MATEO 10:22 - Wanaadi A'deddu

²² Tameedä soto aquiiñeme’cato’de sootoije aweichöcoomo jo’tädööje. Ñäädä yaatameedö jonaane shinchänei nääwanaaca’de.

MATEO 10:22 ပူးပေါင်းရင်းမြစ်များ

MATEO 10:39

Ñäädä töweichö ewontänei, töweichö nennanö’ca’de. Ñäädä öwö jääcäinchädä töweichö u’nei mmaane, töweichö neneea’de.

MATEO 24:13

Yaawä ñäädä yaatameedö jonaane shinchänei nääwanaaca’de.

MATEO 24:9

“Yaawä soto ayu’ato’de amaaminchadööcomo wetä, ajaajodööcomo wetä mmaja. Tameedä soto aquiiñeme’cato’de sootoije aweichöcoomo jo’tädööje.

MATEO 5:11

“Ta’cwaiñe eijai maato änwanno soto wwäiñe adheetana’ta’comjäcä, amaamincha’comjäcä mmaja, jönaawä adheementa’comjäcä mmaja, sootoije aweichöcoomo jo’tädööje.

MAADOCO 13:13

Tameedä soto aquiiñeme’cato’de sootoije aweichöcoomo jo’tädööje. Yaawä ñäädä yaatameedö jonaane shinchänei nääwanaaca’de.

DUUCA 21:17

Änwanno mä’quiiñeme’cajaato’de tameedä soto wwäiñe sootoije aweichöcoomo jo’tädööje.

DUUCA 21:19

Yää shinchädö que aweichöcoomo michaana’caato’de.

DUUCA 6:22

“Ta’cwaiñe eijai maato soto wwäiñe aquiiñeme’ca’comjäcä, asancwa’comjäcä mmaja, adheetana’ta’comjäcä mmaja, conemjönööje adhe’ta’comjäcä mmaja öwö, Soto nnedö, sotoije aweichöcoomo jo’tädööje.

DUUCA 8:15

Yää dhadöödö aashichaato nono de’wä cönä’meichö mmaane, chäänönge tötö’tajäätödööcomo que Wanaadi a’deddu etannamo cu’tädö yää. Ñanno chö’taqueejö’da netaato, yoije tönnöe yaawä. Chäänönge töweichöcoomo que nejössataato yaawä.

JUAN 17:14

Öwö adha’deddu wecammane chäwwäiñe; yääje yeijäcä tönwanno töwä’quiiñeme’jo weneeneto edä nono de’woncomo wwä, edä nono de’woncomoojönööje töweichomjäcä, öwö waadöje mmaja, edä nono de’wonooje’da.

JUAN 7:7

Edä nono de’woncomo aquiiñeme’jaiñe’da naato änwanno; öwö mmaane quiiñeme’caato choone’nadiiyöcoomo töneecamma weijäcä.

DOSECHO 9:16

Chäwwä weneeja’de jääcäinchädä yäntunaanö’tojo; quee cönä’döaacä Cajiichaana Jesuuquidiito Aananía wwä.

DOMAANO 2:7

Töwö Wanaadi yeichöödäje weiñä nu’a’de ñanno töquinchancädäiñe’da aashichaato tödönnamo wwäiñe, ñanno aashichaato encano’tännamo, aashicha töweicho’como encano’tännamo mmaja, töwaatamemjönö encano’tännamo mmaja.

2 CODINTIYO 4:11

Yeichöje töwäämatoojojaato töneene ñaa weneene Jesuuquidiito jäcäinchädä; mädääje Jesuuquidiito jäduudu töneenejo ñaa weneene, töwäämaamöje ñaa weichaame.

CAADATA 6:9

Yääje yeijäcä chincha’da queicho’ñojo aashichaato tödöödö jäcä. Chu’nädö aca yä’döa’jäcä aashichaato nä’tua’de cöwwäiñe, ejääduqueejö’da cöweiya’comjäcä.

EEWEDEO 3:14

Cönwanno Quidiito jadoncomooje caato, yaatameedö jona tödööene ejääduqueejö’da cöweiya’comjäcä cöneecamjödööcomo jäcä, yää yaajäntä’jödö jonnoto’jödöödä queecanö’täneedö.

EEWEDEO 6:11

Mädääje dea tameedä aweichonse ñaa na, yaatameedö jonaane, chäänönge äwwäiñe yä’dödö wa’cä yää onwomoocödööcomooje naadö.

SANTIYAACO 1:12

Ta’cwaiñe eijai ña ñäädä tuyuunacaadö shinchänei. Chäänönge toneejadö shincha’jäcä chäwwä, chaana’nadiiyö nä’tua’de yaawä, yää töweichö eneetojo, tameedä tujummannamo wwä Wanaadi necamma’jödö.

1 JUAN 3:13

Jimmä, cone’da mma mä’döjootäi’che edä nono de’woncomo wwäiñe äquiiñeme’ca’comjäcä.

APOOCADIISI 2:10

Määcatoncai äwäntunaanö’tojo jäcä. Dhantai odo’sha adheewaacajaato’de jedeeso ewöötö taca, odhoonejaadöcoomo wetä; amoojadä anooto yeetunu meneea’de. Chäänönge eichä’de äwäämadö jonaane; yaawä äwwä wu’a’de weichojo canaanadi.

APOOCADIISI 2:17

Eta’sato neta’ñojo Epíiditu Santo wa’deuwödö quedeiyentecoomo wwä: Ñäädä e’jodheinchanei’jödö wwä wänu’a’de ädeeja owaanojöönö. Chäwwä wu’a’dede täju’cä tajääde’dato, äätö eduuwaato imennaajä chääjäcä. Anejja dhowaanäcä’da na yää äätö, tääquemö mmaane dhowaanäcä;” quee cönä’döaacä öwwä ñäädä soto nnedö nöngato.

APOOCADIISI 2:26

Ñäädä e’jodheinchanei’jödö, yaatameedö jonaane ya’deddu tödöönei’jödö, wödööa’de sotoocomo cajiichaanaichomooje,

APOOCADIISI 2:3

Amäädä töwäntunaanö’e määnene; aashicha tönshinchä määnene dea. Jooje na junnei aweetadaawa’cajo’jödö, aweejäduuqueancädä’da.

APOOCADIISI 2:7

Eta’sato neta’ñojo Epíiditu Santo wa’deuwödö quedeiyentecoomo wwä: Ñäädä e’jodheinchanei’jödö nameedöje wänu’a’de weichojo ejeedödö, yää Wanaadi jataawä Aashichaato ña naadö;” quee cönä’döaacä öwwä ñäädä soto nnedö nöngato.

APOOCADIISI 3:21

Ñäädä e’jodheinchanei’jödö öwö jaadä wödööa’de cajiichaanaje. Yääje mmaja we’jodheinchane öwö; cajiichaanaje wä’döne dea yaawä Jaaja jadä.