MATEO 11:11 - Wanaadi A'deddu

¹¹ Chäänönge yääje wä’döa, Juan Wautiita ñäädä tameedä soto e’jodha’como. Yääje yeichaame tameedä Wanaadi töcaajichaaneije tödöönei, mäccö mmädä mma töweichaame, Juan e’jodhe na.

MATEO 11:11 ပူးပေါင်းရင်းမြစ်များ

MATEO 11:10

Juan ñäädä chääjäcä Wanaadi a’deddu imennaajä naadö: Öwö, Wanaadi, yaanonö wanonta’de odhoowajo, adheemadö choonecaaneije; —quee naadö.

MATEO 11:12

“Eduuwa Juan Wautiita ncäcäädä jooje soto Wanaadi nödööaato töcaajichaanaichomooje. Töjääduduucomo que Wanaadi sotoije nä’döaato.

MATEO 3:1

Yaawä Juan Wautiita cönaajäntäi Wanaadi a’deddu ecammajäätödö Judheea ña, jata ’jemjönö aca.

MATEO 3:11

Öwö wautisaaje männöaato tuna que, ätö’tajäätödööcomo tösa’dumincha aweichöcoomo ene’ju’to’me. Ñäädä öncäcä ne’aanei mmaane jäduuje jeene na. Shaajatui shaacaneije jadä’jödöödä eijai’cha wa, ye’jodhe töwö yeijäcä. Töwö wautisaaje ayöödöaato’de Epíiditu Santo queene, wa’to que mmaja.

MATEO 5:19

Yääje yeijäcä ñäädä tooni waanontänä emaanei, she’caasa’cä yeichaame, yääje soto owaanoma’jäcä mmaja, dho’näiñe na’de Wanaadi sotoi antawäiñe. Ñäädä waanontänä tödöönei mmaane, yääje soto owaanoma’jäcä mmaja, ñäädä täneejuque na’de Wanaadi sotoi antawäiñe.

DUUCA 1:15

Wanaadi wwä täneejuque na’de ännedö. Töwö aneenö’da na’de chääjedöödö eccudu, tödäu’cwato aneenö’da mmaja. Epíiditu Santo ’je na’de töwennudu owaajodä’jödöödä.

DUUCA 7:28

Chäänönge yääje wä’döa, Juan ñäädä tameedä Wanaadi wa’deuwödö ecammannamo e’jodha’como. Yääje yeichaame tameedä Wanaadi töcaajichaanaije tödöönei, mäccö mmädä mma yeichaame, Juan e’jodhe na; quee cönä’döaacä Jesuuquidiito.

DUUCA 9:48

Yaawä töwö cönä’döaacä tönoowanoomadö wwäiñe: —Ñäädä öwö jääcäinchädä määdhä mude’cä’cä aashicha tödöönei, öwö mmaja aashicha yöödöa dea. Ñäädä aashicha yöödönei, yaanontänei’jödö aashicha tödöödö wa’cä mmaja na dea yää. Ñäädä dho’noncomo adhantawäiñe, ñäädä ñäädä adhe’jodha’como; quee cönä’döaacä Jesuuquidiito.

JUAN 1:15

Juan töneecammajä’e cönä’jaacä chääjäcä; cönä’döaacä: —Ñäädä ñäädä töneecammajä’e wä’jaaquennö: “Öncäcä ne’aanei ye’jodhe na, töwö yoowajoodotooje yeijäcä;” quee töneecammajä’e wä’jaaquennö; quee cönä’döaacä Juan.

JUAN 1:27

Öncäcä ye’taame ye’jodhe na. Shaajatui shaacaneije jadä’jödöödä eijai’cha wa, ye’jodhe töwö yeijäcä; quee Juan cönä’döaacä täcamma’jonnamo wwä.

JUAN 10:41

Jooje soto töötä cönä’ja’to yöiña. Tönwanno cönä’döa’to: —Juan Wautiita ene’ju’tojo ännö’da cöneiyacä, yääje yeichaame Jesuuquidiito jäcä tameedä ya’deuwö’jödö chäänönge na; quee cönä’döa’to.

JUAN 3:30

Töwö täneejuque jeene ä’döjai ña, öwö mmaane dho’nä dea täjai wa; quee cönä’döaacä Juan Wautiita.

JUAN 5:35

Juan cönä’jaacä adhaawa nönge; töwö tawaane tönweijo cönä’jaacä. Änwanno a’dhe ta’cwaiñe mä’ja’quene töwö tönweijo cönä’ja’dawä.

JUAN 7:39

Töwö cöna’deuwacä Epíiditu Santo jäcä, ecaanö’nnamo wwäiñe tu’emö. Eejö’da dea cönä’jaacä ñäädä Epíiditu Santo, Jesuuquidiito tä’da dea yeijäcä caju ña.

1 CODINTIYO 15:9

Tameedä anonta’como o’näncomo öwö; anontaajäje tä’tämje’da jadä’jödöödä wa, quedeiyentecoomo tömmaminchaiñe wei’jödö weijäcä.

1 CODINTIYO 6:4

Edä nono de’wono töcoonecaamö äwwäiñe töweiye yeichäwä ¿ane’que’nei quedeiyentejöncomo wwä mmädä tönconeecajo määnetääne, ñanno quedeiyente o’näncomo?

EUJEESIYO 2:3

Tameedä ñaa mmaja mädääje töweiye ñaa cönä’ja’dea. Cumjummadööcomo woije töweiye cä’ja’quene; cujuunucoomo nijummadö woije mma tönnöe cä’ja’quene, cötö’tajäätödööcomo woije mmaja. Yääje yeijäcä Wanaadi wwä töwäätä’maminchajaamoje cä’ja’quene, anejjacoomo soto naatoodöje mmaja.

EUJEESIYO 3:8

Tameedä Wanaadi sotoi o’näiñe wa; yääje yeichaame Wanaadi mädä taadawaajui cuntui öwwä, judhíojöncomo wwäiñe ecammajäätödö wetä öwwä Quidiito nödöödö aashichaato, yäätonno ’jemjönö.

2 TIIMOTEO 1:10

Eduuwaane töwö cujummatäiñe töweichö cöneenejoi Cäwaanacaaneichomo Jesuuquidiito wäänejoodö que. Töwö Jesuuquidiito wäämanä cömjäduucai; aashichaato wätunnä ecammajäätödö que töwö cöncatu’nacaajoi töwä’camjönö weiñä, yää yeichöödoto.

EEWEDEO 11:40

Aashichaato jaiñoone Wanaadi nichö’tammecöödö cönä’jaacä, cönwanno cöjääcäinchädäiñe. Yääje yeijäcä tönwanno cowaajodäiñe chäänöngato jaiñoone ejoodöjai’cha cönä’ja’to.

1 PEEDHODO 1:10

Jenaadä Wanaadi wa’deuwödö ecammannamo towaanäcäiñe yei’she cönä’ja’to mädä wääwanaacatoojo jäcä; a’que töntö’tamme’que töweiye cönä’ja’to dea. Tönwanno töneecammajä’e cönä’ja’to Wanaadi nutuudu äwwäiñe töweiyemö jäcä.