MATEO 22:13 - Wanaadi A'deddu

¹³ Yääje mma yaawä ñäädä cajiichaana cönä’döaacä tösootoi wwäiñe: “Dhajäädö jäcä imööjä’täcä, ijoodedö jäcä mmaja; tööjano’taca emaatäcä. Iiña naamoa’de; jooje cone’da na’de;” quee cönä’döaacä.

MATEO 22:13 ပူးပေါင်းရင်းမြစ်များ

MATEO 12:29

“ ¿Aaquene anejja omoomödööde’ jäduujato mmai chaca inshomaadö que enwajiña, imööjätöödö’jo’da mmädä? Imööjätöödö’jode inshomaadö adääjai ña.

MATEO 13:30

Mädääje naatö’näjö’ñojo a’nädä, aiyodö cu’nädö aca yä’dödö wa’cä. Yaawä yää chuu wiñaaja’de sootoi wwäiñe. Chäwwäiñe i’jummajoodö’jo wiyau’cwaja’de yaawä. Äiña mmaane wishomaja’de ömmai chaca, taawa de’wä;” quee cönä’döaacä chäädhäjootoncomo; quee cönä’döaacä Jesuuquidiito.

MATEO 13:42

Wa’to nwaca nöja’aato’de. Iiña tönwanno naamoaato’de; cone’da naato’de jooje.

MATEO 13:50

Wa’to nwaca nöja’aato’de yaawä ñanno conemjöncomo. Iiña tönwanno naamoaato’de; cone’da naato’de jooje; quee cönä’döaacä Jesuuquidiito tönoowanoomadö wwäiñe.

MATEO 24:51

Ñäädä chäädhajä nimaamincha’de yaawä jooje. Yääjönö wa’co’como wäänejoodö weichö’como aca nödööa’de. Iiña naamoa’de; jooje cone’da töwö na’de.

MATEO 25:30

Mä’dä dhanwa conemjönö ija’canö’jotääcä jödo’na, tööjano’taca. Iiña naamoa’de; jooje cone’da töwö na’de;” quee cönä’döaacä chäädhajä.

MATEO 8:12

Ñanno Wanaadi sotoije eijai’chomo’jödö mmaane jödo’na nätäämajaato’de tööjano’taca. Iiña naamoaato’de; jooje cone’da naato’de; quee cönä’döaacä Jesuuquidiito töjaadoncomo wwäiñe.

DUUCA 13:28

Iiña maamoaato’de; jooje cone’da maato’de, äwwäiñe eneea’jäcä Aawadán, Isaaca mmaja, Jacoowo mmaja, tameedä Wanaadi wa’deuwödö ecammannamo’jödö mmaja töcaajichaanaichomo Wanaadi jataawä, jödo’na änwanno aweichaameiñe.

JUAN 21:18

Chäänönge yääje wä’döa äwwä, mude’cäje aweichö töwääma’tä mä’jaaquene ämjummadö woije äätädö wetä. Inchomje äwä’döa’jäcä mmaane maajäsaaca’de, anejjaane adheema’täneije na’de; ämjummadö woije’da adhaadäa’de; quee cönä’döaacä Jesuuquidiito Peedhodo wwä.

DOSECHO 21:11

Töwö cöneejä ñaa ene. Yaawä töwö cunu’cai Paudo ’dha’cäcoono. Yää que tu’judu cömmöi, tamäädö mmaja. Yaawä töwö cönä’döaacä: —Epíiditu Santo yääje nä’döa: Edääje judhíocoomo Jeduusadén ñancomo nimööaato’de edä cudeiya edhaajä; anejjacoomo soto wwäiñe nu’aato’de yaawä; quee cönä’döaacä Aacawo Paudo jäcä.

DOSECHO 7:54

Yääje ya’deuwödö eta’jäcä chäwwäiñe, ñanno cajiichaanacoomo, Wanaadi wwä töwa’deuwaamo mmaja, cönäätömaicho yaawä; jooje cone’da cönä’ja’to Eteewa jäcä.

2 TEESADOONISENSE 1:9

Ñanno nätä’maminchajaato’de yeichöödäje töwännanö’e töweicho’como que; Jesuuquidiito jadä’da naato’de. Tönwanno aneene’da naato’de Quidiito nnataadö, ijäädudu mmaja,

2 PEEDHODO 2:17

Ñanno yääja’como naato tuna judu sede’taajä töweiye naichöje, ca’dutu jejeichä nemannäjöödö töweiye naichö nönge mmaja. Tönwanno yeicho’comooje tödööajä na tööjato.

2 PEEDHODO 2:4

Conemjönö tödööa’jäcä Wanaadi amoodedö wwäiñe töwö Wanaadi aneewanaaca’daiñe cöneiyacä; wa’to nwaca cönenno’jaicho. Jedeesoje cönnöicho tööjano’taca, cadheena que tömööjä’e, yäätä töwäätä’maminchajooto’como cu’nädö womoocödö wetä.

JUUDHA 1:13

Tuna madaatacai joojato töweiye naichöje naato; dha’donö nönge yää conemjönö iiñödööcomo. Shidiichä sadiijanga’como töweiye naichöje mmaja naato dea. Yeichöödäje yeicho’comooje tödööajä na tööjato.

JUUDHA 1:6

Ñanno Wanaadi amoodedö töweicho’como cho’nanoojöncomo’jödö töjaatadööcomo caju ñano cöne’nomjaicho. Eduuwa tönwanno Wanaadi woije dea tööjano’taca jedeesoje naato, yeichöje, cadheena que tömööjä’eiñe, wätä’maminchajootojo anootoi’chädö aca tödööene.

APOOCADIISI 21:27

Conemjönö ataamonno’jo’da na’de yää jataaca yeichöje. Omoomö’da naato’de nossaja’como tö’tajäätödö, äncu’tännamo mmaja. Ñanno mmaane nomongaato’de, chäätöcoomo töweiya’como Oweeja nnedö’cä jajeedai jäcä, yää weichojo jajeedai’chädö jäcä.