MATEO 17:2 - Wanaadi A'deddu

² Yäätä töwö Jesuuquidiito anejjeja cönenwacaamai yaawä dhowaadäädäiñe. Ijeedö tawaane cönä’döi, shii wa’cä. Yoomö mmaja tajääde’de cönä’döi chea, weijotä.

MATEO 17:2 ပူးပေါင်းရင်းမြစ်များ

MATEO 17:1

Tooni amoojato anoototo ai Jesuuquidiito töjaadä cönaadäi Peedhodo, Jacoowo mmaja, dhacoono Juan mmaja; töjääcäjeeneiñe cöntonto jöö cawooto de’cäi.

MATEO 17:3

Yaawä Jesuuquidiito nowaanomaadö owaadäädäiñe cönäänejoicho Moisé, Edía mmaja; Jesuuquidiito jadä cöna’deujä’a’to.

MATEO 28:3

Ñäädä amoode jedö cönä’jaacä tawaane, yäncuduudu wa’cä. Tajääde’de yoomö cönä’jaacä, wadeecuje.

MAADOCO 9:3

Yoomö weijotä cönä’döi, tajääde’de, wadeecu wa’cä, camiisha choccajä’nei nichoccadö e’jodhe’cä tajääde’de yeichö.

DUUCA 9:29

Wanaadi wwä töwa’deuwödaawä, Jesuuquidiito jedö cönenwacaamai yaawä anejjeja. Yoomö mmaja cönenwacaamai chea tajääde’de, weijotä.

JUAN 1:14

Ñäädä A’deu sotooje cönä’döi. Töwö cöneejata’täi ñaa antawä. Aashichaato cönä’jaacä töwö, chäänöngato mmaja. Ñaa cöneeneaacä aashicha yeichö, yää yäätonno ’jemjönö Yuumö nnedö wwä töweiye naichö.

JUAN 17:24

“Jaaja, canno öwwä mu’netoodö öwö weichojo dö’tä mmaja yei’sheiñe waato, o’jodhe weichö eneiyeto yaawä, yää äwwä jummadö weijäcä öwwä mu’nedö edä nono tödöödö owaajodä.

DOMAANO 12:2

Edä nono de’wono woije’da eichäcä; tösa’duminchaane ätö’tajäätödööcomo sha’duminchatääcä, aweichöcoomo mmaja esa’duminchaiyede yaawä. Yaawä Wanaadi woijato odhoowanääcäiñe ä’döjai ña, töwö yaacötö mmaja, yää aashichaato, chäänöngato mmaja.

APOOCADIISI 10:1

Yaawä weneeaqueene anejja amoode daja, jäduujato; caju ñanno cönä’taacä ca’dutu do’tai, jasuudi iju’jädö ejoodhe. Ijeedö weijotä cönä’jaacä, shii wa’cä. Ijoodedö cönä’jaacä wa’to emjannaajä nönge.

APOOCADIISI 20:11

Yaawä weneeaqueene mude adai’joto, tajääde’dato. Ñäädä ye’wä shuucu cönä’ja’dö jonno cönännamjöi nono, caju mmaja; nono weichojo ’je’da cönä’jaacä yaawä, caju weichojo ’je’da mmaja.