MATEO 13:21 - Wanaadi A'deddu

²¹ Tömiiche’daane tönwanno, a’dhe töweiyaamo mma. Wanaadi a’deddu jäcäinchädä yeetunu eneea’jäcä, wätä’maminchajoonä jeiñe mma, yaawä dea mma ne’nomjaato.

MATEO 13:21 ပူးပေါင်းရင်းမြစ်များ

MATEO 10:22

Tameedä soto aquiiñeme’cato’de sootoije aweichöcoomo jo’tädööje. Ñäädä yaatameedö jonaane shinchänei nääwanaaca’de.

MATEO 11:6

Ta’cwaiñe eijai ña ñäädä chäänöngeedä yeecanö’nei; quee cönä’döaacä Jesuuquidiito Juan nowaanomaadö wwäiñe.

MATEO 13:20

Yää dhadöödö toojajaato de’wä cönä’meichö mmaane, ñanno ta’cwaiñe Wanaadi a’deddu etannamo cu’tädö yää.

MATEO 13:57

Tönwanno cone’da cönä’ja’to chääjäcä. Yaawä Jesuuquidiito cönä’döaacä chäwwäiñe: —Aneiñaja Wanaadi wa’deuwödö ecammanei aashicha tönnöe naicho. Ijaatawoncomo mmaane tönquiiñeme’que, yä’jimmä’tädö mmaja; quee cönä’döaacä.

MATEO 13:6

Yaawääne’, shii weja’ca’jäcä cöiñatui; tömiiche’da yeijäcä cuiñu’tai.

MATEO 24:13

Yaawä ñäädä yaatameedö jonaane shinchänei nääwanaaca’de.

MATEO 26:31

Töötädaawäiñe Jesuuquidiito cönä’döaacä chäwwäiñe: —Tameedä änwanno co’nomjaato’de edä coijaichawä, imennaajä nä’döaadöje: “Oweeja edai’chäneichomo waiju’ja’de; oweeja näämecantaato’de yaawä;” quee imennaajä wä’dödö na.

MATEO 26:33

Yaawä Peedhodo cönä’döaacä chäwwä: —Tameedä anejjacoomo wwä adhe’nomjataame, adhe’nomja’da dea eijai wa öwö.

MAADOCO 4:17

Tömiiche’daane tönwanno, a’dhe töweiyaamo mma. Wanaadi a’deddu jäcäinchädä yeetunu eneea’jäcä, wätä’maminchajoonä jeiñe mma, yaawä dea mma ne’nomjaato.

DUUCA 8:13

Yää dhadöödö toojajaato de’wä cönä’meichö mmaane, ñanno ta’cwaiñe Wanaadi a’deddu etannamo cu’tädö yää. Tömiiche’daane tönwanno. A’dhe mma necaanö’aato; wä’yunaacajoonä cu’nädö awä ne’nomjaato yaawä.

JUAN 6:26

Jesuuquidiito cöneccujä’a’to: —Chäänönge yääje wä’döa äwwäiñe, änwanno cujiiyato yää aashichaato wödöönedö töntö’tamme’que aweichöcoomo jäcäinchädä’da, jooje äwääwashincho’jocoomo weijäcääne, yää wu’nedö que.

DOMAANO 2:7

Töwö Wanaadi yeichöödäje weiñä nu’a’de ñanno töquinchancädäiñe’da aashichaato tödönnamo wwäiñe, ñanno aashichaato encano’tännamo, aashicha töweicho’como encano’tännamo mmaja, töwaatamemjönö encano’tännamo mmaja.

CAADATA 5:6

Jesuuquidiito jadä weiñawä siicunsidaadoje weiñä täje’da na, yääje’da weiñä täje’da mmaja; ecamjödö mmaane täje na, yää wä’jummanä que towäänejo weneenedö.

CAADATA 6:12

Ñanno siicunsidaadoje ayöödöjo’sa’como yää nödööjaato soto jadäiñe aashicha töweichöcoomo wetä mma, cuduusa jäcä Quidiito wääma’jödö jäcä ecammajäätödö jäcäinchädä töwäntunamjö’seiñe’da töweichomjäcä.

CAADATA 6:15

Jesuuquidiito jadä weiñawä siicunsidaadoje weiñä täje’da na, yääje’da weiñä täje’da mmaja; eduuwaatoje cöweichöcoomo tödööajä mmaane täje na.

EUJEESIYO 3:17

Yaawä ecamjödö jäcäinchädä Quidiito ätö’tajäätödööcomo aca eijai ña, jäduuje aweichöcoomo wetä yaawä wä’jummanä jäcä, dee tömiichato töweiye naichöje.

JIDIIPENSE 1:6

Yoowanääcä na ñäädä äjääcäiñe aashichaato tödöödö cönaajäntäichö chäänönge tödöödöje dea yeichö, Jesuuquidiito weejödö wa’cä.

2 TIIMOTEO 1:15

Odhoowanääcä na tameedä Aasiya ñancomo wwä ye’nomja’jödö, Jijeedo mmaja, Eedemoojene mmaja.

2 TIIMOTEO 4:10

Deema ye’nomjane, edä nono de’wono tumjumma töweijäcä; cöntämä Teesadoonica ña. Quedeesente mmaane cöntämä Cadaasiya ña; Tiito ’quene Daadamaasiya ña daja.

SANTIYAACO 3:2

Tameedä cönwanno conemjönö tönnöe caato aneedawä. Ñäädä cone’da a’deujönö chäänöngato ñäädä. Ñäädä yääjato dhowaanäcä mmaja na dea tameedä töweichö e’se’tädö.

1 PEEDHODO 1:5

Änwanno Wanaadi töneecanö’e aweichomjäcä töwö töjäädudu que adheedai’chätäiñe weneene, äwääwanaacato’como ejoodödö wetä äwwäiñe, yää yaatameedawä täneejoomöje naadö.

APOOCADIISI 2:13

Yoowanääcä na tameedä ännödö; ajaatadö mmaja yoowanääcä na dea, Caajuushawa waanontotoojo dö’tä yeichö. Yääje yeichaame ye’nomja’da ma amäädä. Ñanno soto Caajuushawa weichojo dö’tä Antipa cöneemaicho, ñäädä ya’deddu ecammajä’nei, yaanonö chäänöngato mmaja. Ñäädä emaadawä chäwwäiñe yeecamjödö omjome’dä’da meiyaqueene.