MATEO 20:7 - Wanaadi A'deddu

⁷ Ñanno cönä’döa’to yaawä: “Ñaa anontänei ’je yeichöjöönö;” quee. Yääje mma yaawä ñäädä dhanwa cönä’döaacä: “Änwanno mmaja ojoncomoode naudä’jödö aca. Chäänönge maneejemaato’de yaawä;” quee cönä’döaacä.

MATEO 20:7 ပူးပေါင်းရင်းမြစ်များ

MATEO 20:1

“Wanaadi cajiichaanaje yeichö na edä nono de’wono tönaudäcaato töweiye naichöje. Yaawaanadaawä ñäädä cöntämä tönaudä’jödö awä töweetadaawa’cajaamo wetä.

MATEO 20:6

Cho’momöödawä cöntännea jata antaca mmaja; anejjacoomo cöneedantoicho tötaadawaajuichemjöncomo. Töwö cönä’döaacä chäwwäiñe: “ ¿Ane’que’nei ano ñadäädä eetä maato etaadawa’cajo’da?”

MATEO 20:8

Chööjanga’jäcä yaawä audaajä edhaajä cönä’döaacä tötaadawaajui döjoonei wwä: “Tadaawaaju dönnamo a’dejjacooto, mejeemaiyeto chaadawaajuichomo’jödö. Möcääcä’ja’como wääwaaca’jocoomo ejeemacooto awa’de, yää ’jeje awa’de’como waajänto’jocoomo;” quee cönä’döaacä.

JUAN 9:4

Öwö tödööjai wa yaanontänei’jödö tadaawaajui ano naadawäädä; coijaicho ne’a wetaadawa’cajooto’jönö.

DOSECHO 4:16

Edääje cönä’döa’to: —¿Aaquene canno dhanwaacomo tödööemje naicho? Tameedä Jeduusadén ñancomo wwä tacaade na yää aashichaato iiñö’jocoomo; ijoome’däjai’cha caato.

DOMAANO 16:25

Aashicha wa’deutojooje Wanaadi ña; töwö äjäädu’täjaiñe na aashichaato wätunnä töneecammajä’e wääneneedö que, Jesuuquidiito ecammajäätödö que mmaja, yää edä nono tödö’jödö jonnoto’jödöödä owaanäcä’da cönä’ja’dö.

EUJEESIYO 6:8

Änwanno odhoowanääcäiñe na soto waadäi Cajiichaana Jesuuquidiito wwä ejeemato’como aashichaato iiñö’jödö woije, tädhaajäcaato, tädhaajäquemjönö mmaja.

CODOOSENSE 1:26

ecaademeecödö wetä mmaja yää owaanojöönö’jödö, yaajäntä’jödö jonnoto’jödöödä tacaade’da töweiye cönä’ja’dö. Eduuwaane töwö Wanaadi yää owaanojöönö’jödö cöneecadeeme’joi tösootoi wwäiñe.

EEWEDEO 6:10

Chäänöngato ñäädä Wanaadi; ataadawaajuichomo’jödö aneenejäätö’da’da töwö na. Äwwäiñe tujummadö jäcäinchädä quedeiyentecoomo ’wa’to’jocoomo mmaja aneenejäätö’da’da na dea töwö, mädä tönnöe määnetäänedö.