MATEO 4:23 - Wanaadi A'deddu

²³ Yaawä Jesuuquidiito cönäämannä’acä tameedä Caadideea chäcä, judhío we’jummato’como waadäi soto owaanomancädäiñe. Wanaadi töcaajichaanaije tödöödö jäcä töneecammajä’e cönä’jaacä. Töneejichö’tä cönä’ja’dea tameedä chäädäichöcoomo.

MATEO 4:23 ပူးပေါင်းရင်းမြစ်များ

MATEO 11:5

Chäwwä ecammajä’täcä’de tänuuquemjöncomo enu’tädööcomo, secumja’como sheecuncadööcomo mmaja, woi ’ja’como ejiichö’tädööcomo mmaja, töjaanaquemjöncomo ijaana’ducaadöcoomo mmaja, yäämaajä adoncadö mmaja, aashichaato wätunnä ecammajäätödö mmaja wentumja’como wwä.

MATEO 12:9

Yääje mma yaawä yäätonno Jesuquidiito cöntämä judhío we’jummato’como taca.

MATEO 13:19

Anejja wwä Wanaadi töcaajichaanaije tödöödö jäcä ecammajäätödö towaanäcä’de eta’jäcä, odo’sha ne’a yaawä. Yää Wanaadi a’deddu etaajä chö’tajäätödö acanno nichö’taque’ja yaawä. Ñäädä cu’tädö yää ääma taawa dhadöödö cönä’meichö.

MATEO 13:54

Töjaatacäi töwä’döa’jäcä töwö soto cönoowanooma’to judhío we’jummato’como taca. Tönwanno cönääcatoncaicho; cönä’döa’to: —Äsha mä’dä cönoowanoomai, mädä wa’cä töseedujä’ne töweichö wetä? ¿Äsha mädä wa’cä töjäädudu cöneejodöi täneemö tödöötojo?

MATEO 14:14

Töwaajäiya’jäcä Jesuuquidiito jooje soto cöneedantoicho. Töwö wentumje cöneene’ma’to. Cädäija’como cönaadoncaicho.

MATEO 24:14

Aashichaato wätunnä, yää Wanaadi töcaajichaanaije tödöödö jäcoono, nätääcammajä’a’de tameedä jata weichö wa’cä, tameedä sotoocomo netaadöcoomoje. Yaawä jeene na’de anooto wataamedö.

MATEO 3:2

Edääje töneecammajä’e cönä’jaacä: —Ätö’tajäätödööcomo sha’duminchatääcä. Amoinche’da nä’döi eduuwa Wanaadi acaajichaanaichomooje yä’dötoojo; quee töwä’döe cönä’jaacä.

MATEO 9:35

Yääje mma yaawä Jesuuquidiito cönäämannä’acä tameedä jata weichö wa’cä, judhío we’jummato’como waadäi soto owaanomancädäiñe. Wanaadi töcaajichaanaije tödöödö jäcä töneecammajä’e cönä’jaacä. Tameedä cädäi toneejichö’tä cönä’ja’dea.

MAADOCO 1:14

Yääje mma yaawä jedeesoje Juan wä’döja’jäcä, Jesuuquidiito cöntämä Caadideea ña, aashichaato wätunnä ecammajä’ancädä Wanaadi töcaajichaanaije tödöödö jäcä.

MAADOCO 1:21

Yääje mma yaawä Cajeedamu ña cönä’döicho. Wäädeetatoojo anooto awä Jesuuquidiito soto cönoowanooma’to we’jummatoojo taca.

MAADOCO 1:39

Yaawä Jesuuquidiito cönäämannä’acä tameedä Caadideea weichö wadaadäädä, we’jummatoojo taca ecammajä’ancädä, odo’shancomo ija’canö’jancädä mmaja.

MAADOCO 3:10

Jooje soto adonca’jocoomo weijäcä Jesuuquidiito wwä tameedä cädäija’como töwaatadiimajä’ene chäwwadäädä töötä cönä’ja’to, ajoojodö wetä.

