MATEO 12:32 - Wanaadi A'deddu

³² Ñäädä Soto nnedö jäcä conemjönö wa’deuwödö, choone’nadiiyö ätäncwanno’jojai ña. Epíiditu Santo jäcä conemjönö wa’deuwödö mmaane, choone’nadiiyö ätäncwanno’jo’da na’de, eduuwa weiñä naadawä, weiñä na’dedö awä mmaja.

MATEO 12:32 ပူးပေါင်းရင်းမြစ်များ

MATEO 11:19

Yää ’jeje Soto nnedö cöneejä, öwö waadö. Öwö mmaane soto jadäiñe töwääwashinchä wääene, woocödö tönenque mmaja. Ämiijatooje daja ye’tätä määnetääne, töwä’dau’cwatooje mmaja. “Conemjöncomo wacöötö mä’dä, acu’shänä jödaatai i’jummannamo wacöötö mmaja;” quee töwä’döe määnetääne jääcä. Yääje yeichaame wätunnä ecaanö’nnamo chäänönge yeiya’comjäcä owaanäcä yaawä yää wätunnä chäänönge yeichö; quee cönä’döaacö Jesuuquidiito.

MATEO 12:31

“Yääje yeijäcä yääje wä’döa äwwäiñe, tameedä soto cone’nadiiyöcoomo ätäncwanno’jojai ña, tameedä cone’da ya’deuwödööcomo mmaja. Epíiditu Santo jäcä cone’da wa’deunä mmaane ätäncwanno’jojai’cha na.

MATEO 12:8

Soto nnedö na wäädeetatoojo anooto edhaajäje jadä’jödöödä; quee cönä’döaacä Jesuuquidiito jaadiseeo wwäiñe.

MATEO 13:22

Yää dhadöödö wesooca ’jano de’wä cönä’meichö ’quene, Wanaadi a’deddu etannamo cu’tädö yää, ñanno edä nono de’wono ijummannamo, mösooma ijummadö ca’como wätäncu’tojoodöcoomo. Tameedä yää Wanaadi a’deddu na’dua, aashicha ejaamö’da yeichö wetä.

MATEO 13:39

Ñäädä chu’dedö, conemjönö ñaatö’tänei’jödö, odo’sha cu’tädö ñäädä. Yää aiyodö cu’nädö anooto wataamedö cu’tädö. Ñanno äiña aiyonnamo ñanno Wanaadi amoodedö cu’tädö.

MATEO 13:40

Yääje mmaja na’de anooto wataamedaawä, yää woi cönnaichodööje dea, cöiñau’cwaichodööje mmaja.

MATEO 13:55

¿Ñäädäjöönö ca määdhä, jatuuwa tödööjä’nei nne’jödööjönö? ¿Yeenö jönca Madía, dhacontomo Jacoowo, José mmaja, Simón mmaja, Juudha mmaja?

MATEO 8:20

Jesuuquidiito cönä’döaacä chäwwä: —Que’cweedu täwö’que töweiye naicho, tadiiñaamo mmaja taiñanque töweiye naicho dea. Soto nnedö mmaane iiñö’tojo ’je’da na; quee cönä’döaacä Jesuuquidiito.

MAADOCO 10:30

ñäädä immai ’je’da’da na’de, dhacontomo ’je’da’da mmaja, yuichomo ’je’da’da mmaja, ijaadui’chomo ’je’da’da mmaja na’dede; senque’da’da mmaja na’dede, iiñacoomo ’je’da’da mmaja, ñaudädö ’je’da’da mmaja; töwäntunaanö’taame mma’ne. Yaawä äcuude weiñawä yeichö töwaatamemjönö nä’tua’de chäwwä.

MAADOCO 3:28

“Chäänönge yääje wä’döa äwwäiñe, tameedä soto cone’nadiiyöcoomo ätäncwanno’jojai ña, tameedä cone’da ya’deuwödööcomo mmaja.

MAADOCO 3:29

Epíiditu Santo jäcä cone’da wa’deunä mmaane ätäncwanno’jojai’cha na; yeichöje choone’nadiiyö na’de; quee cönä’döaacä Jesuuquidiito.

DUUCA 12:10

“Ñäädä Soto nnedö jäcoono conemjönö wa’deuwödö, choone’nadiiyö ätäncwanno’jojai ña. Epíiditu Santo jäcoono conemjönö wa’deuwödö mmaane, choone’nadiiyö ätäncwanno’jo’da na’de.

DUUCA 16:8

Yaawä chäädhajä aashicha cöna’deuwöi ñäädä tanoonö chäänöngemjönö jäcä, tösejjeque tödööjätö’jödö weijäcä chäwwä. Edä nono de’woncomo tösejjeque jeene naato töjimmotoncomo tödöödö jäcä, tawaanato awoncomo e’jodheiñe’cä.

DUUCA 18:30

ñäädä wwä yää nöngato nä’tua’de jooje’cä jeene eduuwa weiñawä; äcuude weiñawä yeichö töwaatamemjönö daja nä’tua’de chäwwä; quee cönä’döaacä Jesuuquidiito.

