Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MATEO 24:6 - Wanaadi A'deddu

6 Yaawä wänä ecaadö metaato’de, wänä jäcä ecammajäätödö mmaja. Yääje yeichaame määcatoncatäi’che. Mädääje yeeja’dä’tojo na, wataametoojojöönö mma yeichaame.

အခန်းကိုကြည့်ပါ။ ကော်ပီ




MATEO 24:6
32 ပူးပေါင်းရင်းမြစ်များ  

Yää eta’jäcä cajiichaana Edoodhe cönääcatoncai, tameedä Jeduusadén ñancomo mmaja.


Aashichaato wätunnä, yää Wanaadi töcaajichaanaije tödöödö jäcoono, nätääcammajä’a’de tameedä jata weichö wa’cä, tameedä sotoocomo netaadöcoomoje. Yaawä jeene na’de anooto wataamedö.


Yaawääne’ mädääje tödööa’jäcä öwwä, ¿aaquene mmaja yää imennaajä öwö jääcä naadö ämja’dätäädö deeade’ yaawä? quee cönä’döaacä Jesuuquidiito.


Yää shinchädö que aweichöcoomo michaana’caato’de.


Yaawä wänä ecaadö eta’jäcä äwwäiñe, wewoodoichanä jäcä mmaja, määcatoncatäi’che. Mädääje awa’de yeeja’do’tojo na, yaatameedöjöönö mma yeichaame; quee cönä’döaacä Jesuuquidiito.


Edääje wä’döa äwwäiñe, Wanaadi a’deddu imennaajä naadöje töwä’döeemöje wa, yää edääje yä’dödö naichö: “Conemjöncomo jimmäje cöne’toicho;” quee. Tameedä yää Wanaadi a’deddu öwö jääcä tömennä naadö eja’dätä’da eijai’cha na; quee cönä’döaacä Jesuuquidiito.


“Cone’da’daane eichäcä adheewanööcomo jäcä. Wanaadi ecaanö’täcä, öwö mmaja cäcaanö’täcääde.


“Öötääje täncanoode’da aweicho’como wu’a, yää öwwono. Täncanoode’da weiñä edä nono de’wono nöngemjönö wu’a äwwäiñe. Cone’da’daane eichäcä adheewanööcomo jäcä; tösaade’da mmaja eichäcääde.


Ä’sadiijannä’cajo’da eichäcä chäänönge ätö’tajäätödööcomo jonno; atansu’däjo’da mmaja eichäcääde. Ätääcatoncajo’da mmaja eichäcä’de anejjacoomo wwä, edääje yä’döa’comjäcä: “Cajiichaana Jesuuquidiito weejödö tö mädä;” ca’jäcä. Wanaadi woije yääje chäwwäiñe ecammajäätödö yeiyaatäi maneecanö’täi’che. Ñaa nimennädööjatooje e’taajä jajeeda äwwadäädäiñe adääjaajä yääje mmaja yä’döa’jäcä, maneecanö’täi’chede.


Anejja cawaayu cöneeja’cai yaawä, seweiche daja. Ñäädä ye’wono wwä u’ajä cönä’jaacä soto wänä’tojooto’como, yeewänä’tädööcomo wetä töwwäädäiñe. Chäwwä cönä’tui sauda adai’joto.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