MAADOCO 6:2

Yaawä wäädeetatoojo anooto awä töwö soto cönoowanooma’to judhío we’jummato’como taca. Dhantai etannamo’jödö cönääcatoncaicho; cönä’döa’to: —¿Äsha mädä wa’cä mä’dä cönoowanoomai chea? ¿Aaquene mädä wa’cä töseedujä’ne nai? Mädä wa’cä täneemö nödööaadö naane’.

MAADOCO 6:6

Töwö cone’da cönä’jaacä aneecamjö’da soto weichomjäcä. Yaawä töwö cönäämannä’acä jata amoinchemjönö waadäi, soto owaanomancädäiñe.

DUUCA 10:9

Cädäija’como adoncatääcä’de yää jataawoncomo. Edääje caichäcä’de chäwwäiñe: “Amoinche’da nä’döi Wanaadi acaajichaanaichomooje yä’dötoojo;” quee caichäcä’de.

DUUCA 13:10

Yaawä wäädeetatoojo anooto awä Jesuuquidiito soto cönoowanooma’to we’jummatoojo taca.

DUUCA 16:16

“Juan Wautiita jona tödööene waanontänä Moisé nimennä’jödö cönä’jaacä, Wanaadi wa’deuwödö ecammannamo nimenno’jocoomo mmaja. Juan jonno mmaane Wanaadi töcaajichaanaije tödöödö jäcä aashichaato wätunnä nätääcammajä’a. Tameedä soto Wanaadi sotoije nä’döaato töjääduduucomo que.

DUUCA 20:1

Aneedawä anooto awä Jesuuquidiito soto cönoowanooma’to Wanaadi weichojo taca. Aashichaato wätunnä cöneecammajä’acä chäwwäiñe. Yaawä yöiña cöneejoto ñanno Wanaadi wwä töwa’deuwaamo edhaajotoncomo, judhío owaanomannamo mmaja, inchoncomo mmaja.

DUUCA 4:14

Yääje mma yaawä Jesuuquidiito cönennacai Caadideea ña, Epíiditu Santo jäduudu ’je. Chääcadö cöneecatai tameedä yää weichö wa’cä.

DUUCA 5:17

Aneedawä anooto awä Jesuuquidiito cönä’jaacä owaanomaadöje. Yäätä cönä’ja’to jaadiseeo wataajima’como, judhío owaanomannamo mmaja, tameedä Caadideea ñano jataawoncomo we’a’como, Judheea ñano jataawoncomo we’a’como mmaja, Jeduusadén ñancomo we’a’como mmaja. Wanaadi jäduudu ’je Jesuuquidiito cönä’jaacä yaawä, soto adoncatoojo.

DUUCA 6:17

Jesuuquidiito jöö daca cönä’täi yaawä ñanno töne’to’jocoomo jadäiñe. Acaanawä cönä’jaacä yaawä tönoowanoomadö jadäiñe. Jooje Judheea ñancomo cönä’ja’to dea chääjadäiñe, jooje Jeduusadén ñancomo mmaja, Tiido ñancomo mmaja, Sidhón ñancomo mmaja, ñanno dama jawoncomo. Ñanno cönä’ja’to dha’deddu eta ye’a’como, chäwwä töwaadoncajoodöcoomo wetä ye’a’como mmaja.

DUUCA 6:6

Aneedawä wäädeetatoojo anooto awä daja Jesuuquidiito cönoomomöi judhío we’jummato’como taca; soto cönoowanooma’to yaawä.

DUUCA 7:21

Ñanno wä’dödaawäiñe ñeenedööcomooje Jesuuquidiito jooje cädäija’como cönaadoncaicho, jooje yäntunamjödööcomo mmaja, odo’sha ’ja’como mmaja. Jooje tänuuquemjöncomo cöneenu’täjä’a’to dea.

