MATEO 2:17 - Wanaadi A'deddu

¹⁷ Mädääje Jeedemía nimennä’jödö nönge cönä’döi, ñäädä Wanaadi wa’deuwödö ecammanei. Edääje töwö cömmennäi:

MATEO 2:17 ပူးပေါင်းရင်းမြစ်များ

MATEO 2:15

Iiña cönä’ja’to Edoodhe wäämadö wa’cä. Yää cöneeja’dätäi Cajiichaana a’deddu nönge yeichö wetä, yää töwa’deuwödö ecammanei wwä cöneecammajoichö: “Önnedö wa’dejjane, Ejiito ñanno yeejödö wetä”; quee.

MATEO 2:16

Yaawä, ñanno jöwaiñamo wwäiñe täncu’tä’jödö towaanäcä yä’döa’jäcä, Edoodhe cönäätömai jooje. Tameedä mudeeshi’chä Wedén ñancomo töjaajodööcomo cönaanontäi yaawä, Wedén ñano jäcä amoinchemjöncomo mmaja. Dhanwaacomo’cä dea mma cömja’ja’to, yeenötoncomo enaawoncomo dea mma, aacä weduuto jona tödööene, mädä ’cäwa’cä numa yeichö ecamma’jödö weijäcä jöwaiñamo wwäiñe awa’deene töwwäiñe shidiichä ene’jödö.

MATEO 2:18

Waamonä cönäätaacä Adaama ña, joojato. Wodiiñamo iisadaaediitacoomo cönaamoa’to tönnacoomo junnei. Ä’wa’dojoo’jai’cha cönä’ja’to, yä’jajo’jocoomo weijäcä; quee Jeedemía cömmennäi.

MATEO 27:9

Mädääje chäänönge cönä’döi Jeedemía nimennä’jödö, ñäädä Wanaadi wa’deuwödö ecammanei. Edääje Jeedemía cömmennäi: “Yää tooni sotooto de’wä amoojadä jödaata cöneicho; yää cönä’jaacä soto täje yeichö iisadaaediitacoomo necamma’jocoomo.