MATEO 16:6 - Wanaadi A'deddu

⁶ Yaawä Jesuuquidiito cönä’döaacä chäwwäiñe: —Odhoowadäädaiñe eichäcä; äädäi’chätääcä jaadiseeo nummannä’cato’como jäcä, saadhuseeo nummannä’cato’como jäcä mmaja; quee cönä’döaacä.

MATEO 16:6 ပူးပေါင်းရင်းမြစ်များ

MATEO 16:1

Yääje mma yaawä jaadiseeocoomo, saadhuseeocoomo mmaja, cöneejoto Jesuuquidiito döiña. Tönwanno oneejadööje mmädä ene’ju’tojo cönnöja’to chäwwä, caju ñanooje töwäänejootojooje.

MATEO 16:11

¿Aaquene äntö’tammecö’da mä’jaato uu jäcä’da wa’deuwödö yeichö yääje wä’döannawä: “Äädai’chätääcä jaadiseeo nummannä’cato’como jäcä, saadhuseeo nummannä’cato’como jäcä mmaja,” quee wä’döannawä? quee cönä’döaacä Jesuuquidiito tönoowanoomadö wwäiñe.

MATEO 16:12

Yaawä tönwanno cöntö’tammecöicho uu jäcä’da Jesuuquidiito wa’deuwödö, jaadiseeo nowaanomaadöcoomo jäcääne, saadhuseeo nowaanomaadöcoomo jäcä mmaja.

MATEO 16:5

Mänsemjona Jesuuquidiito nowaanomaadö wöta’comjäcä, tuduucomo adäädö jäcä cöntö’taqueejöicho.

MATEO 16:7

Yaawä ñoowanoomadö tönwannoje dea cönä’döa’to: —Töwö mädääje nä’döa cuduucomo ännejö’da cöwei’jocoomo weijäcä; quee.

MATEO 3:7

Yaawä töwwä wautisaaje ä’döjo jooje jaadiseeo weejödööcomo eneea’jäcä Juan wwä, jooje saadhuseeo mmaja, töwö cönä’döaacä chäwwäiñe: —Äcääyu nönga’como änwanno. ¿Änääcö äwäätuujatääne awääwanaacadööcomo wetä conemjönö weejödö owaajo?

MAADOCO 8:15

Yaawä Jesuuquidiito cönä’döaacä chäwwäiñe: —Odhoowadäädäiñe eichäcä, äädai’chätääcä jaadiseeo nummannä’cato’como jäcä, Edoodhe nummannä’catoojo jäcä mmaja; quee cönä’döaacä.

DUUCA 12:1

Yaawä jooje soto cöne’jummaicho yäätä, ime’cu’tädö e’jodhe, töwaatadiimajä’eene. Jesuuquidiito cönaajäntäi yaawä ñanno soto netaadöcoomoje töwa’deuwödö tönoowanoomadö wwäiñe. Töwö cönä’döaacä: —Äädai’chätääcä jaadiseeo nummannä’cato’como jäcä, yää yääjönö wa’cä töwäänejo weiñä.

DUUCA 12:15

Edääje mmaja Jesuuquidiito cönä’döa’dea: —Odhoowadäädäiñe eichäcä. Äädai’chätääcä tönsomaaque töwei’she weiña jäcä. Töweichö eneetojoojönö yää tönsomaaque weiñä; quee cönä’döaacä.

JUAN 4:33

Yaawä ñoowanoomadö cönä’döa’to tönwannoje dea: —¿Anejja’da chääwanshiñö nutui? quee.

CAADATA 5:9

Ätö’taque’täi’che she’caasa ummannä’cajootojo yeichaame tameedä tunummannä’ca yeichö.