MATEO 11:23 - Wanaadi A'deddu

²³ Änwanno Cajeedamu ñancomo, ¿o’jodha’como wa’cä määcanö’ato? Yä’ja’a’como weicho’como ña dajaane mataadojootantäi. Yää aneenedööcomooje täneemö wödöönedö Sodhooma ña wännö’jo, ä’jajo’da eichö cöneiya’to eduuwa naadö jona tödööene.

MATEO 11:23 ပူးပေါင်းရင်းမြစ်များ

MATEO 10:15

Chäänönge yääje wä’döa äwwäiñe, tönwanno imaaminchadööcomo jooje’cä na’de yaawä wätämmencajootojo anooto awä, Sodhooma ñancomo maminchadööcomo e’jodhe’cä, Comooda ñancomo maminchadööcomo e’jodhe’cä mmaja.

MATEO 16:18

Äwwä yääje wä’döa, Peedhodo amäädä, “täju”, quee töwä’döse yeichö. Amäädä anöngato dea sootoije wödööaato’de, täju de’wä maa amäädö töweiye naichöje. Wäämanä wwä oto’jodheinchajo’da naato’de tönwanno.

MATEO 17:24

Yaawä Cajeedamu ña yä’döa’comjäcä, Wanaadi weichojo edhaamo sotoi Peedhodo cöneejodöicho. Tönwanno cönä’döa’to: —¿Odhoowanoomaneichomo jödaata äntu’da ’ja Wanaadi weichojo choonecaatojooje? quee cönä’döa’to.

MATEO 4:13

Naasade ña ejaata’tä’da cöneiyacä, Cajeedamu ñaane. Yää jata cönä’jaacä chu’jä jawä, Saawudón nonoodö’jödö de’wä, Neutadí nonoodö’jödö jäcä amoinche’da.

MATEO 8:5

Cajeedamu ña Jesuuquidiito wä’döa’jäcä suddau edhaajotoncomo chäwwadäädä cöneejä; domaanoje töwö cönä’jaacä.

DUUCA 10:15

Änwanno Cajeedamu ñancomo, ¿o’jodha’como wa’cä määcanö’ato? Yä’ja’a’como weicho’como ña dajaane mataadojootantäi; quee cönä’döaacä Jesuuquidiito.

DUUCA 14:11

Ñäädä o’jodhaato tö’tajäätödö dho’noncomooje nä’döja’de. Ñäädä dho’noncomo tö’tajäätödö o’jodhe nä’döja’de; quee cönä’döaacä Jesuuquidiito.

DUUCA 16:23

Yä’ja’a’como weicho’como ña ñäädä tönsomaacato’jödö cönäädantäi yaawä, wäntunaanö’näje. Amoinche Aawadán cöneeneaacä, Dáasado chääjadä.

DUUCA 4:23

Yaawä Jesuuquidiito cönä’döaacä chäwwäiñe: —Yoowanääcä edääje öwwä äwä’dö’seiñe aweichöcoomo: “Äjiichö’tänei, äwwäädä ääjichö’täcä. Tameedä Cajeedamu ña ännö’jödö ñaa cöneetaichö nönge tödööcäde eetä ajaatawä;” quee äwä’dö’seiñe aweichöcoomo yoowanääcä na; quee cönä’döaacä Jesuuquidiito.

DOSECHO 2:27

yä’ja’a’como weicho’como ña näämä’da aweijäcä, adhaanonö ämjummadö äncä’nojo’da aweijäcä mmaja.

DOSECHO 2:31

Yääje yeijäcä dhowaajo eneedö’joto wa’cä Dawí cöneecammajäätöi töwäämaajo jonno Quidiito waadoncatoojo jäcä, yä’ja’a’como weicho’como ña ei’cha yeichojo jäcä mmaja, chääta’de yeichojo jäcä mmaja.

JUUDHA 1:7

Sodhooma ñancomo cönä’ja’todö naane’, Comooda ñancomo mmaja, anejja amoinchemjönö jataawoncomo mmaja; tönwanno Wanaadi amoodedö wei’yejeiñe mmaja tömaasuduicha töweiye cönä’ja’to, anejja chäänöngemjönö mmaja tönnöe cönä’ja’to dea. Yää cöneejemaicho wa’to töwaatamemjönö que töwäätä’maminchajoodöcoomo que. Yääje yei’jocoomo na cöwä’se’jadoojoto’comooje.

APOOCADIISI 1:18

Öwö ñäädä nudooto; wääma’jödö weichaame nudä wa eduuwa yeichöödäje. Wäämanä edhaajä öwö dea, yä’ja’a’como weicho’como edhaajä mmaja.

APOOCADIISI 11:8

Yaawä ñanno aaco’como ecammajä’nnamo’jödö equeejödööcomo na’de jata adai’joto annawääne. Yää jata eetö Sodhoomaje, Ejiitoje mmaja, yää jata nönge yeijäcä. Yäätä dea Cädhaajotoncomo cuduusa jäcä cönaatajoijojoi.

APOOCADIISI 20:13

Ñanno yä’ja’a’como cöneeja’caicho yaawä dama ’cwawonno, yä’ja’a’como weicho’como awonno mmaja. Tameedä cönä’mencajoicho yaawä töwaadäiñe tönnö’jocoomo woije.

APOOCADIISI 6:8

Weneeaqueene yaawä cawaayu tacaada’sato. Ñäädä ye’wono eetö cönä’jaacä Wäämanä Momo, quee. Inchäcä cöne’acä yä’ja’a’como weicho’como edhaajä. Chäwwä u’ajä cönä’jaacä dhantai nono de’woncomo töja’to’como, annaicho annai. Yää töja’to’como cönä’jaacä wänä que, ämi che mmaja, cädäi che mmaja, nono de’woncomo odoocoja’como que mmaja.