11 Soto nnedö cöneejä yännanö’ajä ewaanaca.
Iisadaaediitacoomo döiñaiñeene ojoncomo. Tönwanno naato oweeja yännanö’a’como nönge.
Yääje mma yaawä töwö Jesuuquidiito cönä’döaacä: —Oweeja sadiijanga’como jäcäinchädäiñe Wanaadi yaanontäne, ñanno iisadaaediitacoomo mma; quee cönä’döaacä Jesuuquidiito tönoowanoomadö wwäiñe.
“ ¿Aaquene nichö’taanä äwwäiñe? Dhanwa ecöntomo ijaatoodea soto oweeja weiya’comjäcä, tooni shaadijanga’jäcä, ¿anuuji’cha ca eijai ñai yaawä? Ñanno ijimmä töwö ñämjai ña jöö de’wä, ñäädä shaadijangajä ujiiye töötädö wetä.
Yääje yä’dödööcomo eta’jäcä töwwä Jesuuquidiito cönä’döaacä chäwwäiñe, —Cädäijemjönö täjiichö’tänei ämjumma’da töweiye nai; cädäijato mmaane tumjumma.
Määdhä önnedö yäämaajä wa’cä cönä’jaacä; eduuwa cöjaadäiñe na. Tösaadijange cönä’ja’dea, eduuwa näädantojoi;” quee cönä’döaacä yuumö. Tönwanno töwääwashinchädööcomo cönaajäntoicho yaawä; jooje ta’cwaiñe cönä’ja’to.
Eduuwa chäänönge ta’cwaiñe cääwashinchaato, määdhä adhaacono yäämaajä wa’cä cönä’ja’dö cöjoodö’jocoomo weijäcä. Töwö tösaadijange cönä’jaacä, eduuwa näädantojoi;” quee cönä’döaacä yuumö tönnedö wwä; quee cönä’döaacä Jesuuquidiito.
Soto nnedö cöneejä yännanö’a’como jäcäinchädäiñe, ewaanacaiñe mmaja; quee cönä’döaacä Jesuuquidiito.
Öwö, Soto nnedö, we’ne soto töja’eiñe’da, ewaanacaiñeene; quee cönä’döaacä. Yää ’jeje tönwanno cöntonto anejja jataaca.
“Tämeenato ne’a ememme’que mma, ema mmaja, imaaminchaiñe mmaja; öwö mmaane we’ne chäwwäiñe yeicho’como töweiye yeichö wetä töwä’caamöje’da.
Ñäädä ya’deddu etaataame ännöjöönö, öwwä’daane nätämmencaja’de; öwö we’ne edä nono de’woncomo emmencaiñe’da, ewaanacaiñeene.
Wanaadi Tönnedö cönaanontäi edä nono de’cäi tameedä soto ennanö’caiñe’da, ewaanacaiñeene.
Chäänöngato edä wecammaadö, täcaanö’emje mmaja: Jesuuquidiito cöneejä edä nono de’cäi conemjöncomo ewaanacaiñe, öwö waadö, tameedä cho’jodha’como’cä jaiñoone.
