MATEO 1:20 - Wanaadi A'deddu

²⁰ E’nomjadö jäcä chö’tajäätödaawä Cajiichaana amoodedö cönäänejoi chäwwä, iwäänetöödö ai; cönä’döaacä: —Amäädä José, Dawí weichö, ajiiñamooje Madía tödöödö mma monnontäi. Epíiditu Santo woijato wamoodetaajä ñäädä iiñedö, töwennueemöje naadö.

MATEO 1:20 ပူးပေါင်းရင်းမြစ်များ

MATEO 1:18

Edääje Jesuuquidiito cönennui: Yeenö Madía cönä’jaacä José jadä töwä’döeemöje, töwäätäcamma’jo’jocoomo weijäcä. Yö’tä ä’dö’dadä Madía cönwensu’täi, Epíiditu Santo woije.

MATEO 2:12

Yääje mma yaawä töjaatacäiñe cönennacaicho anejja ääma tai. Tönwanno Edoodhe dö’täcä ennaca’da cöneiya’to, yääje töwäänetöödöcoomo ai ecamma’jödö weijäcä.

MATEO 2:13

Yää ’jeje, jöwaiñamo wöta’comjäcä, Cajiichaana amoodedö cönäänejoi José wwä, iwäänetöödö ai; cönä’döaacä chäwwä: —Ääma’täcä; shiichu’cä adääcä, yeenö mmaja. Ejiito ña äänejeetäcä. Iiña eichäcä’de öwwä ecammadö wa’cä. Edoodhe dajaane shiichu’cä nujiiya emaadö wetä; quee cönä’döaacä amoode José wwä.

MATEO 2:19

Yaawä Edoodhe wääma’jäcä, Cajiichaana amoodedö cönäänejoi José wwä Ejiito ña yeichö, iwäänetöödö ai. Edääje cönä’döaacä:

MATEO 2:22

Yaawä José wwä eta’jäcä yuumö nwacaanoje Aadaquedao cajiichaanaje yeichö Judheea ña, töwö tösaade cönä’jaacä, iiña töötä’se’da. Töwäänetöödö ai ecamma’jödö weijäcä Caadideea ña mma cöntämä.

MATEO 27:19

Yaawä äcamma’jonei a’täi ye’wä Pidaato weichö ijiiñamo tanoonö cönaanontäi yöiña, edääje ecamma: “Conemjönö männöi’che ñäädä dhanwa aashichaato jäcä. Wäänetöödö ai weneeanä, cone’da wä’jaanä jooje;” quee ecamma.

MATEO 28:5

Yaawä amoode cöna’deuwöi ñanno wodiiñamo wwäiñe; cönä’döaacä: —Määcatoncatäi. Yoowanääcä na Jesuuquidiito ujiiyö äwwäiñe, ñäädä cuduusa jäcä yaatajoijojo’jödö.

DUUCA 1:19

Amoode cönä’döaacä chäwwä: —Caawidiyeede dajaane öwö, Wanaadi je’tacaano. Töwö dea yaanontäi äwwä a’deuwe, mädä aashichaato wätunnä ecamma äwwä.

DUUCA 2:4

José mmaja cöntännea yaawä Naasade ñanno, Caadideea nono de’wonno. Wedén ña cöntämä, Dawí jata’jödö ña, yää Judheea ñano jataaca, Dawí atö’jödööje töweijäcä.

DOSECHO 5:19

Yaawä, coijai, Cajiichaana Jesuuquidiito amoodedö mönaatata cöna’ducai anonta’como wwäiñe; cönä’döaacä chäwwäiñe:

APOOCADIISI 19:7

Töwa’cwainchaane ca’cwainchato’ñojo; aashicha ca’deuto’ñojo chääjäcä, Oweeja nnedö’cä jötaatojo cu’nädö aca yä’dö’jödö weijäcä. Ijiiñamo töweesomaajä’e na.