MATEO 22:16 - Wanaadi A'deddu

¹⁶ Tönwanno jaadiseeo tönoowanoomadö cönenno’jaicho yaawä Jesuuquidiito döiña, Edoodhe sotoi jadäiñe. Ñanno cönä’döa’to Jesuuquidiito wwä: —Owaanomaanei, ñaa owaanäcä na chäänöngatooje aweichö, Wanaadi a’deddu jäcä chäänönge tönoowanooma aweichö mmaja. Ooto’jodhe soto ännö’da ma amäädä, ye’wono woije mma anemmenca’da aweijäcä.

MATEO 22:16 ပူးပေါင်းရင်းမြစ်များ

MATEO 22:24

—Owaanomaanei, Moisé yääje cönä’döaacä: “Dhanwa enneca’da yääma’jäcä, dhacoonomjödö ijiiñamomjödö dö’tä ä’döjai ña yaawä, töweichacoono atöödö tödöödö wetä:” quee cönä’döaacä Moisé.

MATEO 22:26

Chäänönge mmaja dhacoonomjödö; yääje mmaja aaduwaawoto, dhacontoncomo yääje mmaja. Tameedä ñanno aacä amoojato’como ñäädä wodi jadä cönä’ja’to.

MATEO 26:18

Töwö cönä’döaacä: —Jataaca ojoncomo. Yäätä dhanwa mejoodöaato’de; edääje caichäcä’de chäwwä: “Yääje Owaanomaanei nä’döaanä: Cu’nädö amoinche’da nä’döi eduuwa. Noowanoomadö jadäiñe ämmai chaca wääwashinchä’se wa eduuwa Weja’dätä’jä anootoi’chädö awa;” quee caichäcä’de chäwwä; quee cönä’döaacä Jesuuquidiito tönoowanoomadö wwäiñe.

MATEO 26:49

Jesuuquidiito döiña ñäädä Juudha cönä’döi yaawä, cönä’döaacä: —¿Eetä ja ca’ manä, Owaanomaanei? quee cönä’döaacä. Cunsuumai yaawä.

MAADOCO 10:17

Yäätonno yääma’tädaawä dhanwa cöneeca’tömöi Jesuuquidiito wwadäädä. Tä’mudhe cönä’döi ije’taca; cöneecamma’joi: —Owaanomaanei aashichaato, ¿ane’cäämö tödööjai wanä weichö töwaatamemjönö chaana’catoojoje? quee cönä’döaacä.

MAADOCO 12:13

Yääje mma yaawä ñanno jaadiseeo tösootoichomo cönenno’jaicho Jesuuquidiito döiña, Edoodhe sotoi jadäiñe. Tönwanno cone’da Jesuuquidiito a’deudeme’jo’se cönä’ja’to, chääjäcä cone’da töwa’deuwödööcomo wetä yaawä.

MAADOCO 12:14

Jesuuquidiito döiña töwä’döa’comjäcä ñanno cönä’döa’to chäwwä: —Owaanomaanei, ñaa owaanäcä chäänöngatooje aweichö. Ooto’jodhe soto ännö’da ma amäädä, ye’wono woije mma anemmenca’da aweijäcä. Wanaadi a’deddu jäcä chäänönge tönoowanooma amäädä. Edääje adheecamma’jo’se ñaa na: ¿Aashicha eijai ñai jödaata utuudu acu’shänä wwä, cone’daane? ¿Aaquene eijai ñai, tu’e, tu’e’daane? quee cönä’döa’to Jesuuquidiito wwä.

MAADOCO 3:6

Yaawä ñanno jaadiseeo cöneeja’caicho. Tönwanno cöna’deuwa’to yaawä Edoodhe sotoi jadäiñe Jesuuquidiito emaatojo jäcä.

MAADOCO 8:15

Yaawä Jesuuquidiito cönä’döaacä chäwwäiñe: —Odhoowadäädäiñe eichäcä, äädai’chätääcä jaadiseeo nummannä’cato’como jäcä, Edoodhe nummannä’catoojo jäcä mmaja; quee cönä’döaacä.

DUUCA 20:21

Ñanno Jesuuquidiito cöneecamma’joicho: —Owaanomaanei, ñaa owaanäcä chäänönge awa’deuwödö weichö, chäänönge onoowanoomadö weichö mmaja. Ye’wono woije mma anemmenca’da amäädä. Chäänöngeene Wanaadi a’deddu que tönoowanooma määnene.

