MATEO 16:13 - Wanaadi A'deddu

¹³ Seesadeea Jidiipo ña töwä’döa’jäcä Jesuuquidiito cöneecamma’joicho tönoowanoomadö: —¿Änääcöje soto ye’tätä weneeneto, öwö Soto nnedö? quee cönä’döaacä.

MATEO 16:13 ပူးပေါင်းရင်းမြစ်များ

JUAN 5:27

Töwö cuntui chea chäwwä soto emmencato’como, Soto nnedööje yeijäcä.

MATEO 9:6

Edä wödööa odhoowanääcäiñe yeichö wetä Soto nnedö soto cone’nadiiyö encwanno’jojai yeichö edä nono de’wä; quee cönä’döaacä Jesuuquidiito. Yaawä töwö cönä’döaacä secumjato wwä: —Aanöncä; adhe’wötö adääcä; ämmai chaca äjääne; quee cönä’döaacä.

MATEO 13:37

Töwö Jesuuquidiito cönä’döaacä: —Ñäädä aashichaato dhadöödö ñaatö’tänei Soto nnedö cu’tädö ñäädä.

MATEO 12:8

Soto nnedö na wäädeetatoojo anooto edhaajäje jadä’jödöödä; quee cönä’döaacä Jesuuquidiito jaadiseeo wwäiñe.

MATEO 8:20

Jesuuquidiito cönä’döaacä chäwwä: —Que’cweedu täwö’que töweiye naicho, tadiiñaamo mmaja taiñanque töweiye naicho dea. Soto nnedö mmaane iiñö’tojo ’je’da na; quee cönä’döaacä Jesuuquidiito.

DOSECHO 10:38

Odhoowanääcäiñe mmaja Jesuuquidiito Naasade ñano wwä Wanaadi nutuudu Epíiditu Santo jäduudu. Ñäädä Jesuuquidiito, Wanaadi töjaadä yeijäcä, aashichaato tödööancädä töwäämannä’e cönä’jaacä, tameedä odo’sha wäntunamjödö adoncancädä mmaja.

DOSECHO 7:56

Yaawä Eteewa cönä’döaacä: —Caju wata’ducaadö eneetäcä. Soto nnedö näänea jiidi Wanaadi nnäcä, ämu’demjönö dö’se; quee cönä’döaacä.

JUAN 12:34

Yaawä soto cöneccujä’a’to; cönä’döa’to: —Ñaa jajeedai necamma yeichöje Äwaanacaanei weichojo. ¿Aaquene yääje mä’döaanä, Soto nnedö natannä’ja’de; quee? ¿Änääcö ca ñäädä Soto nnedö? quee cönä’döa’to ñanno soto.

MAADOCO 10:45

Soto nnedöödä cöneejäne’, soto anontäneichomooje’da, chäwwäiñe tödööneije mmaane, töwä’tudu wetä mmaja jooje soto ewaanacaato’comooje; quee cönä’döaacä Jesuuquidiito.

MAADOCO 8:38

Canno soto masuuduija’como, conemjöncomo antawäiñe öwö Soto nnedö jöichänei yeiya’jäcä, ya’deddu jöichänei mmaja, öwö mmaja wijöicha’dede Jaaja nnataadö ’je we’a’jäcä Jaaja amoodedö aashicha’como jadäiñe; quee cönä’döaacä Jesuuquidiito.

MATEO 25:31

“Cajiichaanaje töweichö wetä Soto nnedö we’a’jäcä, tamoodedö aashicha’como töjaadä, yaawä töwö nataajima’de tumuudei ye’wä, tawaanato töjääcä.

MATEO 15:21

Yäätonno Jesuuquidiito cönääma’täi yaawä. Tiido ña cöntämä, Sidhón ña mmaja.

MATEO 13:41

Soto nnedö lamoodedö nanontaato’de tameedä soto sadiijannä’cannamo i’jummaiñe tösootoi antawonnoiñe, tameedä ñanno conemjönö tödönnamo mmaja.

MATEO 12:32

Ñäädä Soto nnedö jäcä conemjönö wa’deuwödö, choone’nadiiyö ätäncwanno’jojai ña. Epíiditu Santo jäcä conemjönö wa’deuwödö mmaane, choone’nadiiyö ätäncwanno’jo’da na’de, eduuwa weiñä naadawä, weiñä na’dedö awä mmaja.

JUAN 3:14

Jata ’jemjönö aca töweichö Moisé äcääyu cönannäjöichöje mmaja Soto nnedö natannä’ja’de.

JUAN 1:51

Edääje mmaja Jesuuquidiito cönä’döa’dea: —Chäänönge yääje wä’döa äwwäiñe, änwanno meneeato’de caju wata’ducaadö. Wanaadi amoodedö mmaja meneeato’dede, yäncuduucomo mmaja, yä’tädööcomo mmaja Soto nnedö awoodhecääcä; quee cönä’döaacä Jesuuquidiito.

MATEO 12:40

Joná cönä’jaacä na’cwacaano wenwaca aaduwaawä anooto, aaduwaawä coijaicho mmaja. Mädääje mmaja Soto nnedö na’de nono aca aaduwaawä anooto, aaduwaawä coijaicho mmaja.

MATEO 16:27

Tamoodedö jadäiñe Soto nnedö ne’a’de, Tumö nataadö töjääcä. Yaawä töwö nejeemaato’de tameedä soto waadäiñe iiñö’jocoomo nönge.

MATEO 16:28

Chäänönge yääje wä’döa äwwäiñe, dhantai eetä maatoodö äwäämadööcomo owaajo meneeato’de Soto nnedö cajiichaanaje yäänejoodö; quee cönä’döaacä Jesuuquidiito.