Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MATEO 4:24 - Wanaadi A'deddu

24 Chääcadö cöneecatai yaawä tameedä Siidiya ña. Ñanno iiñancomo cädäija’como cönnejooto yöiña, chäwwä adoncajoodö wetä. Anejjejaiñene’jödöödä cönä’jaacä chäädäichöcoomo. Odo’sha ’jacomo cönnejooto dea, änönnä’ja’como mmaja, secumja’como mmaja. Jesuuquidiito cönaadoncaicho tameedäädä.

အခန်းကိုကြည့်ပါ။ ကော်ပီ




MATEO 4:24
41 ပူးပေါင်းရင်းမြစ်များ  

Yääje mma yaawä ñanno soto odo’sha ’jano cönnejooto Jesuuquidiito wwadäädä. Ñäädä cönä’jaacä tänuuque’da, ta’deude’da mmaja. Jesuuquidiito cönaadoncai yaawä. Ñäädä cöna’deutai yaawä; cönäänu’täi chea.


Yääje mma yaawä cajiichaana Edoodhe cöneetaacä Jesuuquidiito ecaadö.


Yääje mma yaawä wodi Canaanea ñano, yää jataawono, Jesuuquidiito cöna’dejjai, cönä’döaacä: —Cajiichaana, Dawí nnedö, wentumje cäneecä. Önnedö wodi’chä näntunaanö’a jooje; odo’sha ’je na; quee cönä’döaacä.


—Cajiichaana, wentumje önnedö eneecä. Änönnä’je töwö na. Jooje töwäntunaanö’e weneene; wa’to nwaca töweejucca aneedawä, na’cwaca mmaja.


Yaawä Jesuuquidiito odo’sha cöneuwöi; odo’sha cöneeja’cai yaawä. Yaawä dea mma cönaadoncai ñäädä dhanwa’cä.


Yaawä Jesuuquidiito cönäämannä’acä tameedä Caadideea chäcä, judhío we’jummato’como waadäi soto owaanomancädäiñe. Wanaadi töcaajichaanaije tödöödö jäcä töneecammajä’e cönä’jaacä. Töneejichö’tä cönä’ja’dea tameedä chäädäichöcoomo.


Yaawa chu’jä mänsemjona cönä’döicho, Cadhaada ña. Yaawä aacä dhanwaacomo odo’sha ’ja’como cöneeja’caicho Jesuuquidiito wwadäädä, äwa döiñanno. Ñanno dhanwaacomo tönoiñe cönä’ja’to, yää ai weja’do’to’me’da tödööjoone.


Cuushi edai’chännamo’jödö cönäänejeicho yaawä tösaadöcoomoje. Jataaca cöntonto. Tameedä yää cöneecammajäätöicho, odo’sha ’ja’como jäcäiñe yeeja’dätä’jödö mmaja.


Töwö cönä’döaacä Jesuuquidiito wwä: —Cajiichaana, yaanonö ä’saca na tä’wötö jo; secumje na; jooje näntunaanö’a.


Yääje Jesuuquidiito nödö’jödö cöneecatai yaawä tameedä yää jata weichö wa’cä.


Yääje mma yaawä Jesuuquidiito cönäämannä’acä tameedä jata weichö wa’cä, judhío we’jummato’como waadäi soto owaanomancädäiñe. Wanaadi töcaajichaanaije tödöödö jäcä töneecammajä’e cönä’jaacä. Tameedä cädäi toneejichö’tä cönä’ja’dea.


Yaawä Jesuuquidiito ecaadö cöneecatai tameedä Caadideea weichö wadaadäädä.


Yaawä cho’momöödawä, tööje yä’döa’jäcä, Jesuuquidiito döiña soto cönne’a’to tameedä cädäija’como, odo’sha ’ja’como mmaja.


Yaawä cöneejoto dea aacäichea dhanwaacomo, secumjato dha’me.


Tönwanno Jesuuquidiito döiña ä’döjai’cha cönä’ja’to, jooje soto yeichomjäcä. Yääje yeijäcä maa cöninwa’tocaicho Jesuuquidiito ejoodhe. Yää ai cöneenö’toicho ñäädä cädäijato, chä’wötö joodä.


¿Äshono ätääcammacoije nai määdhä secumjato wwä: “Ocoone’nadiiyö täncwanno’jo na”, quee ’ja? ¿Edääjeene’: “Aanöncä; adhe’wötö adääcä; oojoimacä”, queene’ ?


Yää awa’deenato soto ime’cu’tädööcomo cönnöicho Sideeniyo cajiichaanaje yeichö Siidiya ña.


Yääje mma yaawä Jesuuquidiito cönennacai Caadideea ña, Epíiditu Santo jäduudu ’je. Chääcadö cöneecatai tameedä yää weichö wa’cä.


Yääje mma yaawä Jesuuquidiito cönammöi; cöneeja’cai we’jummatoojo tacanno. Simón mmai chaca cöntämä yaawä. Simón wo’jödö cädäije cönä’jaacä jooje, töweedö’que. Tönwanno cönaadoncaja’to Jesuuquidiito wwä.


Töwääcadeeme’jo’se’da Jesuuquidiito weichaame jooje’cä mma chääcadö cöneecatai. Jooje soto töwe’jumma cönä’ja’to ñeecammajäätödö etaadö wetä, töwääjichö’täjoodöcoomo wetä mmaja.


Edä wödööa odhoowanääcäiñe yeichö wetä Soto nnedö soto cone’nadiiyö encwanno’jojai yeichö edä nono de’wä; quee cönä’döaacä Jesuuquidiito. Yaawä töwö cönä’döaacä secumjato wwä: —Edääje wä’döa äwwä, aanöncä; adhe’wötö adääcä; ämmai chaca äjääne; quee cönä’döaacä.


Jesuuquidiito ecaadö cöneecatai yaawä Judheea ña, tameedä yää weichö wa’cä.


Anejjacoomo ’quene cönä’döa’to: —Mädääje a’deuwö’da tö’jetaato töweiye nai. ¿Aaquene mmaja odo’sha tänuuquemjönö enuudu aneejichö’tädö deaade’ ? quee cönä’döa’to.


Odhoowanääcäiñe mmaja Jesuuquidiito Naasade ñano wwä Wanaadi nutuudu Epíiditu Santo jäduudu. Ñäädä Jesuuquidiito, Wanaadi töjaadä yeijäcä, aashichaato tödööancädä töwäämannä’e cönä’jaacä, tameedä odo’sha wäntunamjödö adoncancädä mmaja.


Tönwanno jajeeda cönaadojoicho chäwwäiñe, edääjato imennaajä: “Ñaa anonta’como, ansiyaano mmaja, eetoncomo quedeiyentecoomo mmaja, ñaa nimenna äwwadäädäiñe, änwanno quedeiyente judhíojöncomo, Antiyooquía ñancomo, Siidiya ñancomo mmaja, Sidiisiya ñancomo mmaja.


Siidiya chäcä cönäämannäjöicho, Sidiisiya chäcä mmaja, quedeiyentecoomo jädu’tancädäiñe.


Yää ’jeje anejjacoomo cädäija’como cöneejoto dea yaawä, yää antadö de’woncomo dea. Tameedä cönaadoncaicho.


Jooje odo’sha ’ja’como cönaadoncaicho; töcä’tömjä’ancädäiñe soto acanno odo’sha töweeja’ca cönä’ja’to. Cönaadoncaicho dea jooje änönnä’ja’como, secumja’como mmaja.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