MATEO 16:18 - Wanaadi A'deddu

¹⁸ Äwwä yääje wä’döa, Peedhodo amäädä, “täju”, quee töwä’döse yeichö. Amäädä anöngato dea sootoije wödööaato’de, täju de’wä maa amäädö töweiye naichöje. Wäämanä wwä oto’jodheinchajo’da naato’de tönwanno.

MATEO 16:18 ပူးပေါင်းရင်းမြစ်များ

MATEO 10:2

Edä yää ñanno amoojadooto de’wä aaco’como anonta’como eetöcoomo: Awa’de Simón, Peedhodooje mmaja töwö chäätö; yää ’jeje dhacoono Antedé; yää ’jeje Jacoowo, ñäädä Seewedheeo nnedö; dhacoono Juan mmaja;

MATEO 11:23

Änwanno Cajeedamu ñancomo, ¿o’jodha’como wa’cä määcanö’ato? Yä’ja’a’como weicho’como ña dajaane mataadojootantäi. Yää aneenedööcomooje täneemö wödöönedö Sodhooma ña wännö’jo, ä’jajo’da eichö cöneiya’to eduuwa naadö jona tödööene.

MATEO 18:17

Ñanno a’deddu aneeta’da dea yeiya’jäcä mmaja, Wanaadi sotoi wwäiñe ecammatääcä’de yaawä. Ñanno a’deddu aneeta’da yeiya’jäcä mmaja, Wanaadi aneecanö’jönö nönge tödöötäcä’de yaawä, acu’shänä jödaatai i’jummanei nönge mmaja.

MATEO 4:18

Caadideea cu’jäi jacääcä töötädaawä Jesuuquidiito cöneejodöicho aacä dhanwaacomo, ñanno dea. Simón täätö cönä’jaacä yui, ñäädä eetö dea Peedhodooje. Dhacoono cönä’jaacä Antedé. Jaji emaajätöödöje cönä’ja’to na’cwaca, na’cwacancomo i’yännamooje töweijäcäiñe.

MATEO 7:24

“Yääje yeijäcä ñäädä ya’deddu töneeta’jödö tödöönei dhanwa tösejjecaato wei’jödö nönge na. Ñäädä dhanwa tömmai cönaamäi tooja de’wä. Täije cönnöi.

JUAN 1:42

Yää ’jeje töwö Antedé tudui cönaadäi yaawä Jesuuquidiito döiña. Jesuuquidiito wwä Peedhodo eneea’jäcä töwö cönä’döaacä chäwwä: —Simón amäädä, Joná nnedö. Peedhodoojeene adheetö na eduuwa; quee cönä’döaacä Jesuuquidiito. Täju, quee töwä’dö’se yeichö mädä Peedhodo.

DOSECHO 2:47

Aashicha töwa’deuwe cönä’ja’to Wanaadi jäcä. Tameedä soto ta’cwaiñe töweiye cönä’ja’to chääjäcäiñe. Anooto waadäi Cajiichaana Wanaadi ñanno täcaanö’nnamo jadäiñe töneejodööjoiñe cönä’jaacä ñanno yääwanaaca’como.

DOSECHO 20:28

Äädai’chätääcä’de eduuwa. Ajimmotoncomo mmaja edai’chätääcä’dede. Epíiditu Santo ayöödötääne Cajiichaana sotoi edai’chännamooje, ñanno taquiiyö que cöneewanaacaichodö.

DOSECHO 8:1

Saudo wacö’je Eteewa cöneemaicho. Yää anooto awä soto cönaajäntoicho tumjunne’da Quidiito sotoi Jeduusadén ñancomo maminchadööcomo. Yaawä tameedä ñanno Quidiito sotoi cönäämecantoicho Judheea ña, Samaadiya ña mmaja; anonta’como mma yäätä Jeduusadén ña cönä’ja’to.

1 CODINTIYO 15:55

o’jodhe’da na eduuwa, jäduuje’da mmaja;” quee imennaajä wä’dödö naadö nönge na’de.

CAADATA 2:9

Töwwäiñe chö’tamme’ca’jäcä Wanaadi nutuudu aashichaato öwwä yeichö, ñanno ä’se’tännamo, Jacoowo, Peedhodo mmaja, Juan mmaja, aashicha cöna’deuwöicho öwwä, Waanawé wwä mmaja. Tönwanno cönä’döa’to: “Judhíojöncomo owaanomannamooje eichäcä änwanno; ñaa mmaane judhíocoomo owaanomannamooje ñaa nei’ñojo;” quee cönä’döa’to.

EUJEESIYO 3:10

Wanaadi mädä cönnöi quedeiyentecoomo jäcäiñe aneejejaiñene’jödöödoto tösejjedö ecaademeecödö wetä tameedä caju ñancomo cajiichaanacoomo wwä, jäduuja’como wwä mmaja.

EUJEESIYO 5:32

Sö’jato mädä, owaanojöönö’jödö mmaja. Mädä wecamma Quidiito jadä quedeiyentecoomo weichö ecammancädä.

CODOOSENSE 1:18

Quidiito na chääjö ju’jäje, ñanno quedeiyentecoomo ju’jäje. Töwö na yeicho’como u’neije, awa’deenato töwäämaajo jonnoto waadoncaajä mmaja, tameedä o’jodhaatoje töweichö wetä.

1 TIIMOTEO 3:15

numa tä’da weiya’jäcä odhoowanääcä yeichö wetä Wanaadi sotoije weiñä, yää Wanaadi nudooto ecaanö’neije weiñä. Yää Wanaadi sotoije weiñä chäänöngato a’deu a’täije na, chä’sejöije mmaja.

1 TIIMOTEO 3:5

Töjaadoncomo anontädö dhowaanäcä’da yeiya’jäcä, ¿aaquene mmaja Wanaadi sotoi aneedai’chädööto deeade’?

EEWEDEO 12:28

Cöwwäiñe Wanaadi nutuudu na cöjaatadööcomo ätu’mejöönö. Yääje yeijäcä ta’cwaiñe queichäiye Wanaadi jäcä; quiiya’deme’täiye töwö yaacötö tödööancädä, ñontancädä mmaja.

APOOCADIISI 11:15

Yaawä aacä amoojatooto amoode töjaanau’cwai cöneetöi. Wa’deunä cönäätaacä yaawä caju ña, jooje. Edääje ya’deuwödööcomo cönäätaacä: Tameedä nono de’woncomo, ñanno cajiichaanacoomo sotoi, naato eduuwa Cädhaajotoncomo sotoije, dhanoonö Quidiito sotoije mmaja. Töwö Cajiichaanaje na’de yeichöödäje; quee cönäätaacä.

APOOCADIISI 21:14

Amoojadooto de’wä aacä cönä’jaacä chuudadai’chä’jödö o’wadö. Chääjäcä imennaajä cönä’jaacä, ñanno amoojadooto de’wä aaco’como Oweeja nnedö’cä nanontädö eetöcoomo, ñanno anonta’como’jödö.