MATEO 13:44 - Wanaadi A'deddu

⁴⁴ “Wanaadi töcaajichaanaije tödöödö na dhanwa wwä audaajä awä täjeeto etoone’taajä edantädö nönge. Yää täjeeto ta’due mma na’dua yaawä. Ta’cwaiñe töweijäcä tameedä töwwono nu’jä’a yaawä jödaata eichojooje, yää audaajä ejeematoojoje. Yää nejeema yaawä töneedantä’jödö jäcäinchädä.

MATEO 13:44 ပူးပေါင်းရင်းမြစ်များ

MATEO 13:24

Yaawä Jesuuquidiito cöna’deuwöi chea chäwwäiñe yö’seeno ai; cönä’döaacä: —Edääje na Wanaadi cajiichaanaje yeichö: Dhadöödö aashichaato dhanwa cönnatö’täi tönaudä’jödö awä.

MATEO 13:46

Mayuudu tajääde’daamo nedanta yaawä, täjeeto jaiñoone. Tameedä töwwono nu’jä’a yaawä jödaata eichojooje, yää mayuudu ejeematoojoje.

MATEO 13:47

“Wanaadi cajiichaanaje yeichö na dea na’cwacancomo i’yätoojo töweiye naichöje. Ñanno i’yännamo i’yätoojo nemaato na’cwaca; änneene’jödöödä na’cwacancomo najäiyaato yaawä.

MATEO 19:21

Jesuuquidiito cönä’döaacä chäwwä: —Chäänönge jeene awei’she aweiya’jäcä, tameedä äwwono ejeemajoota, änsomaadö, anaudädö mmaja. Chääje’jödö u’jä’cä yaawä a’ca’como wwä, caju ñaane tönsomaaque meiye. Ä’cäde’de yaawä, jaadä meiye; quee cönä’döaacä Jesuuquidiito.

MATEO 19:27

Yääje mma yaawä Peedhodo cönä’döaacä: —Ñaa mmaane tameedä ñaa cöne’nomjai ajaadä töweichö wetä. ¿Ane’cäämö ñaa wwä töweiye nai’che?

MATEO 19:29

Ñäädä öwö jääcäinchädä tömmai ñännei, tacontomo, tuduichomo jeiñe mma, töjaadui’chomo jeiñe mma, ñäädä tumö, senö ñännei jeiñe mma, töjiiñamo, tönnacoomo jeiñe mma, tönaudädö jeiñe mma, öwö jääcäinchädä yää ñänga’jäcä, ñäädä wwä yää nöngato mmaja nä’tua’de jooje’cä jeene; yeichö töwaatamemjönö mmaja Wanaadi nu’a’de chäwwä.

MATEO 6:21

Tönsomaadö weichö dö’tä tö’tajä’nä töweiye nai.

DUUCA 14:33

Mädääje mmaja änwanno, ñäädä tameedä töwwä naadö änsancwajöönö, öwö noowanoomadööje eijai’cha na.

JUAN 6:35

Jesuuquidiito cönä’döaacä: —Öwö ñäädä weichojo uu. Ñäädä öwwadoodono we’ajä ämiije’da na’de; öwö yeecanö’nei emjätö’se’da na’dede.

DOMAANO 15:4

Yää jenaadä Wanaadi a’deddu imennaajä jäcä cönä’mennäichö tömennä na cöwoowanoomato’comooje, yäätäädä cöweichöcoomo wetä cönwomoocödööcomo jäcä, Wanaadi a’deddu ni’wa’tädö que.

CODOOSENSE 2:3

Quidiito ñäädä tameedä sejje edhaajä, towaanojo’ne weiñä edhaajä mmaja.

CODOOSENSE 3:16

Ätö’tajäätödööcomo acaadä Quidiito a’deddu tödöötäcä; yäätä ejannä’catääcä. Ajimmotoncomo owaanomaatäcä, yäätuujatääcäde tameedä asejjedööcomo que. Adheewanööcomo jäcä aashicha Wanaadi jäcä ätö’tajä’ancädäiñe adheecanta’ñätääcä saadomo jäcä, anejja wecanta’ñotoojo jäcä mmaja, ätö’tajäätödööcomo ai mmaja.

EEWEDEO 10:34

Änwanno wentumje töneene mä’ja’quene ñanno jedeesoja’como. Anejjacoomo wwäiñe ännöjäätödööcomo que adhenwajiiñataame cone’da ä’döjo’da töweiye mä’ja’quene, odhoowanääcäiñe yeijäcä caju ña äwwäiñe aashichaato jaiñoone töweiye yeichö, töwaatamemjönööne.

APOOCADIISI 3:18

Yääje yeijäcä edääje mänwätuuja: Öwwä ane’ca’cä oodo, wa’to que choonecaajä, äwwä töweiye yeichö wetä. Owoomö tajääde’dato mmaja ane’ca’cäde, aweewontotoojo, töwonque’da aweichö mma täne ei’ño, töjöiye mma mei’ño yaawä. Adheejichö mmaja ane’ca’cäde öwwä, adheenudu ejiichö’totoojo, töneene mä’döiye.