacä äwwäiñe.

1 TIIMOTEO 2:10

Aashichaato tödöödö queene ennataamajai ñaato, Wanaadi wwä yä’tua’como töweiye naichodööjeene.

1 TIIMOTEO 5:10

Tacaade eijai ña aashichaato iiñö’jödö, mude’cä’cä iiñejenca’jödö jeiñe mma, aashicha soto tödöiñano womoomödö tödö’jödö jeiñe mma, quedeiyentecoomo i’wa’tä’jödö jeiñe mma, wentumja’como i’wa’tä’jödö jeiñe mma, anejja aashichaato tödö’jödö jeiñe mma.

1 TIIMOTEO 5:25

Mädääje mmaja aashichaato tödöödö weneene dea, tacaade mmaja; yää tacaademjönö mmaane tacaade’daadä eijai’cha na.

1 TIIMOTEO 6:18

Ñanno tönsomaaca’como yäätuujacooto, aashichaato tödöiyeto; aashichaato tödöödö queene ninshomaata’ña’to. Tamääne’da nei’ña’tode, u’coijeene.

TIITO 2:14

Töwö Jesuuquidiito töwäämaamöje cönä’tui cöjääcäinchädäiñe tameedä conemjönö jonno cäwaanacaadöcoomo wetä, cöcoccadööcomo wetä mmaja tösootoije cöweichöcoomo wetä, aashichaato tödöödö encano’tännamooje cöweichöcoomo wetä mmaja.

TIITO 2:7

Amäädä mmaja aashicha eichä’de, aweichö eneiyeto, anönge mmaja yeichöcoomo wetä yaawä. Acu’shämje owaanomaacoto, wätäncu’tänä que’da,

TIITO 3:14

Quedeiyentecoomo näämu’ca’ña’to aashichaato tödöödö jäcä, a’ca’como i’wa’tädööcomo jäcä mmaja, tödööneije’da mma ei’ñoto.

TIITO 3:4

Yaawä Cäwaacanaaneichomo Wanaadi wwä aashicha töweichö ecaademe’ja’jäcä, töwwa soto jummadööcomo ecaademe’ja’jäcä mmaja,

EEWEDEO 10:24

Cöwe’wa’tädööcomo quencano’tätäiye, cöwwäädäiñe cöwä’jummajoodöcoomo mmaja, cöwwäädäiñe aashichaato tödööjodö mmaja.

1 PEEDHODO 2:12

Aashicha eichäcä Wanaadi dhowaanojöncomo jadäiñe. Eduuwa conemjöncomooje adhe’tätaameiñe, yaawä aashichaato ännödööcomo eneedö’jo Wanaadi jäcä aashicha na’deuwaato’de, chäwwä töwäätäcamma’jojoodawäiñe.

1 PEEDHODO 2:9

Änwanno mmaane soto eiya’como, Cajiichaana Wanaadi wwä töwa’deuwaamo mmaja, soto coneeca’como mmaja, Wanaadi sotoije mmaja. Yääje yeijäcä änwanno ecammajä’jai maato Wanaadi nödöödö aashichaato, ñäädä tööjano’tacanno adha’dejjaneichomo’jödö tönaawanaanö’cadö aashichaato aca.

1 PEEDHODO 3:1

Änwanno mmaja töiñoca’como, oiñonootoncomo woije eichäcä, anejja quedeiyenteje’da yeiya’jäcä ecamjöiye yaawä, töwaataquiimajoodö’jo’da, töjiiñamo weichö eneedö que mma,

1 PEEDHODO 3:16

Conemjönö ’je’da ätö’tajäätödööcomo nei’ñojo, ñanno mijiichojootäiye, Quidiito jadä chäänönge aweichaameiñe jönaawä adheementännamo.

1 PEEDHODO 4:11

Ñäädä ecammajä’nei, Wanaadi a’deddu ecammajäätödö töweiye naichöje necammajäätö’ñojo. Ñäädä anejja wwä tödööjä’nei, töjäädudu Wanaadi nutuudu que nödö’ñojo. Mädääje tameedä ännödööcomo que aashicha Wanaadi weichö tacaade eijai ña, Jesuuquidiito joi. Ñäädä Jesuuquidiito yeichöje aashicha wa’deutojooje na, tameedä cajiichaanaje mmaja. Amén.

1 PEEDHODO 4:14

Jesuuquidiito ecamjödö jo’tädööje aquiiñeme’ca’comjäcä, ta’cwaiñe eijai maato, Epíiditu Santo aashichaato äjääcäiñe yeijäcä. Tönwanno cone’da töwa’deuwe weneeneto Jesuuquidiito jäcä, änwanno mmaane aashicha chääjäcä töwa’deuwe määnetääne.