MAADOCO 9:7 - Wanaadi A'deddu

⁷ Ca’dutu cöneejä yaawä immai’chäiñe. A’deu cönäätaacä yaawä ca’dutu do’taca: —Önnedö umjummadö mä’dä; dha’deddu etaatäcä; quee cönäätaacä.

MAADOCO 9:7 ပူးပေါင်းရင်းမြစ်များ

MATEO 27:43

Wanaadi ecaanö’nei töwö. Wanaadi wwä ijumma’jäcä, töwö newaanaca’ñojo, Wanaadi nnedööje yäätä’täätö’da; quee cönä’döa’to.

MATEO 27:54

Nono wätu’medö eneea’jäcä, tameedä yääje yeeja’dätäädö eneea’jäcä suddau edhaajotoncomo wwä, Jesuuquidiito edai’chännamo wwäiñe mmaja, tönwanno jooje cönääcatoncaicho; cönä’döa’to: —Wanaadi nnedö dämma määdhä nä’jaanä; quee cönä’döa’to.

MATEO 3:17

A’deu cönäätaacä yaawä caju ña: —Määdhä ñäädä Önnedö umjummadö, ta’cwaiñe chääjäcä waadö; quee cönäätaacä a’deu.

MAADOCO 1:11

A’deu cönäätaacä yaawä caju ña: —Önnedö umjummadö amäädä; ta’cwaiñe wa äjääcä; quee cönäätaacä.

MAADOCO 9:6

Peedhodo yääje cönä’döaacä töwa’deutojo ’je’da yeijäcä, jooje töwääcatonca töweichomjäcä.

MAADOCO 9:8

Yaawä töwääje’duca’comjäcä töjääcäjeeneiñe cönäädantoicho ñanno Jesuuquidiito nowaanomaadö; Jesuuquidiito mma chääjadäiñe cönä’jaacä.

DUUCA 3:22

Epíiditu Santo cönä’täi ye’wä, täne, jaduuma nönge. A’deu cönäätaacä yaawä caju ña: —Önnedö umjummadö amäädä; ta’cwaiñe wa äjääcä; quee cönäätaacä.

JUAN 1:34

Öwö weneeaqueene yaawä, yääje yeijäcä wecamma Wanaadi nnedööje yeichö; quee cönä’döaacä Juan Wautiita.

JUAN 1:49

Yaawä Nataanaeede cönä’döaacä: —Owaanomaanei, Wanaadi nnedö amäädä. Ñäädä amäädä iisadaaediitacoomo Cajiichaanaichomo; quee cönä’döaacä.

JUAN 12:28

Jaaja, aashicha aweichö eneejocä; quee cönä’döaacä Jesuuquidiito. Yaawä a’deu cönäätaacä caju ña: —Öwö aashicha weichö töneenejo wäänene; eduuwa weneeja’dede; quee cönäätaacä a’deu.

JUAN 19:7

Judhíocoomo cöneccujä’a’to yaawä: —Ñaa wwä töweiye na waanontänä imennaajä; yää wä’dödö woije tämamje na määdhä, Wanaadi nnedööje töwäätä’tä yeijäcä.

JUAN 20:31

Eetä naadö mma tömennä na ecamjödö wetä äwwäiñe Jesuuquidiito Äwaanacaaneije yeichö, Wanaadi nnedööje yeichö mmaja. Yaawä äwwäiñe ecaanö’a’jäcä aweichöcoomo töweiye na’de, töwö chääjäcäinchädä.

JUAN 5:18

Yääje yeijäcä judhíocoomo jooje’cä jeene Jesuuquidiito ema’se cönä’ja’to, wäädeetatoojo anooto awä tödööemjönö tönnöe yeijäcä, Wanaadi wa’cotooje töwäätä’tä yeijäcä mmaja iiñedööje töwäätä’tädö que.

JUAN 5:37

Ñäädä Jaaja, yaanontänei’jödö dea, töneenejo weneene tanoonöje weichö. Änwanno aneeta’da maato dha’deddu, aneene’da mmaja maato dea töwö.

JUAN 6:69

Ñaa maneecanö’a; ñaa owaanäcä na Äwaanacaaneije aweichö, Wanaadi nudooto nnedööje aweichö; quee cönä’döaacä Simón Peedhodo Jesuuquidiito wwä.

JUAN 9:35

Yääje mma yaawä Jesuuquidiito cöneetaacä tänuuquemjönö’jödö u’ca’jödö. Yaawä dhacä töwoojodööa’comjäcä töwö cönä’döaacä chäwwä: —¿Mecaanö’anä Wanaadi nnedö? quee.

DOSECHO 1:9

Yääje töwa’deuwö’jeje Jesuuquidiito cönäncui caju ña ñeenedööcomooje. Yaawä ca’dutu cöna’dui; ääne’da cönä’jaacä yaawä.

DOSECHO 7:37

Ñäädä dea Moisé cönä’döaacä iisadaaediitacoomo wwä: “Aneedawä Wanaadi töwa’deuwödö ecammanei nanonta’de äwwadäädäiñe, öwö yaanontäneedöje mmaja; ajimmotoncomooje dea na’de. Töwö yoije eichäcä’de;” quee cönä’döaacä Moisé chäwwäiñe.

DOSECHO 8:36

Yaawä töwwäiñe tuna ija’dätäädawä ñäädä Eetiyoopía ñano cönä’döaacä Jediipe wwä: —Edä na tuna; ¿aaquene eduuwa wautisaaje wä’döja’jäcä? quee cönä’döaacä.

DOMAANO 1:4

Töwäämaajo jonno Jesuuquidiito waadoncadö que Epíiditu Santo cöneecadeeme’joi Wanaadi nnedö jäduujatooje yeichö.

EEWEDEO 2:1

Yääje yeijäcä aashichaane ijaanataajai caato yää wätunnä queetatäänedö jäcä, choojonno mma cösaadijanto’no.

2 PEEDHODO 1:17

Yää ñaa cöneeneaacä Cumöötoncomo Wanaadi aashicha chääjäcä cöna’deuwa’dawä, iiñataadö cöneenejoichawä. Yaawä Wanaadi wa’deuwödö cönäätaacä ñaa wwä, ñäädä Aashichaato: “Önnedö umjummadö mä’dä; ta’cwaiñe wa chääjäcä;” quee cönäätaacä.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.

APOOCADIISI 1:7

Eneetäcä’de’ma, ca’dutu de’wä Quidiito weejödö. Tameedä soto neneeaato’de yaawä, ñanno töwännamo’jödö mmaja. Tameedä soto weichöcoomo wa’cä naamoaato’de eneedö’jo. Mädääje na.