MATEO 5:14 - Wanaadi A'deddu

¹⁴ “Änwanno maato adhaawa nönge, edä nono de’woncomo yeijonnamooje. Jata jöö de’wono ootone’tojoojai’cha na.

MATEO 5:14 ပူးပေါင်းရင်းမြစ်များ

JUAN 12:36

Weiyu ecaanö’täcä ajaadäiñe naadawäädä, tawaanato awoncomooje meichäiye; quee cönä’döaacä Jesuuquidiito. Yääje töwa’deuwö’jeje Jesuuquidiito cöntämä yäätonno, etoone’tädööcomooje mma.

JUAN 5:35

Juan cönä’jaacä adhaawa nönge; töwö tawaane tönweijo cönä’jaacä. Änwanno a’dhe ta’cwaiñe mä’ja’quene töwö tönweijo cönä’ja’dawä.

JUAN 8:12

Yää ’jeje Jesuuquidiito cöna’deuwöi chea soto wwäiñe; cönä’döaacä: —Öwö ñäädä weiyu, sotoocomo yeijonei. Ñäädä jaadono wötäädö tööjano’taca ei’cha na’de; chäwwä töweiye na’de weichojo weiyu; quee cönä’döaacä.

JUAN 9:5

Edä nono de’wä weichawäädä edä nono de’woncomo yeijoneichomooje wa; quee cönä’döaacä Jesuuquidiito.

2 CODINTIYO 6:14

Ääweichacoonoje meichäi’che quedeiyentejöncomo jadäiñe; äänönge’da ñanno jadäiñe oojodööjai maato. ¿Aaquene mmaja chäänöngato ääweichacoonoje eichöde’ chäänöngemjönö jadä? ¿Aaquene tawaanato tööjato aca eichö deeade’ ?

JIDIIPENSE 2:15

Mädääje täcammajä’aamoje’da eijai maato, tämentaamoje’da mmaja. Mädääje Wanaadi nnacoomo chäänönga’comooje eijai maato soto conemjöncomo antawaiñe, ñanno chäänöngemjöncomo. Änwanno adhaawa nönge dhantawäiñe miyeijaato edä nono tööjato de’wä,

1 TEESADOONISENSE 5:5

Änwanno maato tawaanato acancomooje, anooto awoncomooje mmaja. Cönwanno quedeiyentecoomo coijaichomoojönö, tööjano’tacancomoojönö mmaja.

APOOCADIISI 1:20

Yaawä ñäädä soto nnedö nöngato cönä’döa’dea: —Edääje töwä’dö’se yeichö mädä chu’tädö meneeannö, ñanno aacä amoojato’como shidiichä yaamädö ämu’demjönö jäcä meneeantodö, aacä amoojato adhaawa a’täi meneeannö mmaja, yää oodo döaajä: Ñanno aacä amoojato’como shidiichä aacä amoojato amoode weichöcoomo cu’tädööje nä’janto, ñanno aacä amoojato ijaatadööcomo naadö quedeiyentecoomo edai’chännamo. Yää aacä amoojato adhaawa a’täi meneeannö mmaane, quedeiyentecoomo cu’tädööje nä’jaanä, ñanno aacä amoojato ijaatadööcomo naadö; quee cönä’döaacä öwwä.

APOOCADIISI 2:5

Yääje yeijäcä ätö’tacä awa’deene awei’jödö jäcä, yää choojonno töwe’ducca maadö. Ätö’tajäätödö sha’duminchacä; tönnöe mä’jaaquennö mmaja tödööcäde. Ecooneca’da aweiya’jäcä öwö adöiña wöta’de; adhaawa äwwä naadö que manenwajiiña’de, ätö’tajäätödö änsa’dumincha’da aweiya’jäcä.