MATEO 22:31 - Wanaadi A'deddu

³¹ ¿Töwäämaajo jonno waadoncanä jäcä Wanaadi wa’deuwödö imennaajä ana’de’tä’da ca meiya’quene? Töwö Wanaadi cönä’döaacä:

MATEO 22:31 ပူးပေါင်းရင်းမြစ်များ

MATEO 21:16

cönä’döa’to Jesuuquidiito wwä: —¿Näätaanä jönca äwwä canno wa’deuwödööcomo? quee cönä’döa’to. Jesuuquidiito cönä’döaacä: —Ee, wetaanä. ¿Mädä jäcä imennaajä wä’dödö ana’de’tä’da ca meiya’quene? Edääje nä’döa yää imennaajä: Amäädä aashicha yeecanta’ñoto’como mu’ne mudeeshi’chä wwäiñe, shemeiña’como’cä wwäiñe; quee imennaajä wä’dödö na; quee cönä’döaacä Jesuuquidiito judhío owaanomannamo wwäiñe.

MATEO 12:3

Jesuuquidiito cönä’döaacä chäwwäiñe: —¿Ana’de’tä’da ca meiya’quene Dawí nödö’jödö ämiije töweichö, chääjadoncomo mmaja?

MATEO 21:42

Yaawä Jesuuquidiito cönä’döaacä chäwwäiñe: —¿Ana’de’tä’da ca meiya’quene Wanaadi a’deddu imennaajä? Edääje nä’döa: Yää täju, maa amännamo cönquiiñemeecöichodö, anno’tojooje na eduuwa. Cädhaajotoncomo mädääje cönnöi; aashicha cöwwäiñe chö’tadö na; quee imennaajä wä’dödö na.

MATEO 12:7

Wanaadi a’deddu imennaajä yääje nä’döa: “Wentumje äneetä weiñä tujunne na öwwä; saaquidiijiisiyo tödöödö tujunne’da mma;” quee nä’döa imennajä. Yää imennaajä odhoowanääcäiñe’da töneeta määnetääne. Odhoowanääcäiñe ei’jo mmaane chäänöngemjöncomooje ane’tä’da meichädö chäänönga’como.

MATEO 9:13

Edä Wanaadi a’deddu imennaajä chö’tamme’täcä: “Wentumje äneetä weiñä tujunne na öwwä, saaquidiijiisiyo tödöödö tujunne’da mma;” quee naadö. Chäänönga’como a’dejja’da we’ne, conemjöncomoone, tötö’tajäätödööcomo sha’duminchaiyeto; quee cönä’döaacä Jesuuquidiito.

MATEO 22:30

Töwäämaajo jonno waadoncanaawä ijööta’da naato’de yaawä, tönnacontoncomo aniiñonoojo’da mmaja. Amoode caju ñancomo nönge mma naato’de yaawä.

MATEO 22:32

“Öwö ñäädä Aawadán Wanaadiyö, Isaaca Wanaadiyö mmaja, Jacoowo Wanaadiyö mmaja;” quee cönä’döaacä Wanaadi. Ñanno Aawadán töwä’jajo’jocoomo weichaame nudä naato. Dha’da ei’jo Wanaadi chäädhajootoncomooje ätä’tä’da eichöne’; quee cönä’döaacä Jesuuquidiito saadhuseeo wwäiñe.