DUUCA 23:34

Yääje mma yaawä cuduusa jäcä tajoijodaawä Jesuuquidiito cönä’döaacä: —Jaaja, choone’nadiiyöcoomo encwanno’joca; towaanojöönöcoomo mädääje nödööaato; quee cönä’döaacä. Yaawä ñanno suddau yoomö’jödö töwaadäiñe cöneemecantoicho, wä’cana’canä tödöödö’jo.

DUUCA 7:34

Yää ’jeje Soto nnedö cöneeja, öwö waadö. Öwö mmaane soto jadäiñe töwääwashinchä wäänene, woocödö tönenque mmaja. Ämiijatooje daja ye’tätä määnetääne, töwä’dau’cwatooje mmaja. “Conemjöncomo wacöötö mä’dä, acu’shänä jödaatai i’jummannamo wacöötö mmaja;” quee töwä’döe määnetääne jääcä.

JUAN 7:12

Jooje soto cöna’deuwa’to chääjäcä. Anejjacoomo cönä’döa’to: “Aashichaato töwö;” quee; anejjacoomo ’quene cönä’döa’to: “Cone’da töwö, soto täncu’täiñe;” quee daja.

JUAN 7:39

Töwö cöna’deuwacä Epíiditu Santo jäcä, ecaanö’nnamo wwäiñe tu’emö. Eejö’da dea cönä’jaacä ñäädä Epíiditu Santo, Jesuuquidiito tä’da dea yeijäcä caju ña.

JUAN 7:52

Yaawä tönwanno cönä’döa’to chäwwä: —¿Caadideea ñano ca amäädä dea? Oowanoomacä’ma Wanaadi a’deddu imennaajä jäcä, odhoowanääcä mödöiye yaawä Caadideea ñanno’da Wanaadi wa’deuwödö ecammanei we’tojo weichö; quee cönä’döa’to Niicodheemo wwä.

DOSECHO 3:19

Yääje yeijäcä ätö’tajäätödööcomo sha’duminchatääcä, Wanaadi wwadäädääne ä’jedennacaatäcä, ocoone’nadiiyöcoomo ecoccaiye. Yaawä Wanaadi nu’a’de äwwäiñe ta’cwaiñe aweicho’como.

EUJEESIYO 1:21

Töwö Wanaadi Quidiito cönnöi tameedä jäduuja’como e’jodhe, cajiichaanacoomo e’jodhe mmaja, o’jodha’como e’jodhe mmaja, acu’shänääcomo e’jodhe mmaja, tameedä anejjacoomo soto e’jodheiñe mmaja, eduuwa weiñä naadawä mma’da, äcuude weiñä na’dedö awä mmajaane.

1 TIIMOTEO 1:13

Töwö Jesuuquidiito mädääje yöödöne jenaadä töjääcä cone’da töwa’deuwe wei’jödö weichaame, tömmamincha wei’jödö weichaame mmaja, töneetana’tä wei’jödö weichaame mmaja. Yääje yeichaame töwö wentumje yeeneaaquene yoowoinchadä yääje wei’jödö weijäcä quedeiyenteje’da weichö.

1 TIIMOTEO 1:15

Chäänöngato edä wecammaadö, täcaanö’emje mmaja: Jesuuquidiito cöneejä edä nono de’cäi conemjöncomo ewaanacaiñe, öwö waadö, tameedä cho’jodha’como’cä jaiñoone.

1 TIIMOTEO 4:8

A’dhatooje mma töweiye nai edä nono de’wono tödöödö jäcä wäämu’canä. Wanaadi nödöödö mmaane yää e’jodhe na, eduuwa weichojooje yeijäcä, äcuude weichojooje yeijäcä mmaja.

1 TIIMOTEO 6:17

Yäätuujacooto edä nono de’woncomo tönsomaaca’como, o’jodhe chö’tajäätö’da yeichöcoomo wetä, mösooma jäcä jooje chö’tajäätödööcomo queiñe mmaja, töwaatameemö mma yeijäcä yää mösooma. Wanaadi jäcääne chö’tajä’jai ñaato, ñäädä nudooto, aashicha cöweicho’comooje ewontancädä’da cöwwäiñe tameedä u’nei.

2 TIIMOTEO 4:10

Deema ye’nomjane, edä nono de’wono tumjumma töweijäcä; cöntämä Teesadoonica ña. Quedeesente mmaane cöntämä Cadaasiya ña; Tiito ’quene Daadamaasiya ña daja.

TIITO 2:12

Yää cöjääcäiñe aashicha Wanaadi weichö que cönwanno oowanoomajai caato conemjönö tödöödö e’nomjadö jäcä, conemjönö tödö’se weiñä e’nomjadö jäcä mmaja, chäänönge weiñä jäcä mmaja, towaadäädä weiñä jäcä mmaja, Wanaadi woije weiñä jäcä mmaja edä nono de’wä cöweichöcoomo.

SANTIYAACO 1:27

Edä yää Cumöötoncomo Wanaadi owaadäädä chäänönge töneecanö’e weiñä: Yeenö wääma’jödö i’wa’tädö, yuumö wääma’jödö mmaja, iiño wääma’jödö mmaja, tameedä yäntunamjödööcomo jäcä. Edä nono de’wono conemjönö jäcä chaadota’da weiñä mmaja yää dea chäänönge töneecanö’e weiñä.