DUUCA 7:22

Yaawä Jesuuquidiito cönä’döaacä Juan anoonö wwäiñe: —Aneene’jocoomo ecammajä’tantäcä Juan wwä, aneeta’jocoomo mmaja. Chäwwä ecammajä’täcä’de tänuuquemjöncomo enu’tädööcomo, secumja’como sheecuncadööcomo mmaja, woi ’ja’como ejiichö’tädööcomo mmaja, töjaanaquemjöncomo ijaana’ducaadöcoomo mmaja, yäämaajä adoncadö mmaja, aashichaato wätunnä ecammajäätödö mmaja wentumja’como wwä.

DUUCA 8:1

Yää ’jeje Jesuuquidiito cönäämannä’acä jata waadäi, aashichaato wätunnä Wanaadi töcaajichaanaije tödöödö jäcä ecammajä’ancädä. Ñanno amoojadooto de’wä aaco’como ñoowanoomadö chääjadä cönä’ja’to dea.

DUUCA 9:11

Soto wwäiñe iiña yeichö eta’jäcä, cönaaje’caicho yaawä. Töwö aneenejä’täiñe’da’da cöneiyacä; Wanaadi töcaajichaanaije weiñä jäcä cöneecammajä’acä chäwwäiñe. Cädäija’como cönaadoncaicho dea.

DUUCA 9:60

Jesuuquidiito cönä’döaacä chäwwä: —Yä’ja’a’como dea mmaane newaaca’ña’to töwä’ja’a’como. Amäädä mmaane Wanaadi töcaajichaaneije tödöödö jäcä ecammajä’ta; quee cönä’döaacä.

JUAN 18:20

Jesuuquidiito cöneccujä’acä: —Tameedä soto netaadöcoomoje töneecammajä’e wä’jaaquene. Tönoowanoomaiñe wä’jaaquene we’jummatoojo taca, Wanaadi weichojo taca mmaja, yää tameedä judhío we’jummato’comooje weneenedö. Tacaade’da a’deuwö’da töweiye wä’jaaquene.

JUAN 6:59

Jesuuquidiito yääje soto cönoowanooma’to Cajeedamu ña, judhío we’jummato’como taca.

JUAN 7:1

Yää ’jeje Jesuuquidiito cönäämannä’acä Caadideea chäcä. Judheea chäcä töwäämannäjö’se’da cönä’jaacä judhíocoomo täma’se yeichomjäcä.

DOSECHO 10:38

Odhoowanääcäiñe mmaja Jesuuquidiito Naasade ñano wwä Wanaadi nutuudu Epíiditu Santo jäduudu. Ñäädä Jesuuquidiito, Wanaadi töjaadä yeijäcä, aashichaato tödööancädä töwäämannä’e cönä’jaacä, tameedä odo’sha wäntunamjödö adoncancädä mmaja.

DOSECHO 18:4

Wäädeetatoojo anooto waadäi Paudo töötä cönä’jaacä we’jummatoojo taca. Iiña töneecammajäätödö que judhíocoomo töncana’caiñe cönä’jaacä, judhíojöncomo mmaja.

DOSECHO 20:25

“Yoowanääcä na eduuwa naadö jonno yeene’da aweicho’como, änwanno Wanaadi töcaajichaanaije tödöödö jäcä neecammajäätö’jödö etannamo’jödö.

DOSECHO 28:31

Chäwwäiñe töneecammajä’e cönä’jaacä Wanaadi töcaajichaanaije tödöödö jäcä. Cajiichaana Jesuuquidiito jäcä tönoowanoomaiñe cönä’ja’dea. Anejja aneecammajoojätö’da töweiye cönä’jaacä chäwwä.

DOMAANO 10:15

¿Aaquene chäwwäiñe ätääcammajäätödö deeade’, chäwwäiñe ecammajä’nei tanontä yeichöjöönö? Edääje Wanaadi a’deddu imennaajä nä’döa: “Aashicha töweiye nai ñäädä wääma’tädö, aashichaato wätunnä ecammajä’nei, yää täncanoode’da weiñä jäcoono;” quee.