MATEO 12:41 - Wanaadi A'deddu

⁴¹ Yaawä, wätämmencajootojo anooto awä, canno soto eduuwa naatoodö wätääcamma’jojoodawäiñe, tönwanno Niiniwe ñancomo’jödö wwä conemjöncomooje nätä’täjaato’de. Ñanno Niiniwe ñancomo tötö’tajäätödööcomo cönsa’duminchaicho Joná necammajäätödö etaadö’jo. Joná e’jodhaato’cä jaiñoone eetä na eduuwa.

MATEO 12:41 ပူးပေါင်းရင်းမြစ်များ

MATEO 12:39

Jesuuquidiito cöneccujä’acä; cönä’döaacä chäwwäiñe: —Soto conemjöncomo, masuuduija’como, ene’ju’tojo tödöödö ene’se weneeneto. Yääje yeichaame aneene’da naato’de. Joná wei’jödö mmaane nichö’tammecö’ña’to, ñäädä Wanaadi wa’deuwödö ecammanei’jödö.

MATEO 12:42

Yaawä, wätämmencajootojo anooto awä mmaja, ñäädä wodi, shii weja’catoojo suda’wawoono cajiichaana mmaja conemjöncomooje ne’taato’dede canno soto eduuwa naatoodö, yäätäcamma’jojoodawäiñe. Ñäädä wodi amoinchenno cöneejä tösejjeque Saadomón wa’deuwödö eta. Saadomón e’jodhaato’cä jaiñoone eetä na eduuwa.

MATEO 12:45

Töwö nöta yaawä töjimmä wetäiñe. Aacä amoojato odo’shancomo nene’aato yaawä; cone’daiñe’cä jeene tönwanno. Yaawä tönwanno nomongaato ñäädä soto aca, töweejata’tädööcomo wetä. Yaawä ñäädä soto wecoone’maajä na awa’de töwei’jödö e’jodhe’cä jeene. Mädääje nä’döaato’de canno soto conemjöncomo, eduuwa naatoodö.

MATEO 12:6

Yääje wä’döa äwwäiñe, töweiye na eetä Wanaadi weichojo e’jodhaato jaiñoone.

MATEO 16:4

Soto conemjöncomo, masuuduija’como, ene’ju’tojo ene’se weneeneto. Yääje yeichaame aneene’da naato’de. Joná wei’jödö mmaane nichö’tammecö’ña’to; quee cönä’döaacä Jesuuquidiito. Cöntämä yaawä, ñanno jaadiseeo e’nomjadööcomooje mma.

MATEO 17:17

Jesuuquidiito cöneccujä’acä; cönä’döaacä: —Mädä wa’cä aneecamjö’da maato, chäänönge’da mmaja. ¿Ä’waasa’cäne mma numa ajaadäiñe wei’she maato? Numa dajaane wä’döi ashinchädööcomooje. Sadäädä ene’täcä mä’dä mude’cä’cä; quee cönä’döaacä Jesuuquidiito.

MATEO 23:36

Chäänönge yääje wä’döa äwwäiñe, tameedä ñanno töjaajo’jocoomo jo’tadööje mätä’maminchajaato’de änwanno soto eduuwa maatoodö.

DUUCA 11:32

Yaawä wätämmencajootojo anooto awä mmaja, Niiniwe ñancomo mmaja conemjöncomooje ne’taato’dede canno soto eduuwa naatoodö, yäätäcamma’jojoodawäiñe. Ñanno Niiniwe ñancomo tötö’tajäätödööcomo cönsa’duminchaicho Joná necammajäätödö etaadö’jo. Joná e’jodhaato’cä jaiñoone eetä na eduuwa.

JUAN 3:31

Ñäädä cacoiño we’ajä tameedä o’jodhe na. Edä nonoodö de’wono mmaane edä nono de’wonooje na; edä nono de’wono jäcä ya’deuwödö töwö. Caju ñanno we’ajä mmaane tameedä soto e’jodhe na.

JUAN 4:12

Cadai’choncomo Jacoowo cöwwäiñe cönnämäi edä tuna weja’catoojo. Edä acaano dea töwö yoocödööje cönä’jaacä, iiñacoomo wocöödöje mmaja, chääcöntomo wocöödöje mmaja. ¿Ñäädä e’jodhaato ca amäädä?

DOMAANO 2:27

Ñäädä tujuunu jäcä siicunsidaadoje’da töweichaame waanontänä tödöönei adheene’ju’ja waanontänä ännö’da aweichö, yää waanontänä imennaajä äwwä yeichaame, ajuunu jäcä siicunsidaadoje aweichaame mmaja.

EEWEDEO 11:7

Ecamjödö que mmaja Noé aashicha cöneetai Wanaadi necamma’jödö äcuude töweeja’dä’emö jäcä; töwö cönnöi jidaawa töwä’jimmä’tädö ewaanacaato’comooje. Yää töneecamjödö que chäänönge’da ñanno soto weichöcoomo cöneenejoi. Töneecamjödö jäcäinchädä Wanaadi jadoonoje cönä’döjoi, yää ecamjödö aiño tojoodöeemö.