MATEO 5:12 - Wanaadi A'deddu

¹² Adha’cwainchatääcä’de yaawä; ä’wa’dätääcä’dede, adheejemaato’como jooje yeijäcä caju ña. Mädääje dea tömmaminchaiñe töweiye cönä’ja’to odhoowajoodo’como Wanaadi wa’deuwödö ecammannamo.

MATEO 5:12 ပူးပေါင်းရင်းမြစ်များ

MATEO 16:27

Tamoodedö jadäiñe Soto nnedö ne’a’de, Tumö nataadö töjääcä. Yaawä töwö nejeemaato’de tameedä soto waadäiñe iiñö’jocoomo nönge.

MATEO 6:16

“Äwäänemaadawäiñe yäänemaadö nönge mma määnejootäi’che, ñanno yääjönö wa’co’como wäänejoodö naatoodöje’daane. Tönwanno ecoonecaajätö’da weneeneto yaawä, soto wwäiñe täneedöcoomo wetä mmädä töwäänemaadöcoomoje yeichö. Chäänönge yääje wä’döa äwwäiñe, mädä que mma täjeema naato tönwanno.

DUUCA 13:34

“Änwanno Jeduusadén ñancomo, Wanaadi wa’deuwödö ecammannamo töja’nnamo, äwwadäädäiñe anonta’como täju que töwääjä’nnamo; wameedi tönnacoomo tajä’sai o’nä tönnöe naichöje dea öwwadäädä adheenejö’seiñe wääneneedö’je, yääje awei’sheiñe’daane’ änwanno.

DUUCA 6:23

Adha’cwainchatääcä’de yaawä; ä’wa’dätääcä’dede, adheejemaato’como jooje yeijäcä caju ña. Mädääje dea dhadai’choncomo tömmaminchaiñe töweiye cönä’ja’to Wanaadi wa’deuwödö ecammannamo.

DUUCA 6:35

Änwanno mmaane ätu’de’tännamo ijummajai maato, aashichaato chääjäcäiñe tödööjai mmaja. Soto wwäiñe u’täcä’de, inwacaamajoodö jäcä ätö’tajä’ancädäiñe’da. Yaawä adheejema’jocoomo jooje na’de. Mädääje Wanaadi O’jodhaato nnedööje eijai maato, yääjatoone yeiyajä töwö, töjääcä chö’tajä’jöncomo aashicha tönnöe, conemjönö dönnamo mmaja.

DOSECHO 16:25

Yaawä yo’tawääne Paudo, Siida mmaja Wanaadi wwä cöna’deuwa’to; cöneecanta’ña’to dea. Anejjacoomo jedeeso cöneeta’to yeecanta’ñädööcomo.

DOSECHO 5:41

Ñanno anonta’como cöntonto yaawä täcamma’jonnamo jonnoiñe. Tönwanno ta’cwaiñe cönä’ja’to Jesuuquidiito ecamjödö jo’tädööje töwäntunamjödööcomo weijäcä, Wanaadi woije dea.

DOMAANO 5:3

Mädä jäcä mma’da ta’cwaiñe caato, cöwäntunamjödaawäiñe mmajaane, cowaanäcäiñe yeijäcä wäntunaanö’nä aashicha tönshinchä weiñä töneejodööjo yeichö.

1 CODINTIYO 3:8

Äänönge naato ñaatö’tänei’jödö acä töjöönei’jödö; chääwaadäiñe chääje’jödö nä’tua’de chaadawaajuichomo’jödö ’cäwa’cä mma.

2 CODINTIYO 4:17

Mädä wäntunaanö’nä’cä a’dhatooje mma na; yää eje’jödö na’de aashichaato yeichöödoto, yää wäntunaanö’nä e’jodhaato.

JIDIIPENSE 1:29

Änwanno maato Quidiito ecaanö’nnamooje töweiyaamoje mma’da, ijunnei töwäntunaanö’aamoje mmajaane.

JIDIIPENSE 2:17

Öwö ta’cwaiñe dea eijai wa saaquidiijiisiyo nönge töwä’tueemöje weichaame, yää saaquidiijiisiyo ännödööcomo de’wä mmaja, ecamjödö que tönnöe määnetäänedö. Adhaacoodaaneiñe ta’cwaiñe eijai wa.

CODOOSENSE 1:24

Mädä äjääcäinchädäiñe wäntunamjödö cone’da yöödö’da na. Eduuwa öwö daja woneeja dea Quidiito wäntunamjö’jödö, chääjö jäcäinchädä, ñanno quedeiyentecoomo.

CODOOSENSE 3:24

odhoowanääcäiñe yeijäcä Cajiichaana wwono adheeje’jocoomo eichojo, yää tameedä äwwäiñe tu’emööje naadö. Quidiito sotoijeene maato; töwö Adheedhajootoncomo neeneje na.

1 TEESADOONISENSE 2:15

Ñanno judhíocoomo Cädhaajotoncomo Jesuuquidiito cöneemaicho, ñanno töjimmotoncomo Wanaadi wa’deuwödö ecammannamo cömjajoichodööje dea. Ñaa mmaja ñaa ja’canö’joneeto dea. Tönwanno Wanaadi woije’da weneeneto; tameedä soto tu’de’tännamooje naato.

EEWEDEO 10:34

Änwanno wentumje töneene mä’ja’quene ñanno jedeesoja’como. Anejjacoomo wwäiñe ännöjäätödööcomo que adhenwajiiñataame cone’da ä’döjo’da töweiye mä’ja’quene, odhoowanääcäiñe yeijäcä caju ña äwwäiñe aashichaato jaiñoone töweiye yeichö, töwaatamemjönööne.

EEWEDEO 11:26

Töwö chäwwä cöntö’taacä aashicha’cä jeene Quidiito jäcäinchädä wä’quiiñeme’jonä, tameedä Ejiito ñano mösooma dha’me weiñä e’jodhe’cä; Wanaadi wwä täjeemadööne cönencano’taacä töwö.

EEWEDEO 11:33

Dhantai ecamjödö que soto töne’jodheincha cönä’ja’to, aashichaato tönnöe cönä’ja’to dea, Wanaadi necamma’jödö tö’wa’toto’como cöneedhajä’toicho dea. Ecamjödö que mmaja mado cönincha’duicho,

EEWEDEO 11:6

Ecamjödö ’je’da cöweiya’comjäcä mmaane Wanaadi a’cwaimajai’cha caato yaawä. Ñäädä Wanaadi wwadäädä töötä’sato aneecamjö’da’da eijai ña Wanaadi töweiye yeichö, tujummannamo töni’wa’tä yeichö mmaja.

SANTIYAACO 1:2

Jimmä, jooje ta’cwaiñe eichäcä aneejejaiñe äwä’yunaacaja’comjäcä,

SANTIYAACO 5:10

Jimmä, Wanaadi a’deddu ecammannamo’jödö wei’jocoomo chö’tamme’täcä, ñanno Cajiichaana eetö joi töwa’deuwe cönä’ja’todö, ñanno nöngeiñe mmajaane meichäiye.

1 PEEDHODO 4:13

Ta’cwaiñe mmaane eichäcä Jesuuquidiito wäntunamjödö jimmäje aweijäcäiñe, ta’cwaiñe meichäiyede yaawä aashicha töweichö eneejodaawä chäwwä.