MAADOCO 9:43 - Wanaadi A'deddu

⁴³ Adhaamädö nödöödö woije asaadijanga’jäcä acä’cä. Aashicha eijai ña ijaatoonomjödö mma adhaamädö caju ña äätädö; cone’da eijai ña a’nädäncädä adhaamädö weichaame wa’to töwäätunque’emjönö nwaca äätädo.

MAADOCO 9:43 ပူးပေါင်းရင်းမြစ်များ

MATEO 17:27

Yääje yeichaame, cone’da yeichöcoomo queiñe, chu’jä aca o’täta. Ñäädä awa’deeto ono’tädö inchajoocä’de, jödaata adai’joto medantäiye inchaca. Yää jödaata u’ta’de yaawä ädö’sennotooje, öwö dö’sennotooje mmaja, Wanaadi weichojo choonecaatojooje; quee cönä’döaacä Jesuuquidiito Ceedhodo wwä.

MATEO 25:41

“Yaawä töwö Cajiichaana nä’döa’de ämu’dato dö’sencomo wwä: “Ojoncomo jonno änwanno töwännanö’aamö; wa’to töwaatamemjönö aca ojoncomo, yää odo’shancomo weicho’comooje choonecaajä naadö.

MATEO 3:12

Töwö na äiña ji’jämjödö töja’nei eijai naichöje mmaja, sheemeecatoojo dha’me. Jödoodo sheemeecadö’jo äiña nishooma yaawä shoomatoojo taca; iji’jämjödö mmaane niyau’cwa wa’to töwäätunque’emjönö que; que cönä’döaacä Juan Wautiita.

MATEO 5:22

Öwö mmaane yääje wä’döa äwwäiñe: Ñäädä töweichacoono euwö’sato, nätääcamma’jaja’de. Näädä töweichacoono chiimajä’nei nätääcamma’jaja’de äcamma’jonnamo wwä. Ñäädä töweichacoono eunei wa’to nwaca töötädö nijumma.

MAADOCO 9:44

Dhacöödö ääma’da iiña, wa’to unqueejö’da mmaja, yeichöje.

DUUCA 14:13

Edääjeene eichä’de awaajä’madaawä; wentumja’comoone ana’dejjacooto’de, cädäija’como mmaja, secumja’como mmaja, tänuuquemjöncomo mmaja.

DUUCA 14:21

Ñäädä dhanoonö cönennacai yaawä. Töwö tädhaajä wwä cöneecammajäätöi yääje yä’dö’jocoomo. Chäädhajä cönäätömai yaawä; tanoonö cönaanontäi; cönä’döaacä: “Jata antai äjääne. Wentumja’como a’dejjataato, cädäija’como mmaja, secumja’como mmaja, tänuuquemjöncomo mmaja;” quee cönä’döaacä chäwwä.

DUUCA 3:17

Töwö na äiña ji’jämjödö töja’nei eijai ñaichöje mmaja, sheemeecatoojo dha’me. Jödoodo sheemeecadö’jo yää äiña nishooma yaawä shoomatoojo taca. Iji’jämjödö mmaane niyau’cwa wa’to töwäätunque’emjönö que; quee cönä’döaacä Juan Wautiita soto wwäiñe.

DOMAANO 8:13

Ajuunucoomo woije aweiya’comjäcä mä’ja’aato’de. Dha’da Epíiditu Santo jäduudu que ajuunucoomo nödöödö e’jodheincha’jäcä äwwäiñe, yaawääne aweichöcoomo meneeato’de.

1 CODINTIYO 9:27

Edääjeene wä, öwwäädä töwäätä’mamincha wäänene, yeejö tömmamincha mmaja, woije yeichö wetä, chäänönge’da mma wei’ñö’de yaawä anejjacoomo soto tönoowanoomaiñe wei’jödö weichaame.

CAADATA 5:24

Ñanno Quidiito sotoi tujuunucoomo nijummadö woije weiñä cöneemaicho cuduusa jäcä, conemjönö tödö’se weiñä mmaja.

CODOOSENSE 3:5

Yääje yeijäcä tameedä edä nono de’wono ännödööcomo emaatäcä: yää masuuduichanä, nossaje tö’tajä’nä mmaja, conemjönö tödö’se weiñä mmaja, conemjönö ijummadö mmaja, ane’cä’cä ijummadö jäcä töwäätätäädä weiñä mmaja. Chu’taajä ijummadö wa’cä mmaja yää töwäätätäädä weiñä.

TIITO 2:12

Yää cöjääcäiñe aashicha Wanaadi weichö que cönwanno oowanoomajai caato conemjönö tödöödö e’nomjadö jäcä, conemjönö tödö’se weiñä e’nomjadö jäcä mmaja, chäänönge weiñä jäcä mmaja, towaadäädä weiñä jäcä mmaja, Wanaadi woije weiñä jäcä mmaja edä nono de’wä cöweichöcoomo.

EEWEDEO 12:1

Mädääje na; jooje naato ñanno ecamjödö ’ja’como wäänejoodö cöwwäiñe. Yääje yeijäcä cummichaatäiye tameedä cämu’däneichomooje naadö, conemjönö cashiichuudäneichomooje naadö mmaja. Chincha’da cöweiyancädäiñe cöötätäiye cäämadööcomo tai.

1 PEEDHODO 2:1

Yääje yeijäcä e’nomjatääcä tameedä conemjönö, tameedä wätäncu’tänä mmaja, juutuje weiñä mmaja, we’neimmanä mmaja, wä’tu’de’tänä mmaja.