DUUCA 7:40

Yaawä Jesuuquidiito cönä’döaacä jaadiseeo wwä: —Simón, she’caasa wa’deuwö’se wa äwwä; quee cönä’döaacä. —Adha’deucä, Owaanomaanei; quee cönä’döaacä ñäädä jaadiseeo.

JUAN 14:6

Jesuuquidiito cönä’döaacä chäwwä: —Öwö ñäädä ääma neene, chäänöngato a’deu mmaja, do’ta edhaajä mmaja. Jaaja wwadäädä täjai’cha weiñä na; öwö joi mma täjai.

JUAN 18:37

Yaawä Pidaato cönä’döaacä chäwwä: —¿Cajiichaana ca amäädä, yääje yeiya’jäcä? Jesuuquidiito cöneccujä’acä: —Ee, cajiichaana öwö, mecammaadöje. Mädääjatooje yennune; edä nono de’cäi we’ne a’deu chäänöngato ecammajä’neije. Tameedä ñanno a’deu chäänöngato woija’como ya’deddu töneeta weneeneto; quee cönä’döaacä Jesuuquidiito.

JUAN 7:18

Ñäädä töjääcono wa’deuwödö töwö mma aashichaatoje nätä’ta. Tanontänei’jödö jäcoono wa’deuwödö mmaane chäänöngato ñäädä; ätäncu’tä’da töwö.

2 CODINTIYO 2:17

Töwäätätöijatoojoje Wanaadi a’deddu ännö’da ñaa na; oncone’ma’da mmaja, anejjacoomo tönnöe weneenetoodöje’da. Chäänönge töweichö queene Wanaadi a’deddu töneecammajä’e ñaa weneene, Wanaadi nanontä’jödö woije, Wanaadi owaadäädä mmaja, Quidiito jadoonoje ñaa weijäcä.

2 CODINTIYO 4:2

Tameedä chäänönge’da weiñä töjo’ma na ñaa wwä, yääjönö wa’cä wäänejoonä mmaja. Ätäncu’tä’da mmaja ñaa na dea, Wanaadi a’deddu äncamjiyaaca’da mmaja. Chäänöngato mmaane töneecammajä’e ñaa weneene. Mädääje täcaadö tönnöe ñaa weneene Wanaadi owaadäädä; tameedä soto ñaa weichö chö’tammecöiyeto yaawä.

2 CODINTIYO 5:16

Yääje yeijäcä yäänedö que mma soto aneene’ma’da ñaa weneene. Jenaadä Quidiito yäänedö que mma töneene’ma ñaa cönä’ja’dö’je; yääje’daane eduuwa.

CAADATA 1:10

¿Änääcö ca wiya’daanä mädääje wä’dödö que, soto ’ja, Wanaadiiñe? ¿Soto a’cwaima’seiñe ca wäänene? Soto a’cwaimaneichomooje wei’jo mmaane Jesuuquidiito anoonöje’da weichö.

CAADATA 2:6

Ñanno täneejuca’comooje cönä’ja’todö tönnöe wääneneedö de’wä anejjeja ännöjo’da cöneiya’to öwwä. Täneejuca’comooje yeichöcoomo yöödö’da cönä’jaacä; yäänedö jäcä’da Wanaadi nemmencadö.

1 TEESADOONISENSE 2:4

Wanaadi chea chäänönge ñaa edantäne, ñaa anontäne yaawä aashichaato wätunnä ecammajä’e. Yääje yeijäcä mädääje töneecammajä’e ñaa weneene. Sotoojönööne a’cwaima’se ñaa na, Wanaadiiñe, näädä cötö’tajäätödööcomo emmencanei.

SANTIYAACO 3:17

Dha’daane ñäädä caju ñano sejje ’jano. Masuuduije’da töwö, ätäuwö’da mmaja, aashicha soto tönnöe mmaja, soto jäcäiñe ta’cwaiñe mmaja, töweichacoono wa’deuwödö eta’se’da’da mmaja, wentumje äneetä mmaja, aashichaato tönnöe mmaja, ätäncu’tä’da mmaja. Yääjönö wa’cä äänejo’da mmaja na dea ñäädä caju ñano sejje ’jano.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.