MATEO 18:14 - Wanaadi A'deddu

¹⁴ Mädääje dea Oomotoncomo caju ñano tooni yännamjö’se’da na canno’cä.

MATEO 18:14 ပူးပေါင်းရင်းမြစ်များ

2 PEEDHODO 3:9

Töwö Cajiichaana encwainchejö’da na töwääcamma’jödö jäcä, anejjacoomo yencwainchejöödö töneecamma weneenetoodöje’da. Wentumje cäne’madööcomo mädä chäwwä, tooni’chä yännamjö’se’da töweijäcä, tameedäädääne tötö’tajäätödööcomo sha’dumincha’se.

JUAN 17:12

Chääjadäiñe edä nono de’wä weichö amäädä äjäädudu que töneedai’chäiñe wä’jaaquento canno öwwä mu’netoodö. Tooni’chä ännamjo’da na; ñäädä mma cönännamjöi, töwännanö’emööje cönä’ja’dö mma, adha’deddu imennaajä wä’dödö nönge yeichö wetä.

JUAN 21:15

Yaawä töwääwashincha’comjäcä Jesuuquidiito cönä’döaacä Simón Peedhodo wwä: —Simón, Joná nnedö, ¿cujummaanä amäädä canno e’jodhe’cä? Peedhodo cönä’döaacä: —Ee, Cajiichaana, odhoowanääcä ajummatä weichö; quee. Jesuuquidiito cönä’döaacä chäwwä: —Yääje yeiya’jäcä sootoi ewanshinchocooto’de, ñanno oweeja nnacoomo’cä nönga’como; quee.

EEWEDEO 12:13

sha’duminchatääcä adheemadööcomo. Yaawä ye’tomongajä e’tomoncajai ña, yäätonno e’tomoomö’da yeichö wetä.

2 TIIMOTEO 2:10

Yääje yeijäcä tameedä tönshinchä wäänene ñanno Wanaadi neichö jäcäinchädäiñe, tönwanno mmaja yeichöödoto wääwanaacatoojo ejoodöiyetoode, yää aashichaato, Jesuuquidiito jadä weiñä naadö.

DUUCA 12:32

“Tösaade’daane eichäcä, änwanno sootoi, oweeja nönga’como. Wanna’da aweichaameiñe Oomotoncomo acaajichaanaichomooje na.

MATEO 6:32

Yää nöngato jäcä töwäätancano’tä weneeneto ñanno Wanaadi dhowaanojöncomo. Dha’da änwanno; töweiye Oomotoncomo caju ñano. Töwö dhowaanäcä tameedä yääcomo äwwäiñe tujunne yeichö.

MATEO 6:9

Edääjeene Wanaadi wwä adha’deutäcä’de: Jaaja caju ñano, Töwaanadiiyöcoomoje adhe’tä’ña’to soto;

MATEO 5:16

Mädääje mmaja soto yeijojai maato änwanno, aashichaato tödöödö äwwäiñe eneiyeto, aashicha a’deuwöiyeto yaawä Oomotoncomo caju ñano jäcä.

MATEO 18:13

Töwwä edanta’jäcä na’cwaincha yaawä ñäädä oweeja’cä jäcä, ñanno ijimmä shaadijamjöncomo’jödö jäcäiñe ta’cwaiñe töweichö e’jodhe’cä.

MATEO 18:15

“Äjääcä conemjönö tödööa’jäcä aweichacoono wwä, chäwwäädä adha’deucwä choone’nadiiyö jäcä, äjääcäjeeneiñe aweichawäiñe. Aashicha eta’jäcä chäwwä, ecoonecaajai maato yaawä dhacä.