MATEO 5:10 - Wanaadi A'deddu

¹⁰ “Ta’cwaiñe eijai ñaato ñanno chäänönge töweichöcoomo jo’tadööja’como wäntunamjödö, Wanaadi töcaajichaanaichomooje yeijäcä.

MATEO 5:10 ပူးပေါင်းရင်းမြစ်များ

MATEO 10:23

Anejja jataawä amaamincha’comjäcä, äänejeetäcä’de aneetaja. Chäänönge yääje wä’döa, tameedä iisadaaediitacoomo jataadöcoomo mämja’dä’tä’dadä Soto nnedö ne’a’de.

MATEO 19:14

Yaawä Jesuuquidiito cönä’döaacä: —Neejö’ña’to mudeeshi’chä öwwadäädä; monoowatäätäi. Canno nönga’como ñanno Wanaadi sotoi; quee cönä’döaacä Jesuuquidiito tönoowanoomadö wwäiñe.

MATEO 25:34

Yaawä Cajiichaana nä’döa’de ämu’demjönö dö’sencomo wwä: “Ä’täcä änwanno, Jaaja nijummadö, ijaatawä meichäiye, yää edä nono wamoodeta’jödö jonnoto’jödöödä äwwoncomooje choonecaajä naadö.

MATEO 5:3

—Ta’cwaiñe eijai ñaato ñanno a’ca’como tö’tadö, Wanaadi töcaajichaanaichomooje yeijäcä.

MAADOCO 10:14

Yää eneea’jäcä Jesuuquidiito cone’da cönä’jaacä; cönä’döaacä chäwwäiñe: —Neejö’ña’to mudeeshi’chä öwwadäädä; monoowatäätäi. Canno nönga’como ñanno Wanaadi sotoi.

MAADOCO 10:30

ñäädä immai ’je’da’da na’de, dhacontomo ’je’da’da mmaja, yuichomo ’je’da’da mmaja, ijaadui’chomo ’je’da’da mmaja na’dede; senque’da’da mmaja na’dede, iiñacoomo ’je’da’da mmaja, ñaudädö ’je’da’da mmaja; töwäntunaanö’taame mma’ne. Yaawä äcuude weiñawä yeichö töwaatamemjönö nä’tua’de chäwwä.

DUUCA 21:12

“Tameedä mädä owaajo soto adhaajäiyato’de amaaminchadööcomo wetä. Töwe’jummato’como taca adhaadäaato’de, adheecamma’jojäätödööcomo wetä. Tönwanno jedeesoje ayöödöaato’de. Cajiichaanacoomo wwadäädä adhaadäaato’de, acu’shänä wwadäädä mmaja, sootoije aweichöcoomo jo’tädööje.

DUUCA 22:29

Yääje yeijäcä cajiichaanaje aweicho’como wu’a’de äwwäiñe, Jaaja öwwä cajiichaanaje weichojo cuntuichöje mmaja.

DUUCA 6:20

Yaawä Jesuuquidiito tönoowanoomadö ene’mancädäiñe cönä’döaacä: —Ta’cwaiñe eijai maato änwanno tönsomaaquemjöncomo, Wanaadi acaajichaanaichomooje yeijäcä.

DUUCA 6:22

“Ta’cwaiñe eijai maato soto wwäiñe aquiiñeme’ca’comjäcä, asancwa’comjäcä mmaja, adheetana’ta’comjäcä mmaja, conemjönööje adhe’ta’comjäcä mmaja öwö, Soto nnedö, sotoije aweichöcoomo jo’tädööje.

JUAN 15:20

Ätö’tatääcä äwwäiñe wa’deuwö’jödö jäcä: Dhanoonö tädhaajä e’jodhe’da töweiye nai; quee wä’dö’jödö jäcä. Ñanno öwö maaminchaneetodö, amaaminchatantäi’chede; ñanno ya’deddu etannamo’jödö, adha’dedducoomo mmaja netaato’dede.

DOSECHO 5:40

Ñanno cöneeta’to dha’deddu. Anonta’como cöna’dejjaicho yaawä; taiju’jä’e mma cönaiju’jätöicho; cönä’döa’to chäwwäiñe: —Jesuuquidiito jäcä mma maneecammajä’täi’che eduuwa; quee cönä’döa’to. Cönenno’jaicho yaawä.

DOSECHO 8:1

Saudo wacö’je Eteewa cöneemaicho. Yää anooto awä soto cönaajäntoicho tumjunne’da Quidiito sotoi Jeduusadén ñancomo maminchadööcomo. Yaawä tameedä ñanno Quidiito sotoi cönäämecantoicho Judheea ña, Samaadiya ña mmaja; anonta’como mma yäätä Jeduusadén ña cönä’ja’to.

2 CODINTIYO 4:17

Mädä wäntunaanö’nä’cä a’dhatooje mma na; yää eje’jödö na’de aashichaato yeichöödoto, yää wäntunaanö’nä e’jodhaato.

JIDIIPENSE 1:28

Ane’cä’cä jäcäinchädä mma ätu’de’tännamo monnontätäi. Yää tösaade’da aweichöcoomo na’de chäwwäiñe töwännanö’e töweichöcoomo yääne’ju’to’comooje. Äwwäiñe mmaane na’de Wanaadi nutuudu töwääwanaaca aweichöcoomo ene’ju’to’me.

2 TIIMOTEO 2:12

Chääjadä cöwäntunaanö’a’comjäcä, chääjadä cajiichaanaje caato’dede. Ijoome’da’jäcä cöwwäiñe, töwö mmaja cöjoome’daato’dede.

SANTIYAACO 1:12

Ta’cwaiñe eijai ña ñäädä tuyuunacaadö shinchänei. Chäänönge toneejadö shincha’jäcä chäwwä, chaana’nadiiyö nä’tua’de yaawä, yää töweichö eneetojo, tameedä tujummannamo wwä Wanaadi necamma’jödö.

SANTIYAACO 5:11

¿Ta’cwaiñe jönca töwäntunamjödö shinchänei töne’tä cäänetääne? ¿Töneeta jönca maato Joowo aashicha tönshinchä yei’jödö? Yää ’jeje yei’jödö mmaja töneeta maato dea, yää Cajiichaana nödöödö chäwwä. Wentumje äneetä töweichö Cajiichaana cöneenejoi yaawä chäwwä, tumjunne töweichö mmaja.

1 JUAN 3:12

Caín nönge’daane queicho’ñojo. Töwö cönä’jaacä odo’sha sotoi. Töwö tacoono cöneemai. ¿Ane’cäämö jo’tädööje cöneemai, quee ’ja? Conemjönö tönnöe töwö töweijäcä, dhacoono mmaane chäänönge tönnöe cönä’jaacä.

APOOCADIISI 2:10

Määcatoncai äwäntunaanö’tojo jäcä. Dhantai odo’sha adheewaacajaato’de jedeeso ewöötö taca, odhoonejaadöcoomo wetä; amoojadä anooto yeetunu meneea’de. Chäänönge eichä’de äwäämadö jonaane; yaawä äwwä wu’a’de weichojo canaanadi.