MAADOCO 9:50 - Wanaadi A'deddu

⁵⁰ Aashicha saayu töweiye nai. Yaawääne’, dha’cwötöödö wataamea’jäcä, ¿aaquene ma’cwötöömaiyede yaawä? Saayu ’je eichäcä änwannoje dea, ta’cwaiñe eichäcä ajimmotoncomo jäcäiñe; quee cönä’döaacä Jesuuquidiito.

MAADOCO 9:50 ပူးပေါင်းရင်းမြစ်များ

MATEO 5:13

“Änwanno maato saayu nönge edä nono de’woncomo wwäiñe. Yaawääne’, saayu a’cwötöödö wataamea’jäcä, ¿aaquene ma’cwötöömaiyede yaawä? ¿Ane’cotoojoje eichöde’ yaawä? Tämamje mma na yaawä, sotoocomo neta’jätöödöcoomoje.

MAADOCO 9:34

Tönwanno äucwätä’da cönä’ja’to, “ ¿änääcö cantawäiñe o’jodhe’cä nai?” queeto jäcä töwäätäccujäätö’jocoomo weijäcä ääma tai töweejödaawäiñe.

MAADOCO 9:49

“Tameedä soto wa’to que necoonecaato’de, saayu que äwanshi choonecaadö töweiye naichöje. Tameedä saaquidiijiisiyo mmaja saayu que necooneca’dede.

DOMAANO 12:18

Täncanoode’da eichäcä tameedä soto jäcäiñe, eijai aweichöcoomo woije.

2 CODINTIYO 13:11

Mädääje mma wä’dö’se wä’jaanä, jimmä. Chäänönge aweichöcoomo encano’tätääcä; ä’jädu’tätääcäde; aata’deucwe eichäcä; täncanoode’da eichäcääde. Yaawä Wanaadi ajaadäiñe eijai ña, ñäädä täncanoode’da weiñä edhaajä, wä’jummanä edhaajä mmaja.

CAADATA 5:22

Epíiditu Santo nödöödö weja’caajä mmaane wä’jummanä, ta’cwaiñe weiñä mmaja, täncanoode’da weiñä mmaja, aashicha shinchädö mmaja, tamääne’da weiña mmaja, aashichaato jummadö mmaja, chäänönge weiñä mmaja,

EUJEESIYO 4:29

A’deu conemjönö mma äntaiñe mämja’canö’jotäi, aashichaato dea mmaane, ’wa’tänei chea mmaja, wa’deutojo cu’nädö awä mma, tameedä etannamo aashicha etaiyeto.

JIDIIPENSE 1:27

Edääje mma eichäcä’de, Quidiito wätunnäi aashichaato necammadö woije mma. Yaawä adöiñaiñe ööta’jäcä, tä’da weiya’jäcä jeiñe mma, aashicha dea adheecadööcomo äätäiye’de öwwä, jäduujeedä aweichöcoomo, aata’deucone aweichöcoomo mmaja, aashichaato wätunnä ecamjödö jäcäinchädä tujuumä töweewänä’tä aweichöcoomo mmaja äätaiye’dede.

CODOOSENSE 3:12

Wanaadi nijummadö änwanno, töwö ñei’jödö mmaja, töwwonooje aweichöcoomo wetä. Yääje yeijäcä aashicha weiñä äwwäiñe tödööjai maato, yää wentumje äneetä weiñä, soto jäcäiñe ta’cwaiñe weiñä mmaja, o’jodhe chö’tajäätö’da weiñä mmaja, soto jäcäiñe jäduuje’da weiñä mmaja, aashicha shinchädö mmaja.

CODOOSENSE 4:6

Aashicha adha’dedducoomo tödöötäcä, tösejjejä’nato töweiye naichöje; oowanoomatääcä tameedä adheecamma’jonnamo eccujäätödööcomo jäcä.

1 TEESADOONISENSE 5:13

Aashicha tödöötäcä, ijummatääcä chaadawaajuichomo jäcäinchädä. Äwwäädäiñe ä’tu’de’tä’da eichäcä.

2 TIIMOTEO 2:22

Yääje yeijäcä äänejeecä mude’cäje weiñä cone’nadi jonno. Chäänönge weiñääne encano’täcä, ecamjödö mmaja, wä’jummanä mmaja, täncanoode’da weiñä mmaja, ñanno aashicha tötö’tajäätödööcomo yeiyancädä Cajiichaana ecaanö’nnamo jadäiñe.

EEWEDEO 12:14

Tameedä soto jäcä äätu’dedööje’da aweicho’como encano’tätääcä, aashicha aweiyancädäiñe. Ñäädä aashicha yeichö ’jemjönö Cajiichaana aneene’da na’de.

SANTIYAACO 1:20

Ñäädä töwäätömaajä’ato Wanaadi woijato ännö’da na.

1 PEEDHODO 3:8

Edääje mmaja wä’dö’se wa dea äwwäiñe: Tameedäädä äänönge ätö’tajä’täcä; wentumje äneetä eichäcä. Ä’jummatääcä, töweichacoono ijummadö töweiye naichöje. Ta’cwaiñeiñe eichäcä, o’jodhe chö’tajäätö’da mmaja.