MATEO 26:14 - Wanaadi A'deddu

¹⁴ Yääje mma yaawä Juudha Icaadiyoote, ñäädä amoojadooto de’wä aaco’como jimmä, cöntämä Wanaadi wwä töwa’deuwaamo edhaajotoncomo döiñaiñe.

MATEO 26:14 ပူးပေါင်းရင်းမြစ်များ

MATEO 10:4

Simón mmaja, ñäädä jäduujato wa’deuwödö; Juudha Icaadiyoote mmaja, ñäädä Jesuuquidiito u’nei’jödö.

MATEO 26:25

Yaawä Juudha, ñäädä u’nei, cönä’döaacä: —¿Öwö ca ñäädä, Owaanomaanei? Jesuuquidiito cönä’döaacä chäwwä: —Ee, amäädä mma’ne; quee cönä’döaacä.

MATEO 26:47

Yääje Jesuuquidiito wa’deutaame dea Juudha cöneejä, ñäädä amoojadooto de’wä aaco’como Jesuuquidiito nowaanomaadö jimmä. Chääjadä cönä’ja’to jooje soto, dee dha’meiñe, sauda dha’meiñe mmaja. Tönwanno cönä’ja’to Wanaadi wwä töwa’deuwaamo nanontädööcomo, inchoncomo nanontädööcomo mmaja, ñanno judhío edhaajotoncomo.

MATEO 27:3

Emaajodö wetä Jesuuquidiito adäädö eneea’jäcä Juudha wwä, ñäädä u’nei’jödö wwä, töwö cone’da cönä’döjoi yaawä. Yää tooni sotooto de’wä amoojadä jödaata cöniiñacai yaawä Wanaadi wwä töwa’deuwaamo edhaajotoncomo wwä, inchoncomo wwäiñe mmaja.

JUAN 12:4

Yaawä Jesuuquidiito nowaanomaadö cöna’deuwöi, ñäädä Juudha Icaadiyoote täätö, Simón nnedö; ñäädä dea cönä’jaacä Jesuuquidiito u’neije töweiyemö. Töwö cönä’döaacä:

JUAN 13:2

Yaawä odo’sha cönääwaacai Juudha Icaadiyoote tö’tajäätödö aca, ñäädä Simón nnedö, Jesuuquidiito utuudu jäcä chö’tamme’jodö wetä chäwwä. Jesuuquidiito dhowaanäcä cönä’jaacä Wanaadi jonno töweejö’jödö, Wanaadi döiña töötotoojo mmaja; dhowaanäcä cönä’ja’dea Tumö nutuudu töwwä tameedä o’jodhe töweichojo. Yaawä töwääwashinchädaawäiñe Jesuuquidiito cönammöi meesa dö’tonno. Töwoomö de’wono cunu’cai; tö’dhau’cwäcä jaañu que cönä’möi yaawä.

JUAN 13:26

Jesuuquidiito cöneccujä’acä: —Ñäädä uu i’jiyaajä chäwwä wu’a’dedö, ñäädä ñäädä; quee cönä’döaacä. Yaawä uu cöni’ji; cuntui yaawä Juudha Icaadiyoote wwä, ñäädä Simón nnedö wwä.

JUAN 13:30

Yaawä uu enaajö’jeje Juudha cöneeja’cai. Coijai cönä’jaacä yaawä.

JUAN 18:2

Juudha, ñäädä Jesuuquidiito u’nei, dhowaanäcä mmaja cönä’ja’dea yää natö weichojo, weiñäje yäätä Jesuuquidiito tönoowanoomadö jadäiñe töwe’jumma yei’jocoomo weijäcä.

DOSECHO 1:16

—Änwanno jimmä, jenaadä Epíiditu Santo woije Dawí cöna’deuwöi Juudha weichojo jäcä, ñäädä Jesuuquidiito ajäiñamo adääneichomo’jödö. Mädääje nä’döa Wanaadi a’deddu imennaajä jäcä. Yääje yeijäcä yää imennaajä wä’dödö nönge yeeja’do’tojo cönä’jaacä.

DOSECHO 1:18

Töwö nono cöneejemai yaawä jödaata conemjönö tönnö’jödö eje’jödö que; yää ’jeje tuju’sudiiche cöneejuccai, ijootö cönäätäncai yaawä.