MATEO 28:3 - Wanaadi A'deddu

³ Ñäädä amoode jedö cönä’jaacä tawaane, yäncuduudu wa’cä. Tajääde’de yoomö cönä’jaacä, wadeecuje.

MATEO 28:3 ပူးပေါင်းရင်းမြစ်များ

MATEO 17:2

Yäätä töwö Jesuuquidiito anejjeja cönenwacaamai yaawä dhowaadäädäiñe. Ijeedö tawaane cönä’döi, shii wa’cä. Yoomö mmaja tajääde’de cönä’döi chea, weijotä.

MATEO 28:4

Ñäädä nontädööje suddau cöntätä’nönga’to. Yäämaajä nönge cönä’döicho yaawä.

MAADOCO 16:5

Äwa aca töwoomonga’comjäcä yäätä ääjömaanö cöneedantoicho shuucu, ämu’demjönö dö’se. Nuwaato awä cönä’jaacä, tajääde’de. Jooje cönääcatoncaicho yaawä.

MAADOCO 9:3

Yoomö weijotä cönä’döi, tajääde’de, wadeecu wa’cä, camiisha choccajä’nei nichoccadö e’jodhe’cä tajääde’de yeichö.

JUAN 20:12

Aacä amoode cöneedantoicho tajääde’dato awäiñe. Shuucu cönä’ja’to Jesuuquidiito equeejödö wei’jödö dö’tä; tooni iju’jä wei’jödö dö’se cönä’jaacä, yeichacoono i’judu wei’jödö dö’se.

DOSECHO 1:10

Töwwäiñe caju ña iichädö ene’madaawä jadheedä aacä dhanwaacomo tödö’täiñe cöneedantoicho tajääde’dato awäiñe.

APOOCADIISI 10:1

Yaawä weneeaqueene anejja amoode daja, jäduujato; caju ñanno cönä’taacä ca’dutu do’tai, jasuudi iju’jädö ejoodhe. Ijeedö weijotä cönä’jaacä, shii wa’cä. Ijoodedö cönä’jaacä wa’to emjannaajä nönge.

APOOCADIISI 18:1

Yääje mma yaawä anejja amoode daja weneeaquennea, caju ñanno yä’tädö; jooje ijäädudu cönä’jaacä. Nono cönweijaacä tönnataadö que.