MATEO 26:18 - Wanaadi A'deddu

¹⁸ Töwö cönä’döaacä: —Jataaca ojoncomo. Yäätä dhanwa mejoodöaato’de; edääje caichäcä’de chäwwä: “Yääje Owaanomaanei nä’döaanä: Cu’nädö amoinche’da nä’döi eduuwa. Noowanoomadö jadäiñe ämmai chaca wääwashinchä’se wa eduuwa Weja’dätä’jä anootoi’chädö awa;” quee caichäcä’de chäwwä; quee cönä’döaacä Jesuuquidiito tönoowanoomadö wwäiñe.

MATEO 26:18 ပူးပေါင်းရင်းမြစ်များ

MATEO 21:3

Anejja wwä adheecamma’ja’comjäcä, yääje caichäcä’de: “Ñaa edhaajä nijummaato; eduuwa mma nene’jaato dea;” quee caichäcä’de; quee cönä’döaacä Jesuuquidiito ñanno aaco’como wwäiñe.

MATEO 23:10

Cajiichaanaje mätä’täi’chede. Ñäädä mma ñäädä cajiichaana, Quidiito mma.

MATEO 23:8

“Änwanno mmaane owaanomaaneije äwäätä’täjo’se’da eichäcä, äänönge mma aweiya’como. Tooni töweiye na odhoowanoomaneichomo, ñäädä Quidiito.

MATEO 26:19

Ñoowanoomadö cönnöicho yaawä Jesuuquidiito necamma’jödö nönge. Yäätä Weja’dätä’jä anootoi’chädö awoono wääwashinchotoojo cönconeecaicho.

MATEO 26:2

—Änwanno odhoowanääcäiñe na jenammato ncadheeda yää Weja’dätä’jä anootoi’chädö jäcä tö’tajo’tojo anootoije yeichö. Yaawä öwö, Soto nnedö, wä’tuja’de cuduusa jäcä waatajoijojoodö wetä; quee cönä’döaacä Jesuuquidiito tönoowanoomadö wwäiñe.

MATEO 26:49

Jesuuquidiito döiña ñäädä Juudha cönä’döi yaawä, cönä’döaacä: —¿Eetä ja ca’ manä, Owaanomaanei? quee cönä’döaacä. Cunsuumai yaawä.

MAADOCO 5:35

Yääje Jesuuquidiito wa’deutaame ñäädä judhío we’jummato’como edai’chänei sotoi cöneejoto immai chacanno. Tönwanno cönä’döa’to Jaido wwä: —Ännedö näämai. ¿Ane’cotoojo Owaanomaanei manaaquiimadö deeade’ eduuwa? quee cönä’döa’to.

DUUCA 22:53

Anooto waadäi Wanaadi weichojo taca ajaadäiñe wei’jödö weichaame yaajojo’da töweiye mä’ja’quene. Chäänönge na, äcu’nädööcomo mädä eduuwa naadö, tööjano’tacaano jäduuje yeichojo mmaja; quee cönä’döaacä Jesuuquidiito.

JUAN 11:28

Yääje töwa’deuwö’jeje Maadata cöntäma töjiishö Madía a’dejja. Tacaade’da cöna’deuwöi chäwwä; cönä’döaacä: —Owaanomaanei nä’döi; adha’dejjaanä; quee cönä’döaacä.

JUAN 12:23

Jesuuquidiito cönä’döaacä chäwwäiñe: —Eduuwa chu’nädö aca nä’döi Soto nnedö aashichaatoje töweichö eneejotoojo.

JUAN 13:1

Tooni anooto mmädä a’que cönä’jaacä Weja’dätä’jä anooto comjedensiyai’chädö tödöötojo cu’nädö aca yä’dötoojo. Yaawä Jesuuquidiito dhowaanäcä cönä’jaacä chu’nädö aca yä’dödö Tumö döiña töötotoojo edä nono de’wonno. Yääje yeichaame töjaadoncomo jäcäiñe tötö’tajä’e dea cönä’jaacä, ñanno edä nono de’woncomo; ijummadööcomooje dea cönä’jaacä, tumjummaiñe cönä’ja’döje dea.

JUAN 17:1

Yääje töwa’deuwö’jeje Jesuuquidiito Tumö wwä cöna’deuwöi, caju ña ene’mancädä. Töwö cönä’döaacä: —Jaaja, eduuwa nä’döi chu’nädö aca. Aashicha Ännedö weichö eneejocä, aashicha mmaja aweichö eneejoiyede töwö.

JUAN 20:16

Jesuuquidiito cönä’döaacä chäwwä: —Madía; quee. Töwö Madía cönä’jedennacai; cönä’döaacä: —Dawooni; quee. Owaanomaanei, quee töwä’döse yeichö eewedeeo a’deucwe.

JUAN 7:30

Yaawä ñanno judhíocoomo Jesuuquidiito ajäi’she cönä’ja’todö’je; anaajäi’chaane cöneiya’to, chu’nädö aca ä’dö’da dea yeijäcä.

JUAN 7:6

Yaawä Jesuuquidiito cönä’döaacä chäwwäiñe: —Ä’dö’da dea na wäänejootojo cu’nädö aca; änwanno mmaane äcu’nädööcomo töweiye weneene.

JUAN 7:8

Änwannoone äjoncomo comjedensiya döe; öwö mmaane tä’da wa, ä’dö’da dea yeijäcä cu’nadö aca; quee cönä’döaacä Jesuuquidiito