MATEO 5:11 - Wanaadi A'deddu

¹¹ “Ta’cwaiñe eijai maato änwanno soto wwäiñe adheetana’ta’comjäcä, amaamincha’comjäcä mmaja, jönaawä adheementa’comjäcä mmaja, sootoije aweichöcoomo jo’tädööje.

MATEO 5:11 ပူးပေါင်းရင်းမြစ်များ

MATEO 10:18

Cajiichaanacoomo wwadäädä jadä’jödöödä adhaadäaato’de, acu’shänä wwadäädä mmaja, sootoije aweichöcoomo jo’tädööje. Mädääje ya’deddu ecammajä’jai maato chäwwäiñe, Wanaadi dhowaanojöncomo wwäiñe mmaja.

MATEO 10:22

Tameedä soto aquiiñeme’cato’de sootoije aweichöcoomo jo’tädööje. Ñäädä yaatameedö jonaane shinchänei nääwanaaca’de.

MATEO 10:25

Ñäädä towaanomaamö towaanomaanei weichö nönge töwä’dödö mma ijummajai ñai, cho’jodheene’daane. Chäänönge mmaja dhanoonö, tädhaajä weichö jäcä daja. Ñanno soto Caajuushawaaje chäädhajootoncomo cöne’toicho; töwaacö’je mma shootoi cone’da e’täjai ñaato.

MATEO 10:39

Ñäädä töweichö ewontänei, töweichö nennanö’ca’de. Ñäädä öwö jääcäinchädä töweichö u’nei mmaane, töweichö neneea’de.

MATEO 19:29

Ñäädä öwö jääcäinchädä tömmai ñännei, tacontomo, tuduichomo jeiñe mma, töjaadui’chomo jeiñe mma, ñäädä tumö, senö ñännei jeiñe mma, töjiiñamo, tönnacoomo jeiñe mma, tönaudädö jeiñe mma, öwö jääcäinchädä yää ñänga’jäcä, ñäädä wwä yää nöngato mmaja nä’tua’de jooje’cä jeene; yeichö töwaatamemjönö mmaja Wanaadi nu’a’de chäwwä.

MATEO 24:9

“Yaawä soto ayu’ato’de amaaminchadööcomo wetä, ajaajodööcomo wetä mmaja. Tameedä soto aquiiñeme’cato’de sootoije aweichöcoomo jo’tädööje.

MATEO 27:39

Yäätoncomo weja’dätäädö Jesuuquidiito cönincha’me’ca’to, etaana’tädööje.

MAADOCO 13:13

Tameedä soto aquiiñeme’cato’de sootoije aweichöcoomo jo’tädööje. Yaawä ñäädä yaatameedö jonaane shinchänei nääwanaaca’de.

MAADOCO 13:9

“Odhoowoinchadäiñe’da eichäcä’de änwanno. Yaawä soto ayu’ato’de äcamma’jonnamo wwäiñe. Töwe’jummato’como taca adhaiju’jä’ato’de. Sootoije aweichöcoomo jo’tädööje acu’shänä wwadäädä adhaadäaato’de, cajiichaanacoomo wwadäädä mmaja. Yää na’de äwwäiñe ya’deddu ecammajo’tojo ñeetadööcomooje.

MAADOCO 4:17

Tömiiche’daane tönwanno, a’dhe töweiyaamo mma. Wanaadi a’deddu jäcäinchädä yeetunu eneea’jäcä, wätä’maminchajoonä jeiñe mma, yaawä dea mma ne’nomjaato.

MAADOCO 8:35

Ñäädä töweichö ewontänei, töweichö nennanö’ca’de. Ñäädä öwö jääcäinchädä, aashichaato wätunnä jäcäinchädä mmaja, töweichö u’nei mmaane, töweichö neneea’de.

DUUCA 21:12

“Tameedä mädä owaajo soto adhaajäiyato’de amaaminchadööcomo wetä. Töwe’jummato’como taca adhaadäaato’de, adheecamma’jojäätödööcomo wetä. Tönwanno jedeesoje ayöödöaato’de. Cajiichaanacoomo wwadäädä adhaadäaato’de, acu’shänä wwadäädä mmaja, sootoije aweichöcoomo jo’tädööje.

DUUCA 21:17

Änwanno mä’quiiñeme’cajaato’de tameedä soto wwäiñe sootoije aweichöcoomo jo’tädööje.

DUUCA 6:22

“Ta’cwaiñe eijai maato soto wwäiñe aquiiñeme’ca’comjäcä, asancwa’comjäcä mmaja, adheetana’ta’comjäcä mmaja, conemjönööje adhe’ta’comjäcä mmaja öwö, Soto nnedö, sotoije aweichöcoomo jo’tädööje.

DUUCA 9:24

Ñäädä töweichö ewontänei, töweichö nennanö’ca’de. Ñäädä öwö jääcäinchädä töweichö u’nei mmaane, töweichö neneea’de.

JUAN 15:21

Tönwanno mädääje ayöödöaato’de sootoije aweichöcoomo jo’tädööje, towaanäcäiñe’da yeijäcä yaanontänei’jödö.

JUAN 9:28

Yaawä tönwanno cönquiimajä’a’to; cönä’döa’to chäwwä: —Amäädääne ’cännä shootoije ma. Ñaa mmaane Moisé sotoije ñaa na.

DOSECHO 9:16

Chäwwä weneeja’de jääcäinchädä yäntunaanö’tojo; quee cönä’döaacä Cajiichaana Jesuuquidiito Aananía wwä.

DOMAANO 8:36

Edääje Wanaadi a’deddu imennaajä nä’döa: Amäädä adheecamjödö jo’tädööje ñaa ja’tä weneeneto weiñäje. Oweeja tamiiñä’caamo nönge ñaa dötä weneeneto; quee imennaajä nä’döa.

1 CODINTIYO 4:10

Jesuuquidiito jo’tädööje i’jeta’jödööje ñaa e’tätä soto weneeneto, änwanno mmaane quedeiyente towaanojo’na’como. Ñaa na jäduuje’da; änwanno mmaane jäduuja’como wa’cä. Soto ñaa quiiñeme’tä weneeneto, änwanno mmaane yaacö’comje.

2 CODINTIYO 4:11

Yeichöje töwäämatoojojaato töneene ñaa weneene Jesuuquidiito jäcäinchädä; mädääje Jesuuquidiito jäduudu töneenejo ñaa weneene, töwäämaamöje ñaa weichaame.

JIDIIPENSE 1:29

Änwanno maato Quidiito ecaanö’nnamooje töweiyaamoje mma’da, ijunnei töwäntunaanö’aamoje mmajaane.

1 PEEDHODO 2:23

Töwö tutuushimaadawä oojo’tä’da cöneiyacä. Täntunamjödaawä äncu’nä’täjäätö’da cöneiya’dea. Töwä’tue mmaane cönä’tui Wanaadi wwä, ñäädä chäänönge ämmencanei wwä.

1 PEEDHODO 4:14

Jesuuquidiito ecamjödö jo’tädööje aquiiñeme’ca’comjäcä, ta’cwaiñe eijai maato, Epíiditu Santo aashichaato äjääcäiñe yeijäcä. Tönwanno cone’da töwa’deuwe weneeneto Jesuuquidiito jäcä, änwanno mmaane aashicha chääjäcä töwa’deuwe määnetääne.

APOOCADIISI 2:3

Amäädä töwäntunaanö’e määnene; aashicha tönshinchä määnene dea. Jooje na junnei aweetadaawa’cajo’jödö, aweejäduuqueancädä’da.