MATEO 13:19 - Wanaadi A'deddu

¹⁹ Anejja wwä Wanaadi töcaajichaanaije tödöödö jäcä ecammajäätödö towaanäcä’de eta’jäcä, odo’sha ne’a yaawä. Yää Wanaadi a’deddu etaajä chö’tajäätödö acanno nichö’taque’ja yaawä. Ñäädä cu’tädö yää ääma taawa dhadöödö cönä’meichö.

MATEO 13:19 ပူးပေါင်းရင်းမြစ်များ

MATEO 12:26

Mädääje mmaja Caajuushawa, töwwäädä yä’ja’canö’ja’jäcä, töwö dea nä’tu’de’ta yaawä. Yääje yeiya’jäcä ¿aaquene mmaja numa jäduuje eichö deeade’ ?

MATEO 13:20

Yää dhadöödö toojajaato de’wä cönä’meichö mmaane, ñanno ta’cwaiñe Wanaadi a’deddu etannamo cu’tädö yää.

MATEO 13:38

Yää audaajä edä nonoodö cu’tädö. Yää aashichaato dhadöödö ñanno Wanaadi töcaajichaanaije tödönnamo cu’tädö. Chuu mmaane ñanno odo’sha sotoi cu’tädö.

MATEO 4:23

Yaawä Jesuuquidiito cönäämannä’acä tameedä Caadideea chäcä, judhío we’jummato’como waadäi soto owaanomancädäiñe. Wanaadi töcaajichaanaije tödöödö jäcä töneecammajä’e cönä’jaacä. Töneejichö’tä cönä’ja’dea tameedä chäädäichöcoomo.

MATEO 5:37

Sa’donnaane adha’deutäcä. “Ee;” quee caichäcä’de; “Ng’jn;” quee jeiñe mma. Yää de’wono wa’deunä mmaane odo’sha dö’senno ne’a.

MAADOCO 4:15

Anejja wwä Wanaadi a’deddu ecammajäätödö eta’jäcä, Caajuushawa ne’a yaawä; yää Wanaadi a’deddu etaajä chö’tajäätödö acanno nichö’taque’ja yaawä. Ñäädä cu’tädö yää ääma taawä dhadöödö cönä’meichö.

DUUCA 10:9

Cädäija’como adoncatääcä’de yää jataawoncomo. Edääje caichäcä’de chäwwäiñe: “Amoinche’da nä’döi Wanaadi acaajichaanaichomooje yä’dötoojo;” quee caichäcä’de.

DUUCA 9:2

Töwö cönaanontoicho Wanaadi töcaajichaanaije tödöödö jäcä ecammajä’e, cädäija’como adonca mmaja.

JUAN 18:38

Yaawä Pidaato cönä’döaacä: —¿Ane’cäämö yää a’deu chäänöngato mecammaadö? quee. Yääje töwa’deuwö’jeje Pidaato cöneeja’cai chea judhío döiñaiñe; cönä’döaacä chäwwäiñe: —Conemjönö iiñö’jödö aneejodö’da weiya.

JUAN 8:43

¿Ane’que’nei aashicha aneeta’da maato neecammajäätödö? Etaajai’cha aweichöcoomo mmädä mädä.

DOSECHO 17:32

Yaawä ñanno soto wwäiñe yäämaajo jonno waadoncanä jäcä ecammajäätödö eta’jäcä, dhantai tönwanno cönenno’jä’a’to. Anejjacoomo ’quene edääje cönä’döa’to Paudo wwä: —Aneedawä anooto awä mädä jäcä dea aneecammajäätödö ñaa neta’dede; quee.

DOSECHO 18:15

töwäädä äwäätunnäichomo mma mädääne’, adhaichudiiyöcoomo jäcä wätäccujä’nä mmaja. Änwanno deaane mädä choonecaatäcä. Mädä nöngato etaajätö’se’da wa öwö; quee cönä’döaacä Caadiyón.

DOSECHO 20:25

“Yoowanääcä na eduuwa naadö jonno yeene’da aweicho’como, änwanno Wanaadi töcaajichaanaije tödöödö jäcä neecammajäätö’jödö etannamo’jödö.

DOSECHO 28:23

Yaawä töwe’jummato’como anooto cuncu’nä’toicho. Yää anooto awä jooje soto cöne’jummaicho Paudo wä’döaajä cönä’ja’dö döiña. Yaawä chäwwäiñe Paudo cöneecammajäätöi Wanaadi töcaajichaanaije tödöödö jäcä; jenaadäne yaajäntä’jödö töco’mannä’eene cöneecammajäätöi. Wanaadi nnedööje Jesuuquidiito yeichö töwö cöneecammajäätöi chäwwäiñe, Äwaanacaaneije yeichö mmaja. Moisé nimennä’jödö ai chea töwö cöneecammajä’acä yääje yeichö, Wanaadi wa’deuwödö ecammannamo nimenno’jocoomo ai mmaja.

DOMAANO 1:28

Tujumma’se’da yeichomjäcä töwö Wanaadi cöneetömaicho tötö’tajäätödööcomo wecoone’maajä woije mma yeichöcoomo wetä, tödööemjönö tödöödö wetä chäwwäiñe.

DOMAANO 14:17

Wanaadi sotoije weiñä töweiye nai äwanshi jäcäinchädä’da, wocö jäcäinchädä’da mmaja, chäänönge weiñä jäcäinchädääne, täncanoode’da weichojo mmaja, ta’cwaiñe weiñä mmaja, yää Epíiditu Santo nutuudu.

DOMAANO 2:8

Conemjönö jäcä cone’da töweijäcä töwö Wanaadi nimaaminchaato’de ñanno töwoijemjöncomo, chäänöngato wätunnä woije eijöncomo, ñanno chäänöngemjönö woija’como.

EUJEESIYO 3:8

Tameedä Wanaadi sotoi o’näiñe wa; yääje yeichaame Wanaadi mädä taadawaajui cuntui öwwä, judhíojöncomo wwäiñe ecammajäätödö wetä öwwä Quidiito nödöödö aashichaato, yäätonno ’jemjönö.

2 TEESADOONISENSE 2:12

Mädääje nännanö’aato’de tameedä chäänöngato ecamjö’semjöncomo’jödö, ñanno conemjönö ijummannamo’jödö.

EEWEDEO 2:1

Yääje yeijäcä aashichaane ijaanataajai caato yää wätunnä queetatäänedö jäcä, choojonno mma cösaadijanto’no.

1 JUAN 3:12

Caín nönge’daane queicho’ñojo. Töwö cönä’jaacä odo’sha sotoi. Töwö tacoono cöneemai. ¿Ane’cäämö jo’tädööje cöneemai, quee ’ja? Conemjönö tönnöe töwö töweijäcä, dhacoono mmaane chäänönge tönnöe cönä’jaacä.

1 JUAN 5:18

Cowaanäcäiñe na ñäädä Wanaadi jadoono conemjönö acaadä ei’cha yeichö, Wanaadi nnedö wwä tädai’chä yeijäcä, odo’sha wwä ajoojodö queiñe.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.