MATEO 14:3 - Wanaadi A'deddu

³ Edoodhe yääje cöna’döaacä töwwä Juan jedeesoje tödööjo’jödö weijäcä, cadheena que imiijo’jödö weijäcä mmaja. Töwö yääje cönnöi Edoodhía woije, ñäädä tacoono Jediipe jiñamo.

MATEO 14:3 ပူးပေါင်းရင်းမြစ်များ

MATEO 11:2

Yaawä jedeesoje töweichö Juan cöneetaacä Jesuuquidiito ecaadö. Töwö aacä tönoowanoomadö cönenno’jaicho yaawä

MATEO 14:6

Yaawä Edoodhe wennu’jödö cu’nädö anootoi’chädö awä tönwanno cönänwa’to. Edoodhía nnedö cönänwaacä ñeenedööcomooje. Edoodhe wacö’je yää cönä’jaacä.

MATEO 4:12

Jesuuquidiito wwä eta’jäcä Juan jedeesoje yeichö, Caadideea ña cöntämä yaawä.

MAADOCO 6:14

Yääje mma yaawä cajiichaana Edoodhe cöneetaacä Jesuuquidiito ecaadö, tameedä yeichö wa’cä tacaade yä’dö’jödö weijäcä. Töwö Edoodhe cönä’döaacä: —Juan Wautiita ñäädä, töwäämaajo jonno yaadoncaajä. Yääje yeijäcä jooje täneemö tönnöe weneene; quee cönä’döaacä.

MAADOCO 6:17

Edoodhe yääje cönä’döaacä töwwä Juan jedeesoje tödööjo’jödö weijäcä, cadheena que imiijo’jödö weijäcä mmaja. Töwö yääje cönnöi Edoodhía woije, ñäädä tacoono Jediipe jiñamo. Töwö Edoodhe ñäädä Edoodhía cönnöi töjiiñamooje.

MAADOCO 6:19

Yää jo’tädööje ñäädä Edoodhía Juan cuntu’de’taacä jooje; emaajo’se cönä’jaacä. Emaajojai’chaane cönä’jaacä,

MAADOCO 6:22

Yaawä Edoodhía nnedö cönoomomöi yääwashinchädööcomo döiña. Töwö cönänwai ñeenedööcomooje. Edoodhe wacö’je cönänwaacä, chääjadoncomo wääwashinchädö wacö’je mmaja. Yääje yeijäcä Edoodhe cönä’döaacä ñäädä wodi wwä: —Ämjummadö ane’ca’cä öwwä, wäntuiye yaawä; quee.

MAADOCO 8:15

Yaawä Jesuuquidiito cönä’döaacä chäwwäiñe: —Odhoowadäädäiñe eichäcä, äädai’chätääcä jaadiseeo nummannä’cato’como jäcä, Edoodhe nummannä’catoojo jäcä mmaja; quee cönä’döaacä.

DUUCA 13:1

Yaawä dea mma anejjacoomo cöneejoto Jesuuquidiito döiña. Tönwanno chäwwä cöneecammajä’a’to Pidaato wwä Caadideea ñancomo töjaajo’jocoomo jäcä, saaquidiijiisiyo tödöödawä chäwwäiñe. Yaawä Pidaato tömjajo’jocoomo aquiiyöcoomo cönoimai saaquidiijiisiyo iiñö’jocoomo aquiiyö jadä.

DUUCA 13:31

Yää anooto awä dea anejjacoomo jaadiseeo cönä’döicho Jesuuquidiito döiña; cönä’döa’to chäwwä: —Äjääne eetonno. Edoodhe dajaane adheema’se na; quee.

DUUCA 23:11

Yaawä Edoodhe, shootoi suddau mmaja, Jesuuquidiito cönquimmajä’a’to. Tönwanno enno’jätöödöje cönwontoicho cajiichaana womö awä. Yaawä Edoodhe cöniiñacaanö’joi chea Pidaato wwadäädä.

DUUCA 23:7

Cajiichaana Edoodhe nonoodö de’wonooje Jesuuquidiito weichö eta’jäcä töwwä, chäwwadäädä cönaadojoi yaawä, yää anooto awä Edoodhe Jeduusadén ña yei’jödö weijäcä.

DUUCA 3:1

Juujatonno wedu Tiweediyo acu’shänääje yeichö, Ponsiyo Pidaato cajiichaanaje cönä’jaacä Judheea ña. Yaawä Edoodhe cajiichaanaje cönä’jaacä Caadideea ña. Dhacoono Jediipe mmaane cajiichaanaje cönä’jaacä Ituudea ña, Tadaaconiite ña mmaja. Disaaniya cajiichaanaje cönä’ja’dea yaawä Aawidiiniya ña.

DUUCA 8:3

Juana mmaja cönä’ja’dea, Chuusa jiñamo, ñäädä Edoodhe jödaatai edhaajä; Susaana mmaja cönä’ja’dea; jooje anejjacoomo wodiiñamo mmaja, töwwäiñe töweiyato que Jesuuquidiito i’wa’tännamo.

DOSECHO 12:1

Yaawä cajiichaana Edoodhe cönaajäntäi Quidiito sotoi maminchadööcomo.

DOSECHO 4:27

“Edä jataawä dea Edoodhe cöne’jummaicho Ponsiyo Pidaato jadä, judhíojöncomo jadä mmaja, iisadaaediitacoomo jadä mmaja. Tönwanno cöne’jummaicho ännedö aashichaato Jesuuquidiito chu’de’tädö wetä, ñäädä Äwaanacaaneije ane’tä’jödö.