MATEO 11:22 - Wanaadi A'deddu

²² Yääje wä’döa äwwäiñe, wätämmencajootojo anooto awä änwanno mäntunaanö’ato’de, Tiido ñancomo e’jodhe’cä, Sidhón ñancomo e’jodhe’cä mmaja.

MATEO 11:22 ပူးပေါင်းရင်းမြစ်များ

MATEO 10:15

Chäänönge yääje wä’döa äwwäiñe, tönwanno imaaminchadööcomo jooje’cä na’de yaawä wätämmencajootojo anooto awä, Sodhooma ñancomo maminchadööcomo e’jodhe’cä, Comooda ñancomo maminchadööcomo e’jodhe’cä mmaja.

MATEO 11:21

—Wentumje maato’de änwanno Coodasín ñancomo, Wesaada ñancomo mmaja. Yää täneemö aneenedööcomooje wödöönedö Tiido ña, Sidhón ña mmaja wännö’jo mmaane, jenaadä tötö’tajäätödööcomo sha’duminchadö cöneiya’to; cone’da ä’döjoodö cöneiya’to töcoone’nadiiyöcoomo jäcä.

MATEO 11:24

Yääje yeijäcä yääje wä’döa äwwäiñe, wätämmencajootojo anooto awä Sodhooma ñancomo e’jodhe’cä mäntunaanö’ato’de; quee cönä’döaacä Jesuuquidiito.

MATEO 12:36

Öwö yääje wä’döa äwwäiñe, wätämmencajootojo anooto awä tameedä soto nätääcamma’jajaato’de tameedä towoinchadäiñe töwa’deuwö’jocoomo jäcä.

DUUCA 10:14

Yääje yeijäcä wätämmencajootojo anooto awä änwanno mäntunaanö’ato’de Tiido ñancomo e’jodhe’cä, Sidhón ñancomo e’jodhe’cä mmaja.

EEWEDEO 2:3

Töwaacö’je cönwanno eduuwa. ¿Aaquene cöwäätä’maminchajoodöcoomo caneemaichatäädöde’ mädä wa’coto wääwanaacatoojo chiiñeme’ca’jäcä cöwwäiñe? Cajiichaana Jesuuquidiito yää wätunnä cöneecammajäätöi awa’deene. Yää ’jeje ñanno Cajiichaana necammajäätödö etannamo’jödö chäänönge cöneecammajäätöicho dea cöwwäiñe.

2 PEEDHODO 2:9

Mädääje Wanaadi ñanno cöneewanaacaicho. Töwö dhowaanäcä na dea töwoija’como ewaanacaadöcoomo yä’yunaacajoodöcoomo jonno. Töwö dhowaanäcä mmaja töwoijemjöncomo maminchadööcomo, wätä’maminchajootojo anootoi’chädö neene jona tödööene.

2 PEEDHODO 3:7

Wanaadi a’deddu woije mmaja edä caju eduuwa naadö tödhau’cwaamöje tösooma na, edä nono mmaja. Yaawä nä’dhau’cwaja’de, wätä’maminchajootojo anootoi’chädö awä, Wanaadi woijemjöncomo nä’ja’aato’dedö awä.

1 JUAN 4:17

Mädääje chäänönge cä’döaato wä’jummanä jäcä, töjöiye’da cöweichöcoomo wetä yaawä wätämmencajootojo anootoi’chädö awä. Edä nono de’wä caatoodawä’jödöödä Jesuuquidiito nönge caato.

APOOCADIISI 20:11

Yaawä weneeaqueene mude adai’joto, tajääde’dato. Ñäädä ye’wä shuucu cönä’ja’dö jonno cönännamjöi nono, caju mmaja; nono weichojo ’je’da cönä’jaacä yaawä, caju weichojo ’je’da mmaja.

APOOCADIISI 20:12

Weneeaquento yaawä tameedä yä’ja’a’como, ñanno täneejuca’como’jödö, soto mmädä mmaja; jiidi cönä’ja’to Wanaadi mudei je’taca. Jajeeda cönaata’ducaajätöi yaawä. Anejja jajeeda mmaja cönaata’ducai chea, yää weichojo jajeedai’chädö. Yä’ja’a’como cönä’mencajoicho yaawä, jajeedä jäcä iiñö’jocoomo imennaajä woije.